Noeles.net - Informazion ladina - Lege litala dl 2008: la Svp met endò sun meisa n lim

N lim lital tla provinzia de Bulsan é antiminoritar

LA SVP SEGHITA ENDERE DE VOLEI METE ITE N LIM - NA OSTINAZION NIA DA CREIE - ALA VUEL TI LA STICHÉ A DUC

n comentar de Mateo Taibon

Fé valch de chel che an sà avisa che al é contra n prinzip democratich; fé valch, sceben che an sà, da l'istituzion plu auta de n stat che la cossa é ilegala; fé valch, sceben che an s'á bele n iade ciafé na gran scurieda da l'istituzion democratica plu auta dl stat: la Court Costituzionala. Chesta é na ostinazion anti-democratica nia da creie. La Court costituzionala ova anulé dl 1998 la lege ajache l lim lital é antiminoritar y anticostituzional. Empò vuel la SVP endò fé na lege litala con n lim. Na lege litala con n lim é praticamenter arobé oujes ai pici partis: n pice partì ciafa na certa cuantité d'oujes; ma l partì de maioranza vuel n regolament che dije che enfin a n cert numer de oujes ne vel chestes oujes nia: enscì se tol i autri partis les oujes di pici partis.

Proposta de lege litala dla Svp - L moviment LADINS cialarà da se paré da chesta lege, sce ala essa da vegnì aproveda definitivamenter

Svp Stop! Al é pa ence na lege costituzionala
La Svp contra n lim lital a Roma, ma vuel en introduje un a Bulsan

SVP: n limen lital é clermenter antiminoritar
Les does mesures: cie che an se ghira da Roma, ne vuelen a Bulsan nia lascé valei per la mendranza ladina - Lege litala de Südtirol dl 1998 declareda anticostituzionala

"Chi che ti ciava na fossa ai autri, toma enstesc ite ...."
Con gran spavent protesteia la SVP contra les intenzions de Berlusconi de reformé la lege litala, introdujan n lim lital dl 4% tl proporzional

A vedei, sce la SVP va contra na sentenza costituzionala
Do les lites comunales vuel la SVP endò mete al orden dl dí l dessegn de lege litala per les lites provinziales 2008

Al é na lege de prepotenza dla maioranza che vuel s'asseguré na maioranza assoluta di aconsiadours te consei provinzial ence zenza avei ciafé chesta maioranza dal litadour. Al é na lege endere ence de nazionalism, davia che na tel lege ti proibissa ai ladins defat da avei partis politics autonoms. Per chesta gauja á ence la Court Costituzionala anulé dl 1998 la lege litala con lim. La SVP é enscì, desche dit, ostineda - te na politica antiminoritara.

Enteressant: a Roma se para la SVP sciche na mata contra n lim, ajache al é antiminoritar. A Bulsan vuelela l mete su, a ries, contra na sentenza dla Court Costituzionala: la SVP va enscí nia demé fora dla legalité, ma ence fora dl cheder democratich. Tant ne s'à pa ti ultims diejenés i todesc dla provinzia de Bulsan baudié dl nazionalism talian! An á n "lamento continuo" che met da trueps agn encá tres endò fora la maioranza todescia desche pueresc y i talians sciche de riei nazionalisc'. Ence i media scouta scialdi (ence chi ladins). Redont chesta SVP vuel per n secont iade - "wider besseren Wissens" - mete su na mesura che degun govern talian n'á mai metù su contra la mendranza todescia tla Talia. La SVP vuel ti la stiché a duc.

Enfin a sen án chest iade la descuscion tla comiscion legislativa. La proposta vegn da la SVP. L'esponenta dl SVP Martha Stocker s'á astegnù da la ousc, ajache ala ne sà nia sce l lim lital sie ben compatibel con l statut de autonomia y la costituzion. Savei savéssen pa ben dret avisa: an á na sentenza dla Court costituzionala dant man. O é la SVP tan inant de nience azeté na sentenza dla Court Costituzionala? Sciche l gran nazionalist Haider tla Ciarencia? Aladò dl'ostinazion tl propone endò na lege anticostituzionala ben. Ma che una na raprejentanta dl partì ae almanco n pue de scrupui, é almanco n segn che nia duc tl partí n'é ciamò te chest status de erojion democratica y zivila.


Vos ne seis nia loghé ite. [ Loghé ite ]