benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Sella Ronda Bike Day: ai 8 de messel 2007
scrit ai 07 June 2007 da les 18:02:28 da noeles

Sport


"Sella Ronda Bike Day", trueps, ma nia duc a una 

CONFERENZA DE PREJENTAZION PRO LA UTIA MARIA SUN L JOUF DE PORDOI - AI 8 DE MESSEL 2007

La conferenza de prejentazion dl "Sella Ronda Bike Day 2007"  é vegnuda metuda a jì pro la utia Maria sun Pordoi con na bela veduda clera y sarena sun i 3000 milesc dles pizes dolomitanes. Al se trata dla seconda outa de chesta manifestazion de rodes entourn ai joufs dolomitans che vegn tegnuda en domenia, ai 8 de messel '07. Endana chest dì vegnirà les stredes soura i joufs sclutes ju al trafich motorisé da les diesc da doman enfin a les trei domesdì. Ales sarà a la leta demé di apascionés dles rodes. Al é na garejeda de orela curta con n dí alalongia degugn auti, degugn fums y degugn pericui sun les stredes. Na garejeda, chilòben, desferenta da les autres, olàche al ne sarà deguna classifica. L spirit animadour é demé chel de sté adum anter apascionés dla roda y dla mont per se giaude deberieda n ambient demarevueia bel y atratif.



A la conferenza stampa sun Pordoi à rejoné l president dla APT de Fascia, Riccardo Franceschetti, l president dla Provinzia de Belun Reolon, l'ex-campion dl mond dles rodes, l trentin Maurizio Fondriest y n zacotant de autri. N fil comun à lié duc chis entervenc: duc à sotrissé l'emportanza de chest aveniment che se deriej tl segn de na domanda nueva fata de natura y de poscibeltés de fé sport, dalonc dal biteboi y dal fracac di auti y dl smog. Na manifestazion, chela dl Sella Ronda Bike Day 2007, endrezeda via da les valedes de Gherdeina, de Badia, de Fodom y de Fascia deberieda che deida a poura nia porté pro a strenje i liams fons tla comunanza ladina y chi dl festide comun per l daciasa. Al ne é enscì nia demé n dì de carater ecologich ma ence n dì de reflescion sun problems economics y culturai per arjonje soluzions deberieda. Al ne mancia samben nia i problems y n valgugn operadours turistics sun i joufs se à declaré dassen contra chestes scomenciadives, palesan sie cruze per l dan economich che pò vegnì ca da scluje ju i joufs dolomitans. Ence Fiorenzo Perathoner, president dl Superski Dolomiti y patron dla utia Maria sun Pordoi, à palesé sie cruze sce chestes giornedes di joufs vegnissa ampliedes y sce al en vegnissa metù a jì tres deplù. A vigni bon cont é trueps unanims y rata che l turism ti agn che vegn deventarà tres deplù n produt con chesta eticheta "natura-pesc-gheneda".

Domenico Volcan


 
Liams emparentés
· Deplú sun l tema Sport
· Chier te noeles


L articul plu liet te chest tema Sport:
Carolina Kostner porta a ciasa da Mosca la medaia de bron


Valutazion dl articul
Cumpeida mesana de oujes: 4.42
Oujes: 7


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Sella Ronda Bike Day: ai 8 de messel 2007 (ponc: 1)
da Claudio ai 08 June 2007 da les 08:23:12
(Infos sun l utilisadour | Ti mané n messaje privat)
An se baudia de trafich y de motors etc. Ma vegnéi pa a pé adalerch chisc amatours dles rodes? Danz no, anzi ai à auti y autons per mete ite les rodes. Enstes vedù. Milesc se fajarà sun troi y n smog y ajiarà entourn per les valedes. L medem vel per la Maratona dles Dolomites. Les APT vuel nes vene chestes cosses desche "amur per la natura", ma en verité él n auter troi per fé marcé, ma arlongé n pue la sajon. I son segur che chestes manifestazions fej plu smog che n dì de trafich normal.



Re: Sella Ronda Bike Day: ai 8 de messel 2007 (ponc: 1)
da Jandaniel ai 08 June 2007 da les 09:23:06
(Infos sun l utilisadour | Ti mané n messaje privat)
Belavisa, fis de ostiers che pò se tripé con la roda su per i joufs, depierpul che i extra-comunitars laora, y che veid te chestes ocajions na autra ocajion de fé valch scioldi. Ben dert, ma an ne dess nia l mete fora sciche "sconanza dla natura" ....



Re: Sella Ronda Bike Day: ai 8 de messel 2007 (ponc: 1)
da Piere ai 09 June 2007 da les 19:46:59
(Infos sun l utilisadour | Ti mané n messaje privat)
No, chesc ie scunanza di tacuins plens..


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.437 seconc