benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La ona de referendums é pieda via: ence Sappada sauta su
scrit ai 08 June 2007 da les 18:11:37 da noeles

Politica


Sappada vuel sen ence jì demez dal Venet 

TE PUECES ORES À N COMITÉ CLUPÉ ADUM PASSA 500 FIRMES DA TI SOTMETE AL CONSEI COMUNAL - OMBOLT A UNA

Ence Zapades/Blodn/Sappada vuel sen jì demez dal Venet, te chest caje nia devers la region Trentin-Sudtirol, ma devers la region autonoma dl Friul-Aunejia-Iulia de chela che l comun fajova pert pludadie. De gliejia auda Zapades dutaorela pro la diozeja de Udin.  Al se trata de na ijola linguistica todescia sunsom la Ciadoura a les fontantes dl Plaf che se à dagnora sentì lieda pro l Friul. An rejona dutaorela n dialet todesch dret davejin dal tiroleis. Chisc dis àn metù man de cueie adum firmes y bele  te 48 ores en àn abù n bel jop de 500 firmes, dutes regolarmenter autentichedes desche la prozedura referendara se l ghira.


La pratica ti vegn sen sourandeda al consei de comun che mess tó ofizialmenter na dezijion. L consei se abinarà entourn a mez jugn per dezide. L ombolt, Piller Roner Gianluca , se à bele declaré a una de jì l troi ofizial, vuel dí de depone la ghiranza de referendum pro la Court de Cassazion. Dedò vegniràl fat duc i varesc prevedus dal iter referendar y i zapadins podessa  jì a les urnes - desche chi de Ampez, Fodom y Col - bonamenter bele en chest auton. I referendums teritoriai veid dantfora n quorum dopl: na maioranza de zitadins che dije de scí a la ghiranza referendara y la partezipazion al referendum dla maioranza di zitadins scric ite a les listes comunales. Chiet da Aunejia sun chesta "freina" nueva che se delouj ai confins, ma al ne é nia dit che chi che tej dae pro. Do l suzes dla consultazion referendara ti comuns feltrins de Sovramonte y Lamon y vicentins de Sleghe/Asiago che vuel vegnì capert tla region Trentin-Sudtirol, de Cinto, Teglio Veneto y d'autri tl mandament de Puart/Portogruaro che vuel passé via pro l Friul, se enjigna sen ence ca l comun de Pedemonte. Nia demé tl Venet smueiel, ma ence autró. La ona de destacs é pieda via y duc deberieda podéssei avei suzes. Ciuldì pa ti permete a valch un de jì demez y a d'autri nia?
 

Liam al sit di Comuns talians che vuel mudé region/provinzia: Unione comuni italiani per cambiare regione.

 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc