benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Union Generela: l referendum é na ocajion storica
scrit ai 28 June 2007 da les 20:30:42 da noeles

Politica


La Generela: al sarà ence nost dovier de informé  

LA POSIZION DLA GENERELA SUN L REFERENDUM, DOI DIS  DO L PROCLAM DLA DATA, AI 28 DE OTOBER 2007

COMENTAR: ma al é tres chisc ma

Al ruva chestes paroles dl president dla Generela en cont dl referendum da souramont. L sostegn al referendum é da apriejé ma, al é tres chisc ma.

L’Union Generela di Ladins dla Dolomites mostra gran legreza per la fissazion dla data ofiziala dl referendum di trei comuns de Souramont, i trei comuns ladins storics de Fodom, Col y Anpezo. En domenia ai 28 d’otober 2007 vegniràl cherdé entourn a 6.800 zitadins de chisc comuns che audiva enchin do la Pruma Vera aministrativamenter pro l Tirol adum a dutes les autres cater valedes ladines, a les urnes per la domanda de anescion di comuns ladins a la region Trentin-Sudtirol.


 

Per ejempl, al ne spliga nia ciuldì che avisa chesta outa ne vegniràl nia plu tegnù l "Di dla Unité Ladina" che fova vegnù organisé dal 1996 encà da la Union Generela di Ladins dles Dolomites. Propi en chest ann de gran dezijions referendares déssel tomé te ega y vegnì tegnù demé na "enconteda scluta" anter conseiers te valch utia. Chest moment é vegnù descrit desche "crisa dla Generela". Al mancia comunicazion y trasparenza, végnel dit. Di temesc tratés y dles dezijions toutes - sce al en vegn toutes - végnen empermò al savei doprò.

Al ne é nia enscì che al essa falé propostes alternatives al 14 de messel, dì dla gran enconteda sun l jouf dl Sela dl 1946. Tl Consei dla Generela él vegnù fat n per de iadesc, plu avisa da la Union di Ladins de Fascia, ence entant la ultima senteda d'aisciuda, la proposta che una dles dates essa podù ester i 5 de mei, l prum iade che la bandiera ladina (bruma-blancia-verda) é vegnuda auzeda. La data jissa ben ajache al ne é nia sajon, ma al é empò bele i prums ciauc y les scoles é ciamò davertes per fé zeche deberieda y zenza vegnì condizionés dai enteresc dl turism. Al ne vegn nience nominé d'autres azions o cie che La Usc se tol dant de fé per informé miec la jent. De beles paroles ne basta nia, al va debujegn de idees y propostes o miec de n program de azion, per l referendum y per l do-referendum. La Generela ghira de podei dì la sia y de vegnì azeteda da la Lia di comuns sciche "partner" privilejé tles gran chestions dla politica culturala ladina. Na tel ghiranza, per ester credibla, messessa vegnì soponteda da scomenciadives concretes y da n comportament coerent con i fins metus dant te sie statut (sconanza y promozion dl lingaz y dla cultura ladina).

Dant doi agn à la UGLD festejé i 100 agn de vita dla Union di ladins. Les festes se à destudé via zenza dé n segnal coche an pensa de jì inant. La UGLD ova lascé stampé per talian na storia dla "Union Generela di Ladins dles Dolomites", ma ala ne à dapò nience fat reclam de chest liber dret garaté sun La Usc. La presidenza dla UGLD se à fat na gran fadia a sotescrive "Les 11 teses per na politica linguistica interladina"; de concret per la mete en pratica ne àla fat nia. L comportament de La Usc, l organ de informazion dla UGLD, é n ejempl de chest comportament descordent. Dantaldut l'adoranza dl ladin standard da pert dla redazion, te formes scassedes fora de mania n iade enscì y n iade autramenter fej ben marevueia. Sce bele i raprejentanc dla UGLD tol tant puech sun l scerio l LS, co pòn pa pretene che al vegne tout su sciche lingaz ofizial da les istituzions!

De beles paroles ne basta nia - verba volant - an se aspeta fac concrec da pert de chi che preten de interpreté y raprejenté i enteresc di Ladins.

(jp)

L’Union Generela se complimenteia pro les Unions di Ladins de Souramont per chest gran vare, é pu l’iniziativa per l referendum pieda via per merit dl engajament di esponenc de cultura ladina y lingaz ladin di raions de Fodom, Col y Anpezo.

Te chisc 4 meisc dant al dì dl referendum aronse temp y poscibeltés de cherdé la jent de Souramont de jì a lité de "scì". Al sarà ence dovier dles Unions di Ladins, dla Union Generela di Ladins dla Dolomites y di comuns ladins de Souramont de informé sia jent sun la storia y cultura di teritores dolomitics ladins. Demé tres na informazion y sensibilisazion endretura sun les conseguenzes de n "scì" o de n "no" vàla de envié i zitadins a tó na dezijion coscienzousa.

