benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I comités se enjigna ca al referendum da d'auton
scrit ai 20 June 2007 da les 21:05:30 da noeles

Politica

Souramont cherda: Mareo respon desche prum  

METÙ EN PÉ L COMITÉ A SOURAMONT - N PRUM COMITÉ DE SOSTEGN ENCE TLA VAL BADIA-MAREO - LA GENERELA EN CRISA: AL MANCIA COMUNICAZION

Les unions di Ladins da Souramont à crié n comité che ti stae do a sensibilisé la jent al referendum sun la volonté de vegnì pro la Region Trentin-Sudtirol. Do che l referendum é vegnù dé pro da la Court de Cassazion che ti à bele mané inant la documentazion ai ministri competenc per podei conesce l dì che al vegnirà tegnù l referendum te duc trei i comuns da Souramont, él sen n gran note y bries per enjigné ca la jent dl post al gran aveniment.

 



Quo vadis unions di ladins?
L Dí dla Unité Ladina messessa ester LA festa dla jent ladina y nia dles istituzions y autorités a dé ju proclamazions stereotipiches
L referendum pò desdruje la utopia ladina
ma al pò ence ti dé na sburla forta a na comunanza nueva che nos conescion con l inom de Ladinia
Fodom, Ampez y Col, demé inant
Ai se merita l sostegn de nos duc canc per se scluje permez a la region Trentin-Sudtirol

Ladinia, al se deura na sajon nueva - La prospetiva de reunificazion ne pèr nia de sciaudé su plu che entant i cuers di ladins - na analisa dl vize dla Generela Riccardo Zanoner

L Dì dla unité ladina: na steila destudeda
Bele en l ann passé éla juda a pe zot da l mete a jì, eniann che al fossa dret emportant ne vegniràl nience tegnù

A chest fin él vegnù metù su n comité metù adum da sies persones, does per val. Chesta la composizion, Fodom: Templari Daniela y Ruaz Ugo, Col: Agostini Paola y Kerer Moreno; Ampez: Bigontina Siro y Zardini Elsa. Les iniziatives che vegnirà metudes a jì deberieda y valeda per valeda, vegnirà publichedes tres l jornalist Lorenzo Soratroi che à sourantout l’enciaria de organisé la stampa dles noveles. N valgunes de chestes persones che fej pert dl comité organisatif adum con si amisc, ti à fat na vijita al comun de Mareo y s’à enconté con n valgugn aconsiadours y assessours de comun. L fin dla vijita: conesce de persona n valgugn di omi dl comun che à fat per prum la domanda de tó su desche lingaz interladin y interprovinzial l dolomitan. Samben àn ence chirì l’amizizia y l sostegn per l referendum, ma souraldut amisc che feje propaganda anter i ladins dla provinzia de Bulsan. A cef de chest grup de sostegn él Marco Pizzinini, aconsiadour de comun te Mareo. Truepes unions y ence valch istituzions ti à bele dé l "Benvegnus" a chi da Souramont, ma en general végnel reconesciù ch’al n’é nia ciamò chel gran entusiasm envers al referendum anter badioc y gherdeines. Na cossa dessegur demarevueia sce an pensa al grumon de slogans sun l’unité di Ladins audis per agn alalongia. Sen ch’al fossa na poscibelté concreta de laoré adum per realisé l some, àn enfinamai tricola y àn se tira endò con la vertola de ne volei nia se ficé ite, de ester globalmenter a una de volei chi da souramont con nos, ma la dezijion dess tó ei enstesc y da soui. Grana la delujion per l chiet dla Generela che essa messù organisé na gran manifestazion per i 14 de messel, l dí di Ladins, per dé n segn cler de sostegn y ti dé enscila ofizialmenter l "Benvegnus". Depierpul se contenteiela per en chel dí de cherdé ite duc i presidenc y i vizepresidenc dles Unions di Ladins te na utia, per fé deberieda na previjion de coche ala posse ciamò jì inant. Valch un à clamé chesta senteda na "enconteda spirituala" per ejaminé francamenter l fatour "trasparenza". Al mancia souraldut "la comunicazion" anter presidenza y consei, anter aconsiadours enstesc. La crisa é clera, propi tl moment canche al fossa debujegn de n majer entusiasm, de na sburla acorta per i amisc. Les assegurazions de sostegn dedes sot meisa ite ne conta propi n bel nia.

