benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

A pruma odleda na encunteda envieda via da la Region ....
scrit ai 20 February 2003 da les 14:18:58 da noeles

Politica

 

Envic dla Region Trentino-Südtirol, dedò comunicat dla  JG-SVP ladina, trueps se à sentì strumentalisés dai gherdeines

 

Dant da n per de dis él ruvé adum a S. Linert de Badia  sun envit dl president dla Region Franz Pahl n pice grup de persones per rejoné sun “Gespräche über Ladinien”. Enchina chilò dut bon y dret. Ma la chestion contegn n aspet dret interessant che auda da vegnì dit, davia che valgunes persones se à baudié do che ai à odù  la cossa tla stampa con ei sun la fotografia: l’envit a la “roda de discuscion” é vegnù scrit y menè fora sun papier intesté dla Region Trentin-Südtirol, ma enultima é duta l’enconteda vegnuda venuda a la stampa sciche na scomenciadia dla JG tla SVP ladina. Valgugn enviés, che ratova che al fossa sté na iniziativa interessanta dla Region, é restés a bocia daverta, desplajus y se à sentì strumentalisés, liejan dedò l comunicat politich con foto di joegn tla SVP. Sun l retrat: l Pesident Regional Franz Pahl. Al à ortié fora i envic sun papier intesté dla Region. La marevueia: al à tres endò sostegnì le ladin standard, rie da capì che al fossa sté a una con n tel comunicat. Valgugn entorj les cosses.



Da persones che à tout pert dla Val Badia él vegnù dassen baudié de chesta stromentalisaziun y ai se destanzieia perchel tla maniera plu assoluta. Baudié él ence vegnù de co che esponenc jogn dla SVP de Gherdeina s’empermet da giudiché sun tematiches culturales (lingaz unifiché, toponomastica, scora y ii) zenza avei gonot n minim d’ informazion de basa. Propostes de chest vers, fates entratant l'enconteda ne é daldut nia vegnudes dedes inant tl comunicat dla JG. Valch un di presenc s’à ence fat demarevueia co che Franz Pahl fej da sostegnì la posizion dla SVP jona en cont dl ladin unifiché, sce an pensa che propi el à dant da puec meisc daidé dè fora adum a la vizepresidenza ladina (Carlo Willeit) l statut d’autonomia te ladin standard. Che le President dla region se lascia ite te de tel juesc tant bonmarcé à fat marevueia. Ma l cont per avei strabacè l’enconteda a na tel maniera ti restarà bonamenter da paié a Christohp Perathoner y si colegs de Gherdeina (JG dla SVP), cun chi che i badioc ne se lasciarà nia saurì ite n secund iade. (tb).

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: A pruma odleda na encunteda envieda via da la Region .... (ponc: 1)
da Dolasila ai 20 February 2003 da les 15:17:25
(Infos sun l utilisadour | Ti mané n messaje privat)
ci bel, t vas a n incuntada dla regiun, y pona este tla fotografia de n'incuntada dla generaziun jona ... cun fotografia.



Re: A pruma odleda na encunteda envieda via da la Region .... (ponc: 1)
da travers ai 20 February 2003 da les 17:01:24
(Infos sun l utilisadour | Ti mané n messaje privat)
N ater iade vai ince iö ala incuntada por podëi spo gnì tut sö tla JG. Le problem é che chi jogn a les idees valgamia vedles y da müfa, chël ó dì püces y degünes, almanco sce an lì le comunicat de AT. Ci fà: resté vedli cun idees nöies o gnì jogn cun idees vedles?



Re: A pruma odleda na encunteda envieda via da la Region .... (ponc: 1)
da travers ai 20 February 2003 da les 17:26:58
(Infos sun l utilisadour | Ti mané n messaje privat)
Sce, sce , i badioc se la baudia da d'ascusc deperpo che CH. Perathoner & Co dà fora n comunicat, scrit y sortscrit porater da na badiota/ marora, olàche al vën so patüc gherdëna sciöche idees dla SVP "ladina" y "jona". Le cunt le à bele paié i badioc, Perathoner à incassé. Mo an mëss bëgn dì che i badioc se le merita, sce ai sa ma plö da dì siur sce a vigni furbo che ai incunta sön strada.



Re: A pruma odleda na encunteda envieda via da la Region .... (ponc: 1)
da tomescbornert ai 24 February 2003 da les 11:22:09
(Infos sun l utilisadour | Ti mané n messaje privat)
N compagn de parti de franz pahl dij che al fajess damí da se despartí da christoh P. Magari ne 'ál pa nia döt le tort! ... damí susc co mal acompagná.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.358 seconc