L Papa y sies vacanzes tla Ciadoura
PUBLICAZION NUEVA SUN LA GLIEJIA DE LORENZAGO
Al é vegnù fora en forma de liber te deplù lingac la publicazion "La Chiesta della Difesa a Lorenzago di Cadore - note storico-artistiche", deda fora en gaujion dl prum entrategn dl papa S.S. Benedet XVI da pert dl istitut ladin de Borcia de Ciadoura, deberieda con la ploania di Sanc Ermacor y Fortunat, tres la tipolitografia Print House de Cortina d'Ampez.
L liber tol ite 32 plates y é vegnù stampé per talian, ciadorin, tl dialet rejoné delà dal Plaf (tla traduzion de Giampietro De Donà), per ingleis (outé da Mirco Viel) y todesch (outé da Loretta Rosa). L liber vuel dé n valgunes informazions d'utl sun la storia y i contegnus artistics y storics dla gliejia de Lorenzago. Al vegn abelì da truepes imajes a colours dla gliejia deforavia y daitefora. L liber vegnirà partì fora a Lorenzago entratant les vacanzes dl Papa Benedet XVI y dedò sarál ence da compré te deplù luesc tla Ciadoura al priesc de 5 euro. (em)
