benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La delibera marora: lingaz en moviment
scrit ai 27 May 2007 da les 19:27:59 da noeles

Politica


Mareo reconesc l standard, a livel local endere l "mareo" 

DE JENÉ DL 2003 FOVA L STANDARD INTERLADIN VEGNÙ DECLARÉ CLANDESTIN DA ISTITUT MDR Y ASSESSORAT LADIN DE BULSAN

La dezijion é tomeda en mercui seira (23.05) tl comun de Mareo: l consei à aprové a gran maioranza "na mozion linguistica" de podei  scrive l mareo te chestions locales che reverda l comun, la scola, la gliejia, les assoziazions. Per comunicazions con les autres valedes ladines se aoda l consei che al vegne tout l "ladin standard". Chesta seconda mozion à tamben giaté na maioranza lergia (demé 2 astegnus). Al se deura enscì scenars nuefs per l standard interladin.



 



 

"L Consei dl Istitut Ladin Micurá de Rü dess dé les demiscions!"

N scandal l comportament dl president Hugo Valentin - Desmostrazion de incompetenza. Tres l'analisa di fac rúven a n giudize che é plu ne­gatif de vigni tai­fleda. 

 

 

N standard scrit é na conditio sine qua non 

Cathomas: l suzes dl standard ti la stica a dutes nostes aspetatives -Intervista a Bernard Cathomas, encuei diretour general dla Televijion Rumancia

 

 

Cie che Mussner dij dl ladin standard ne pò nia vegní azeté

Te chisc ultims dis àl endò agité contra la forma unitara scrita di ladins dles Dolomites - La Lia per i popui manacés tol posizion
Al ne fova nia enscì che te Mareo éssen adoré dal 27.01.2003, data dla famousa delibera n. 210 de Istitut Ladin-Mussner, te comun o te scola y dret ingert la enscidita forma de "mesa-val" declareda ofiziala. An à dagnora adoré l mareo scrit tla grafia unificheda dla Val Badia, cie che an se ova perauter bele ghiré dl 2002 canche Mussner ti ova scrit ai comuns de fé sies propostes sun l lingaz da adoré ofizialmenter. Mussner y istitut ne ti ova nia metù averda enlaouta. Tres chesta mozion végnel demé confermé n fat, ma les implicazions tla prospetiva é sen entorcoledes. Mareo ne vuel nia en savei de n standard demé per la Val Badia. Chest fova vegnù porté inant - per debujegns pratics - dal istitut te n valgunes publicazions emporantes per la valeda entiera sciche i libri de gliejia "Laldun l Signur" y plu tert per "Syn" . Per publicazions a livel de valeda ne ti sciamparàn bonamenter nience tl davegnì a chesta soluzion.

L

Letura aconsieda:

In provincia di Bolzano: usare il ladin standard diventa reato. Roba da Medioevo - dl prof.univ. Walter Belardi