SCE CHEST ARTICUL VES À ENTERESSÉ, VES RACOMANONSE DE LIEJE ENCE CHISC:
Court de Cassazion: lum verda al referendum
Cie che i gherdeines y i badioc nen miena? Chel nes é unfat - Carlo Willeit propon n comité de sostegn
Svp "ladina": scì al referendum
Al é cler che i ladins da souramont vuel vegnì pro Sudtirol - Sostegn al lim dla coienaria -  Al ne vegn nia scuté su Mussner
Dellai patejeia bele con Galan
Ence Durnwalder pèrel che se plieie plan plan a dé pro n "fond perecuatif"
Les trei deliberes é sen a Roma
Bonamenter te 5 meisc vegn i sentadins da souramont chrerdés a les urnes
I trei ombolc ladins da souramont: i volon la reunificazion di ladins
"I on dut l temp per valuté les oportunités che se deura per nos"
I ladins da souramont à l dert de vegnì endò a ciasa
Chest él da respeté, belunfat ciunes che é les gaujes - Ampez, Fodom y Col peia via
Referendum: amisc y nemisc
Les critiches de Mussner y de si compagns dla Svp de Gherdeina: motivazions economiches
Zent Ladina Dolomites: l spirit dl 1946 erd endò
Enlaouta fova i ampezans dret atifs: jolantins, petizions y memorandums
Les unions ladines da souramont: enviede via l referendum!
Les aministrazions comunales de Ampez, Fodom y Col vegn damanedes de envié via la prozedura
 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.75
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: I comités se enjigna ca al referendum da d'auton (ponc: 1)
da travers ai 20 June 2007 da les 21:50:35
(Infos sun l utilisadour | Ti mané n messaje privat)
Scì, l comportament dla UGL é scandalous. Te na utia se encònten en general per beve n gote de vin y al pò ben ester che a la UGL ne ti tòmel nia ite valch de miec. Ma esistela ciamò chesta UGL?



Re: I comités se enjigna ca al referendum da d'auton (ponc: 1)
da MateoTaibon ai 21 June 2007 da les 20:43:44
(Infos sun l utilisadour | Ti mané n messaje privat)
püch te cunti !



Re: I comités se enjigna ca al referendum da d'auton (ponc: 1)
da marco ai 23 June 2007 da les 09:14:27
(Infos sun l utilisadour | Ti mané n messaje privat)
Le comité é pie ia motü sö ca zirca na desena de porsones de Mareo, dla Val Badia, da Fodom y da Balsan mo el é davert a düc chi co sostegn le referednum da Soramunt y la unité dla Ladinia. Düc chi co á interes, jont de vigne ponsier o movimont politich é enviês da to pert.
Nos orun mioré i contac danter i Ladins de Südtirol y chi da Soramunt y mioré soradöt les informaziuns che la jont adora da ji al referendum.
Le momont é storich y düc i ladins de bona orenté dess de so contribut.



Re: I comités se enjigna ca al referendum da d'auton (ponc: 1)
da MateoTaibon ai 21 June 2007 da les 13:38:30
(Infos sun l utilisadour | Ti mané n messaje privat)
La pröma endünada é stada te Mareo, al é ince na bona sona de porsones de Mareo laprò, mo nia "Mareo" ne respogn desco pröm: al é n grup ben plü ampl y nia mâ con jont de Mareo.



Re: I comités se enjigna ca al referendum da d'auton (ponc: 1)
da Claudio ai 21 June 2007 da les 14:47:52
(Infos sun l utilisadour | Ti mané n messaje privat)
Mateo, conta demé valch deplù, ajache te es tant ben informé ..... nos son dut oredles ....



Re: I comités se enjigna ca al referendum da d'auton (ponc: 1)
da marco ai 24 June 2007 da les 21:34:33
(Infos sun l utilisadour | Ti mané n messaje privat)
Emplü oressi di che la Uniun Generela n´è nia en crisa ciodi che era ea ince bun rapresentada a la sontada te Mareo. Iu sun sogü che l´Uniun Generela fajará ciamó trep por le referendum da Soramunt.
Iu oress ciamó eniade perié da nia se perde te polemiches internes a bun prisc co costa trepes energies y ne se prota ia ennant.
Düc dará so contribut.
Ince la jont da Soramunt mess segn desmostré che era n´à nia tema da so coraje.
Le tru motü man mess ji a compimont.



Re: I comités se enjigna ca al referendum da d'auton (ponc: 1)
da Claudio ai 25 June 2007 da les 09:40:51
(Infos sun l utilisadour | Ti mané n messaje privat)
Marco, an ne pò fé ju dut cie che ne plej nia con "polemiches bon marcé".
L articul é do mia minonga ben documenté y la crisa vegn conteda da les persones che veid les cosses dal daite. Che redont chest ann toma te ega l Di dla Unité Ladina, organisé da la Generela, é sintomatich per chesta situazion de crisa.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.338 seconc