benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum da souramont: la campagna à metù man
scrit ai 28 June 2007 da les 19:56:16 da noeles

Politica

Durnwalder: Benvegnus! 

L OMBOLT NUEF DE AMPEZ, ANDREA FRANCESCHI, DIJ CHE L QUORUM DOPL VEGNIRÀ DESSEGUR ARJONT

Do la enconda dla data dl referendum (domenia, 28 de otober 2007) él endò sclopé bendebot de reazions anter i politics dl Venet y dl Trentin-Sudtirol. L
president dl Venet Galan tira fora les sgrinfles y atacheia verbalmenter Durnwalder, manacian de jì enfin a dant a la Court Europea per fé verifiché i "privilegs" dla autonomia de Bulsan. Sun l stome ti sta dantaldut la sciampeda de Ampez, la perla dles Dolomites y nia tant "i rogns" da Fodom y Col. Ampez fej samben "gola" y deventa ram de strit.

Siro Biogontina y Luis Durnwalder: fil diret con i ampezans.

 



Durnwalder dij bele sen che al dijarà de scì canche la chestion ruvarà tl consei provinzial-regional per dé ju l arat prevedù dal iter referendar. Al é cler che i ampezans rejona diretamenter con Durnwalder. El ti à bele asseguré plu outes sie plen sostegn.  Durnwalder: "Ampez, Fodom y Col à fat pert per 400 agn alalongia dl Tirol y al é liams linguistics con i ladins". Cie che la Svp "ladina" o valch contrar gherdeina dla Svp nen pensa, p.ej. Mussner, ti é propi belunfat. Ai ne à nia ra de avei sie sostegn.
I ampezans, acorc, met dantfora dantaldut la chestion storica-linguistica dla mendranza ladina. "Al se trata de na reunificazion di ladins sot a un n tet istituzional", dij Siro Bigontina. L ombolt nuef de Ampez, Andrea Franceschi, se declareia bele sen convenciù che l quorum dopl (maioranza di litadours + maioranza de oujes afermatives) vegnirà arjont. Franceschi: "La fin dl meis de otober é n temp chiet y trueps ampezans con dert de lita vegnirà per Vignissant. Nosta aministrazion à tresfora apoié la ghiranza de referendum, ajache i cherdon che al sie dret che la jent dije la sia".
 
Alto Adige, 27.06.2007
Florian Mussner: "Pur essendo ladino, l'assessore altoatesino, Florian Mussner, ribadisce di essere contrario per principio ad ogni iniziativa secessionista. Bisogna impegnarci di più nella collaborazione fra le province di Bolzano, Trento e Belluno in modo tale che tutti i ladini abbiano gli stessi diritti a cominciare dalla scuola. Sarebbe opportuno esportare l'autonomia altoatesina che sta funzionando e non soltanto nel settore della scuola."
 
Leander Moroder: "Il ricorso al referendum è un passo importante che io sottoscrivo in pieno, proprio perché sarà in direzione dell'identità dei ladini, dunque finalmente un segno concreto in direzione del superamento di quell'ostacolo che, come ladini, ci trasciniamo dal periodo fascista quando prevalse la logica del divide et impera. Non entro nel merito delle problematiche tecnico-amministrative, che comunque esistono. Mi piace sottolineare, soprattutto lo spirito della iniziativa ampezzana e di conseguenza anche dei comuni del Fodom che punta a cementare l'identità ladina".
 
