benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Implant sun Mont de Souc
scrit ai 19 February 2003 da les 17:48:16 da noeles

Politica

 

" L lift nuef danter Souc y Mont de Souc dess porté pro a smendrì l trafich, ma zenza desvantaje per i zitadins de Sudtirol"

 

Les condles nueves che va da Souc enchin sun Mont de Souc pò zenzauter porté pro a smendrì l trafich y a mioré l turism a Souc, cie che dessa bonamenter ence ester la finalité dl implant. Ma, do l entene dla Lista LADINS, ne daussa la populazion dl Sudtirol nia vegnì sforzeda a adoré l lift per ruvé sun Mont de Souc. La jent, enscì la LL, à bele for nuzé la Mont de Souc coche raion per l temp lede, per jites de familia, de pensionés y, nia per ultim, per podejé. Messei tò l lift fossa n gran peis y bonamenter ence n impediment finanziar per jì sun la mont.



La LL é dla minonga che chest ne fossa nia dret per la populazion da chilò y ciamò n majer dann per les impreises rezetives sun Mont de Souc. Canche an ova metù man de fé l lift fòvel cler che al ne sarà nia meso tò demez defin i auti, scenò ne éssen nia sopié l engrandiment di hotiei sun la mont. Da tegnì fora fòssel che la populazion provinziala se nuze inant, coche sen, dl stradon y dles lueges da mete ju i auti che é bele dantman, y i turisc’ tole l lift. La LL rata che al é giustifiché che n forest che va un n iade al ann o un n iade te sia vita sun Mont de Souc, paie la cherta per l lift. An ne daussa nia desmentié che la populazion da chilò à bele daidé empera a finanzié chesta furnadoia tres i contribuc publics che ala giata.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Implant sun Mont de Souc (ponc: 1)
da travers ai 19 February 2003 da les 22:13:22
(Infos sun l utilisadour | Ti mané n messaje privat)
Rajonamënt de morvöia chël dla Lista Ladins. Sce le fin dl lift é de smendrè l trafich y donca l'incuinamënt sön Munt de Suc, a ci moda dess pa chësc fin ma varëi por i foresc' y nia por la popolaziun de Südtirol? I rate ince iö che an dess ti reconësce ala jënt dl post, p.ej. a chi che à pra da munt, ciajares, üties de munt, y.i.i., n rejim particolar, avisa sciöche al vëgn reconesciü ti parcs de Fanes y Puez, ma a ci moda messéssun pa slargé fora chisc dërc a düta la populaziun de Südtirol? La chestion fondamentala é l'incuinamënt, no l fat che la popolaziun ais daidé finanzié le lift cun contribuc publics; sce al se trata de chësc pòn ti lascé do le priesc dla cherta mo no lascé vignun furné sö por munt cun motors y jeeps por se devertì y desturbé düc i atri che chir la pesc y na natüra naturala sön Munt de Suc. La popolaziun de Südtirol ne incuinëia nia de manco che la jënt dl Veneto o di Paisc todësc. Che ala vais ince zënza auti pòn odëi p.ej. a Wengen o Zermatt tla Svizra: degügn ne mör da fan y düc pò se gode la munt.



Re: Implant sun Mont de Souc (ponc: 1)
da Dolasila ai 20 February 2003 da les 17:42:12
(Infos sun l utilisadour | Ti mané n messaje privat)
eh, tlo ne va la Lista Ladins nia dô na logica da capì. Mo ai à tut la "logica" dl populism.
lasciun mâ sconé l'ambient.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.432 seconc