Per i ladins dles Dolomites é l referendum de Souramont na ocajion straordinara de ruvé endò adum te na aministrazion regionala soula, lascian enscì do l spinel, con na volonté clera, na ingiustizia dla storia. L popul ladin pò demé souravive, sce al pò formé - ence aministrativamenter - na unité, y sce al pò programé y manejé sie davegnì politicamenter, economicamenter y culturalmenter a na maniera omogena. Cie che confins provinziai y regionai vuel dì te na realté de na mendranza etnica che n’à nia ressurses culturales y linguistiches al estern, onse podù sentì sun nosta pel, dantaldut ti ultims 50 agn. I speron che l davegnì nes deure i canai y i liams per la coejion aministrativa y soziala, de chela che nos ladins on tant debujegn per ti tegnì bot a l’assimilisazion culturala y linguistica che nes manacia tres deplù.

 

SCE CHEST ARTICUL VES À ENTERESSÉ, VES RACOMANONSE DE LIEJE ENCE CHISC:
Olà va pa la barca ladina?
Contra n iceberg sciche la Titanic? Demé balé y cianté é massa puech
L Ofize linguistich dla Generela
de beles paroles ne basta nia
Quo vadis unions di ladins?
L Dí dla Unité Ladina messessa ester LA festa dla jent ladina y nia dles istituzions y autorités a dé ju proclamazions stereotipiches
L referendum pò desdruje la utopia ladina
ma al pò ence ti dé na sburla forta a na comunanza nueva che nos conescion con l inom de Ladinia
Braies de coram ne ti joa nia ai ladins
I todesc à sapù avisa cie che al va de bujegn per tegnì en pé na mendranza. Al vuel ester n lingaz scrit unifiché: l standard
La capitulazion dant a la tripartizion y dant al capital
Anter chi che se damana na scluta di joufs ence l president dla Generela
Souramont cherda, Mareo respon
Metù en pé n comité de sostegn al referendum ta souramont tla Val Badia
Court de Cassazion: lum verda al referendum
Cie che i gherdeines y i badioc nen miena? Chel nes é unfat - Carlo Willeit propon n comité de sostegn
Svp "ladina": scì al referendum
Al é cler che i ladins da souramont vuel vegnì pro Sudtirol - Sostegn al lim dla coienaria -  Al ne vegn nia scuté su Mussner
Dellai patejeia bele con Galan
Ence Durnwalder pèrel che se plieie plan plan a dé pro n "fond perecuatif"
Les trei deliberes é sen a Roma
Bonamenter te 5 meisc vegn i sentadins da souramont chrerdés a les urnes
I trei ombolc ladins da souramont: i volon la reunificazion di ladins
"I on dut l temp per valuté les oportunités che se deura per nos"
I ladins da souramont à l dert de vegnì endò a ciasa
Chest él da respeté, belunfat ciunes che é les gaujes - Ampez, Fodom y Col peia via
Referendum: amisc y nemisc
Les critiches de Mussner y de si compagns dla Svp de Gherdeina: motivazions economiches
Zent Ladina Dolomites: l spirit dl 1946 erd endò
Enlaouta fova i ampezans dret atifs: jolantins, petizions y memorandums
Les unions ladines da souramont: enviede via l referendum!
Les aministrazions comunales de Ampez, Fodom y Col vegn damanedes de envié via la prozedura
 
 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3
Oujes: 26


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Union Generela: l referendum é na ocajion storica (ponc: 1)
da christian ai 29 June 2007 da les 12:42:38
(Infos sun l utilisadour | Ti mané n messaje privat)
Düć nos sun l'Uniun Generela di Ladins dla Dlolomites:

Con sü 100 agn de ativité, de pasciun, crusc, sacrifizi, laûr y ligrёzes è l’Uniun Generela di Ladins dla Dolomites l’uniun-istituziun plü importanta che i an por la Ladinia. Śёgn vёgn la Ladinia ćiamó renforzada dala Lia di Comuns Ladins, y chёsc è n bun!

La jёnt ladina y nia ladina che vîr tla Ladinia, zitadins taliagn y inće dl’Uniun Europea y da fora de cà, fej pert de cösta tera, che degügn tan sterch desco l’Uniun Generala di Ladins dles Dolomites à proé da tignì adöm.

A düć chi co à tres laoré por la cultura, por la scora, por le lingaz ladin…, assessurs ala cultura y scora ladina, uniuns, assoziaziuns, movimonć, partìs, ti val’en gran merit, y düć adöm arati ti dijunse iolan y ti dun en merit particolar, dlungia a chёl de vigne singola persona, ala Uniun Generela di Ladins dles Dolomites.

La reunificaziun dla Ladinia Dolomitica y di confins dl Vedl Tirol è n vare storich y modern co po’ porté benester, vita y coscionza tla popolaziun ladina y tiroleja y nes portarà a n raport amical y plü solidal danter ladins, taliagn, todёsc y d’atri te cösta beliscima tera amez l’Europa che le Signûr nes à scinché.

Christian Ferdigg


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.390 seconc