Glossar:
Ne avei nia ra de = ne avei nia bria
 
 
SCE CHEST ARTICUL VES À ENTERESSÉ, VES RACOMANONSE DE LIEJE ENCE CHISC:
Souramont cherda, Mareo respon
Metù en pé n comité de sostegn al referendum ta souramont tla Val Badia
Court de Cassazion: lum verda al referendum
Cie che i gherdeines y i badioc nen miena? Chel nes é unfat - Carlo Willeit propon n comité de sostegn
Svp "ladina": scì al referendum
Al é cler che i ladins da souramont vuel vegnì pro Sudtirol - Sostegn al lim dla coienaria -  Al ne vegn nia scuté su Mussner
Dellai patejeia bele con Galan
Ence Durnwalder pèrel che se plieie plan plan a dé pro n "fond perecuatif"
Les trei deliberes é sen a Roma
Bonamenter te 5 meisc vegn i sentadins da souramont chrerdés a les urnes
I trei ombolc ladins da souramont: i volon la reunificazion di ladins
"I on dut l temp per valuté les oportunités che se deura per nos"
I ladins da souramont à l dert de vegnì endò a ciasa
Chest él da respeté, belunfat ciunes che é les gaujes - Ampez, Fodom y Col peia via
Referendum: amisc y nemisc
Les critiches de Mussner y de si compagns dla Svp de Gherdeina: motivazions economiches
Zent Ladina Dolomites: l spirit dl 1946 erd endò
Enlaouta fova i ampezans dret atifs: jolantins, petizions y memorandums
Les unions ladines da souramont: enviede via l referendum!
Les aministrazions comunales de Ampez, Fodom y Col vegn damanedes de envié via la prozedura
Referendum: na claupa bendebot erta
Tla Talia él n grum de comuns che vuel entratant mudé ju provinzia - Sot a vigni critica la posizion de Mussner
Referendum teritorial: encuei plu saurì y plu realistich
Tres la revijion dla costituzion n. 3/01 y tres la sentenza dla Court Costituzionala n. 334/04 é la prozedura de mudazion vegnuda saurideda y aplaneda
Les bries de Ampez per s'uní ai Ladins 
N liber nuef de Manuela Zorzi fej na cronistoria da do la Vera encá - La vueia de vegní "con Südtirol" y sia ambivalenza
Tirol ne é nia sinonim de todesch
L faliment dl pre-referendum dl 1991 ta Fodom - Ma chel che conta é la unificazion di ladins


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referendum da souramont: la campagna à metù man (ponc: 1)
da marco ai 28 June 2007 da les 16:56:18
(Infos sun l utilisadour | Ti mané n messaje privat)
La posiziun de L. Durnwalder por ci co reverda le cuestiun dal referendum ladin é stada dagnora der tlera y fondada sö la tradiziun storica. Sce el se deida ensciö ennant podunse mat ester encontonc.
La reaziun de Galan desmostra la mancianza de argomonc y de prospetives por i comuns da soramunt.
Te söa aggresivité veigon ince che söa formaziun storico-culturala é scialdi spera: trep föm y pücia sostanza.



Re: Referendum da souramont: la campagna à metù man (ponc: 1)
da Claudio ai 28 June 2007 da les 20:36:37
(Infos sun l utilisadour | Ti mané n messaje privat)
An sà che i ampezans à si contac diretamenter con Bulsan. Ie me damane cie che p.ej. l comité de sostegn posse fé concretamenter. Dessegur mess les istanzes competentes da souramont fé truep. Ma cie pòi pa se asepté da les autres valedes entourn al Sela. La situazion dla jent tla Val Badia y te Gherdeina, y ciamò deplù te Fascia, pèr de ester completamenter passiva (ma nia demé te chest contest). Cie vuelen pa fé: mete su placac, telons soura les stredes devers souramont? Azions. I me teme che la sajon fajarà desmentié dut cant. L count-down à scomencé.



Re: Referendum da souramont: la campagna à metù man (ponc: 1)
da marco ai 29 June 2007 da les 09:31:04
(Infos sun l utilisadour | Ti mané n messaje privat)
En comité de sostegn po fa valch cuntra la passivité; vigne picio segno (placac, vetes etc.) por le referendum deida. Al ô ester jont motivada y co crei tla cosa.
Sanben el plü saurí da ste dô na mesa y critiché döt ci co ven fat o ci co n´é nia gnü fat cina sen, ciodi che an é dla minunga che al é belo por döt massa tert.
Preibel almanco por cisc 4 mensc lasciun da pordiché pessimism.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.418 seconc