a rejoneda de La Pli y de Al Plan tol ite na luegia n pue a pert tla varieté idiomatica locala dla Val Badia, tant che an l'ova touta en consciderazion desche idiom a pert  pro la elaborazion dles diretives dl standard interladin. Ma l badiot vegn tamben scrit y ensegné tles scoles. N standard de mesa-val metù dant desche normatif ne ti scusa nience dagnora cis soura Pont de Fer. Enfin al 2003 ne fova chest nience n problem. La chestion dl standard fova en moviment. An laorova pro la elaborazion dl standard interladin. Al vegniva ence fat valch esperiment con l standard, p.ej. sun les pageles de scola, sun valch proclam y e.i. L consei dl istitut  Micurà de Rü à spo fat l gran fal de ti dè sie sostegn a la delibera n. 210/03 tres chela che al vegn scrit dant, per l prum iade, una na forma de ladin desche ofiziala, savan belavisa che ala ne vegn ensegneda te deguna scola dla Val Badia, ma che al vegn ensegné encuei dantaldut la grafia da scrive ladin. L festide ne fova nia l "lingaz dla oma", ma la intenzion de inofizialisé y de declaré la doura dl ladin standard sciche na azion clandestina.  L colm fova che i laours pro la gramatica y l dizionar dl standard fova apeina vegnus scluc ju en colaborazion con l istitut enstes. Florian Mussner y Edith Ploner fova enlaouta raprejentanc dles unions tl consei dl istitut (unions ladines che laorova per n standard tres sia union tet, la Generela) y tl medem temp assessour cherdé y sia secreteria. Ai ne à informé deguna union de sies intenzions. Dé pro la delibera de clandestinisazion à ence Roland Verra, intendent ladin, che puec agn denant ova ciamò declaré: "Sce nos son senziers messonse ence vedei ite che nos ne podaron nia jì inant per dagnora demé con na comunanza de idioms plu o manco desvalifs. Zenza "koiné" (ladin standard) perdaronse do y do nost referiment primar: l ladin. Ester contra na koiné ladina vuel dì na volonté de niazion dl ladin, belau desche an volessa l tegnì per dagnora tl status de sotmiscion". Pro la recordanza di 30 agn da la istituzion dl Istitut MdR en chest ann l àn defat asconù via defin.  La intenzion dl istitut de scrive dant te n iade dl 2003 per la Val Badia l idiom de mesa-val desche normatif y oblient p.ej. pro ejams scolastics o pro l ejam de trilinguism vegn sen samben dassen comprometuda tres la delibera marora. Al podessa se daurì stritaries.
Tla seconda pert dla mozion - y chest é veramenter cotant plu emportant che la adoranza dl mareo a livel local - à l consei de comun de Mareo sostegnù l ombolt te sia iniziativa che les comunicazions, les deliberes y les declarazions dla Lia di Comuns Ladins vegne fates  tl ladin standard. A pruma vidleda pèrel na contradizion anter chestes does mozions: idiom local y standard interladin, ma da l'autra pert él l prum iade che na istituzion desche n comun auza ofizialmenter sia ousc per l standard, do 5 agn de chiet "ofizial".

 

 

 

 

 

 Mareo per i maroi: na Talsprache nueva
 N comentar de Carlo Willeit: tl vilin ladin à ence l mareo sia lerch
 La delibera marora sun la bota ciauda
 La delibera marora: lingaz en moviment
 La delibera marora: n comentar de Erwin Valentini

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La delibera marora: lingaz en moviment (ponc: 1)
da marco ai 27 May 2007 da les 13:37:39
(Infos sun l utilisadour | Ti mané n messaje privat)
Iu speri che ince d´atri cumuns toles l´ejempl dal Comun de Mareo. La Lia dai Comuns Ladins adora le ladins standard. Sce la Lia scri ennant söes deliberes y söes moziuns por talian spo vegnera delegitimada.
Degügn n´á bria da se temei dal ladin standard. Le standard lieia la Ladinia y lascia vire i idioms locai.



Re: La delibera marora: lingaz en moviment (ponc: 1)
da Claudio ai 29 May 2007 da les 14:47:39
(Infos sun l utilisadour | Ti mané n messaje privat)
"Lascé vive i idioms" me pèr n pue puech. L LS ne lascia nia demé vive i idioms, ma i arichesc. I messon nes tó fora dl cef che al se trate pro l LS de n lingaz a pert dai idioms, ma che al é plu che auter na forma de scrive i idioms. Per la Val Badia vuel chest dí che an pronunzeia, con ezezions, -ue- sciche -ö-, -ou- sciche -û-, -u- te certes posizions sciche -ü-. Dantaldut l badiot ti va gonot plu dlongia al standard, (uedl ---> ödl, truep ---->tröp, nuef ---> nö (mareo) y e.i.
An mess dé pro l LS àn messú en general ti dé la prezedenza a les formes plu longes per ester entenibles plu saurí .... jouf --- (ju), ma do criters dl svilup linguistich.
LS vuel dí che an pò sourantó tl scrit truepes de beles paroles y formes, zenza problems, dai idioms vejins desche I ves eis dessegur bele entenú, liejan standard.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.514 seconc