benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum a souramont: la campagna à metù man
scrit ai 01 July 2007 da les 19:48:18 da noeles

Politica

Referendum, cumpeida a la redousa: te 120 dis 

I PARLAMENTARS DL VENET A ROMA SE MUEV PER ARIDLÉ L TROI - BIGONTINA: AL SE À DAURÌ NA PICERA SFENTA PER NOS

Depierpul che l president dla region Venet Galan svaia, se desmostra l president dla provinzia de Belun, Sergio Reolon, plu apajent y dij de entene les rejons storich-culturales che ti à dé la sburla a Ampez, Fodom y Col de se damané l referendum per passé a la region Trentin-Sudtirol. Reolon ti consieia a Galan de zede con les svaiedes y de cialé de capì plutost la situazion. Soura 10 comuns al confin con la region Trentin-Sudtirol vuel mudé vilin. I parlamentars venec a Roma, sibe de man ciancia che de man dreta, é contra y valch un à bele fat na interogazion. Te sies toutes de posizion desmòstrei endere de conesce puech la storia dl raion. L scí de Durnwalder ai ladins da souramont y al referendum vegn interpreté feter sciche "declarazion de vera teritoriala": "Ciuldì Lamon nia y Anpezo ben? La dignité dla provinzia de Belun y de Aunejia ne pò nia vegnì pesteda sot! Les rejons é economiches y nia storiches! y e.i." La cumpeida a la redousa à metù man: 120 dis al referendum.

 



Les bries de Ampez per s'uní ai Ladins 
N liber nuef de Manuela Zorzi fej na cronistoria da do la Vera encá - La vueia de vegní "con Südtirol" y sia ambivalenza
Tirol ne é nia sinonim de todesch
L faliment dl pre-referendum dl 1991 ta Fodom - Ma chel che conta é la unificazion di ladins
Zent Ladina Dolomites
Se spirit enier y encuei. Dl 1945 fova i ampezans dret atifs politicamenter: jolantins, petizions y memorandums
 
Ampez, Col y Fodom
se merita l sostegn de duc! per se scluje permez a la la region Trentin-Sudtirol
Sergio Reolon, president dla provinzia de Belun, se ghira che al vegne enrescì mecanisms per ti proibì a comuns de confin de passé con regions autonomes y dantaldut de fé a na moda che la jent reste gen tl Venet, ajache al vegn scuté su si problems y debujegns.

La touta de posizion de Durnwalder de chisc dis ("Ie dijaré de scí tl consei provinzial-regional per tó ite Ampez, Fodom y Col"), ti à plajù dassen ai promotours ampezans dl referendum, Siro Bigontina y Elsa Zardini, respetivamenter president dl comité dl referendum y dla Union di Ladins de Anpezo, che ti fej al savei sie atacament al Tirol. Siro Bigontina al "Corriere delle Alpi" chisc dis: «Nosc comuns é vegnus zarés demez ingiustamenter dal Tirol do la pruma vera dl mond da pert dl regim fascist per motifs blot politics. Nos fovan tiroleisc y nostes comunités se à tres batù per fé endò pert de sia tera d'origines. Ie é demé scuté su la volonté de union y de dé outa de nosc neinesc. Da 15 agn aspetonse chest moment per coerenza con nosta storia y con nostes tradizions. Nostes raijes é tiroleises. Sen se àl daurí na sfenta. Spo, clermenter, saràl i zitadins che dezid con sia ousc deda ju a les urnes». Les paroles de Durnwalder i encorajeia de varié inant con fidenza.

Dut na autra ciampanela sona depierpul l assessour ladin de Durnwalder, Florian Mussner, che dij de ester per prinzip contra vigni scomenciadiva de mudazion di confins. Mussner (Alto Adige, 27.06.2007): "I messon colaboré deplù anter les provinzies de Bulsan, Trent y Belun a na moda che duc i ladins ae i medems derc, scomencian da la scola. An dess esporté la autonomia dla provinzia de Bulsan che funzioneia ben, nia demé tl ciamp dla scola." Con chesta posizion él enfinamai en contrast con la dezijion de sie partí, la Svp "ladina", che ti à dant da puech dé - almanco en prinzip - sostegn al referendum da souramont.




 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referendum a souramont: la campagna à metù man (ponc: 1)
da christian ai 02 July 2007 da les 17:36:03
(Infos sun l utilisadour | Ti mané n messaje privat)
Bel articul encoe soele foliet Dolomiten, 1. y 3. plata.

Le deputat dla stera de munt, co vegn damané y spiega der bun dij che le passus plue rio te doet l'iter por l'anesciun podess ester do le referendum l'aproaziun dla muedaziun co mess gnì dada tal parlament talian. Sperun che ara ne sides nia enscioe.

Christian Ferdigg, Verona


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.445 seconc