Con gran morveia tol la Generaziun Jona da La Pli de Mareo posiziun söl comunicat stampa dla SVP Ladina en cunt dl ladin standard: "Bel plan sunse stüfs da messei retrà les dezijiuns"

Nos se damanun con ci dert, che en te' comunicat stampa ven mené fora y cîs sön le tema der debatü dal lingaz ladin. Sön l´ invit por la sontada con le president dla regiun Franz Pahl n´él degün punt al ordin dal dé co azicâ minimamonter l´ argomont dal lingaz ladin.

I roarun tla situaziun olàche degügn ne sarà plü so lingaz dal oma desche al alda. Iu à danré en iade aldì ön de Puster co bajass «Hochdeutsch», mo le scrì ben.

I sun ince corius a che che la provincia ti sorandarà i tesc da scrì y tan dio che al gnarà finanzié dopl. La SVP tenn der alalt le lingaz dla oma. Èl dess ester la ierpejun y la vijiun por le dagnì. Le lingaz dla oma en gran suport dla identità y dla storia. Te n tomp olà che al ven entres plü ierè la conescionza de lingac, ne messunse nos nia se desmoncé le nost y ciaré da le svilupé ennant. Da nüsc amisc de Gherdena ierunse coerenza y respet dles dezijuns tutes y ti recordun che i grups dla SVP de Badia y Gherdena à düc adöm belo dan diversc agn tut a La Ila la dezijiun de finanzié le proiet SPELL.

Y bel plan sunse stüfs da messei retrà les dezijiuns.

Dr. Felix Ploner

Sorastant GJ La Pli