benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cianacei: festa dla arpejon da mont
scrit ai 11 June 2007 da les 22:32:03 da noeles

Fascia


Cianacei: sies dis de orela curta 

DAI 20 DE MESSEL AI 26 DE MESSEL: LA ARPEJON DA MONT CON N GRUM DE SPORTES - ENCONTEDA CON I SPORTIFS FASCIANS

L comité dles manifestazions de Cianacei con a cef dr. Silvano Parmesani se enjigna ca con na busia tres majera a la sajon da d'isté 2007. Al é n grum de laours y de scufs da fé via a na moda che dut garete. Dlongia les mudazions al program general dles scomenciadives végnel mané inant tl detai i preparatifs per na festa ladina nueva, na festa che vegnirà entegreda tla festa "Te Anter i Tobie'" y la "Gran Festa da d'Isté": na edema entiera dedicheda a la cultura da mont. De cie se tràtel pa plu avisa? Al é na festa per i sciors che vuel conesce plu avisa les raijes de nosta cultura, les raijes de nost lingaz, la motivazion de nost ester ladins: na cultura secolara de vita sa mont te anter i creps sclauris.



 

 

 

Tiesce ite tradizions y usanzes ladines tl turism
Chesta é la strategia dl Comité dles manifestazions de Fascia - De messel dl 2007 vegniràl metù a jì l'Edema dla arpejon da mont
Dai 20 de messel enfin ai 26 de messel vegnirà chesta edema  endrezeda via a Cianacei con chisc elemenc: cultura da mont, alpinism, folclor ladin y cultura ladina da d'isté con n curs de storia y de geologia dles Dolomites. An vuel ti dé al scior che ruva adalerch na ocajion per conesce miec nost raion y l vive te nostes valedes ladines dolomitanes. Anter l auter saràl a la leta na seira sun l alpinist y schiadour temerar Tone Valeruz, na "cercia" dla storia di ladins porteda dant dal storich Dr.Fortunato Bernard Zapin, na seira con l alpinist de Fascia Sergio Valentini che à dant da puech arjont la piza dl Everest y n valgunes triparies con i sportifs fascians Gimmy Pacher, Cristian Zorzi y Chiara Costazza. Sies dis de orela curta y depierpul végnen afrida de conesce plu davejin l'arpejon da mont. Al sarà encontedes dessegur dassen promozionales al ben del tusrim de Fascia che lieia tres deplù sies fortunes al ambient dolomitan y a sia natura demarevueia bela. L isté 2007 sarà enscì a Cianacei na raida de encontedes con l ambient y la storia desche l titul dij: "La Montagna in Piazza/la Festa dl'arpejon da mont a Cianacei te plaza Marconi,dai 20 al 26 de messel 2007. Domenico Volcan.

vegnì afrida = avei la ocajion


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Cianacei: festa dla arpejon da mont (ponc: 1)
da Claudio ai 14 June 2007 da les 11:46:29
(Infos sun l utilisadour | Ti mané n messaje privat)
Propi bela la Val de Fascia. Oramai ti la stìchela clermenter a Gherdeina y a la Val Badia. Ala à na sia paruda particolara, bela. Les plazes ti paisc salejedes y enjignedes ca. Valch espert architet dij che les ciases con i liscios y i solés depenc ne sie nia tla tradizion "fasciana", a me me pèrel ben, ne fova nia i fascians conescius per depenje? Poester podessa zachei de Fascia nes dé valch spligazion.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.406 seconc