benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L convegn de Selva dl 2005: n sostegn nuef a les ghiranzes referendares
scrit ai 08 July 2007 da les 20:22:10 da noeles

Politica

L convegn dl 2005: rejoné de teritore ladin enluegia de confins de provinzies 

LES TREI PUBLICAZIONS DE MARCANTONI Y DELAI PREJENTEDES DL 2005 A SELVA DEIDA SCLARÌ CIAMÒ MIEC L DEBUJEGN DE UNITÉ DI LADINS  

"I dijaré de scì pro l referendum a Cortina d'Ampez" à declaré Dino Fabio al Corriere delle Alpi. Dino Fabio é soze ampezan dla CIPRA y fova colaboradour pro les publicazions dl convegn metù a jí dl 2005 sun enciaria dla region Trentin-Sudtirol a Selva de Gherdeina dal titul "geografia, ambient, dimenjion linguistica, formazion soziala, cultura y tradizions, storia contemporana, les dinamiches soziales, economia y svilup tles valedes ladines". Dino Fabio fej ence pert desche consiadour dl comité pro-referendum de Ampez. A la lum di svilups nuefs entourn al referendum da souramont giata i resultac de chest convegn, publichés te 3 libri, na relevanza nueva che an pò dessegur enjonté pro la ampla documentazion per sotligné les rejons referendares. Enlaouta ne fova l referendum samben nia sun meisa, ma dlonchfora vegnìvel consié na majera colaborazion anter les valedes ladines, dantaldut tres la lege 482/99. La meisa di reladours a Selva dl 2005 (a man ciancia) - La cumpeida a la redousa enfin al 28 de otober 2007 à metù man.

 



Al vuel ester plu creta tla identité ladina - Trei publicazions fej n cheder dla Ladinia tres na lignola de intervistes
Bulsan dassen scluta, Trent dassen daverta - Lorenzo Dellai: l lingaz é la oma de vigni politica a ben di ladins
I ladins de encueicondì à puec momenc de confront; ai viv te n contest autoreferenzial, enfinamai despartis daite da la medema valeda - I studes de dr. Mauro Marcantoni y dr. Nadio Delai
Al dij ence che al ne é per nia ti dé la colpa ai "privilegs" dla region autonoma Trentin-Sudtirol per l dejaje dla mont beluneisa. Al se fej ence la domanda, olà dess pa sté l enteres dla provinzia de Belun entiera? Tl projet de na euro-regio Alpe-Adria che pon devers l Mer Adriatich o plulere devers nord, deberieda con l Trentin, Tirol y la provinzia de Bulsan te na euregio-Tirol con raions a la mont valifs y enteresc valifs.

Les trei publicazions prejentedes pro l convegn a Selva, metù a jí da la jonta regionala dl Trentin-Sudtirol, sot al titul "“I comuns ladins pensa a sie davegnì”  fova:

a) “Identità & Sviluppo” – Le minoranze ladine pensano il proprio futuro”, cureda da Nadio Delai y Mauro Marcantoni (chest ultim à ence fat da prejentadour y moderadour dl convegn);
b) “Lo sviluppo del capitale umano della comunità dolomitica ladina”, cureda da Anna Povinelli e Mauro Frisanco;
c) "Primo rapporto interregionale sulle comunità ladine del Trentino-Alto Adige e Veneto", cureda da Ulderico Bernardi, ma prejenteda da Maurizio Florian.
 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.374 seconc