benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Svp ladina: scì al rerendum da souramont
scrit ai 25 May 2007 da les 20:48:03 da noeles

Politica


La Svp "ladina": n sostegn al lim dla coienaria 

LA SVP TI À EJAUDÌ DUC I DEJIERS AI LADINS: AL É DAVIADECHEL CLER CHE AI VUEL VEGNÌ PRO SUDTIROL - MUSSNER NE VEGN NIA SCUTÉ SU 

Tert, ma sen à ence la Svp "ladina" tout posizion sun l referendum da souramont. Sia posizion é positiva y ala reconesc ampezans y fodoms desche ladins, valch che ne é nia dagnora normal te certli dla Svp "ladina". Ma tl ton pèrel n comunicat dl ofize stampa dla Corea dl Nord che decianta les gran arjontes y l paraisc sun la tera. Y chi ne vuel pa nia vive tl paraisc. Al ne é nia bastan superlatifs per descrive l gran laour dla Svp. La chestion dl referendum vegn touta - a desvalivanza dal Moviment Politich Ladins - desche encenscera per reclamé na storia de suzes per la Svp. Al vegn arjont l lim dla ofenuda di ladins da souramont, metus fora sciche i golousc da l'autra pert de sief. La Svp "ladina" ti à endere - y chest é empò bendebot significatif - out l spinel al assessour Florian Mussner che ti ova consié - dut antié - ai ampezans y fodoms de s'en sté olàche ai é.

 



 

Ampez, Col y Fodom, ai se merita l sostegn de duc!
per se scluje permez a la provinzia de Bulsan y a la region Trentin-Sudtirol
I volon la reunificazion di ladins
Sen ruva la chestion a la Court de Cassazion che fissarà la data dl referendum, bonamenter da d'auton 2007
Ladinia y referendum
L referendum pò desdruje a fonz la utopia ladina ma al pò ence ti dé na sburla forta a na comunanza nueva de ideai y de enteresc che nos conescion con l inom de LADINIA

SVP Ladina: n grumon de paroles fora de luegia

Les trei deliberes toutes dai Conseis di Comuns de Ampez, Col y Fodom per n referendum per vegnì con la Provinzia da Bulsan, é a Roma y an s’aspeta che ales vegnes aprovedes. I trei comuns deberieda con les unions de val é zenz’auter dezidus de jì inant y ai ne desmostra nia de volei aspeté de podei conesce i umours di ladins de Bulsan y de Trent. N aiut da pert de chisc ti fajessa dessegur plajei. Almanco na parola, na desmostrazion de "Benvedus" fossa dessegur n segn de encorajament de ne se sperde nia dant a les dificoltés. Desche an sà ne vegniràl mai n segn te chest vers da pert dl assessour Florian Mussner y de valch ombolt de Gherdeina. N segnal n pue stramp vegn dal "Verbindungsauschuss" (jonta de coliament) dla Svp ladina de Val Badia y Gherdeina. Te sie comunicat firmé dal obman Bioc Gasser végnel naouta encenscé te vigni vers i meric dla Svp de Sudtirol ti confronc di ladins y che ti fej dassen gola ai ladins da souramont. Chest n’é assolutamenter nia veir, ajache Ampez é dessegur plu famousa de Maran y Bulsan y propi per chest à Ampez sia strategia de fé conesce miec les Dolomites, de ester liés tres y plu adum y de les abelí a livel internazional. Francamenter: ladins de Trent y Bulsan é ciamò truep massa endò per vedei ite l projet de Ampez. A dì puech ofen l comunicat i ladins da souramont. Anter n grumon de paroles fora de post ence n pice sentiment: "La Svp ladina saluda, apriejeia i sforc di ampezans y fodoms per vegnì con Bulsan". Chest é dut. Proverb: ence dal malan pòl vegnì valch bona parola. (jp)

"Enchestadì se à abiné la Svp "ladina" a Neustift per rejoné dl referendum da souramont per vegnì con Bulsan. La Svp "ladina" l valuteia desche segnal che la Svp y l govern provinzial à fat na politica dret enjignoula y vijionara a ben di ladins. Ala à sambenzenza laoré ejemplaricamenter. La Svp "ladina" veid de bon uedl che i ampezans y i fodoms vuel vegnì pro Sudtirol, ajache ai desmostra de avei vedù ite che la politica dla Svp y dl govern provinzial ti ultims diejens ti à asseguré ai ladins de Gherdeina y dla Val Badia  n davegnì desche grup etnich autonom y per sie cont. Al é daldut da capì che ence i ampezans y i fodoms vuel arjonje chest travert.

Nos, ladins y sudtiroleisc, on aldidancuei de gra a la politica dla Svp y dl govern provinzial, truepes ventes envers a d'autres regions. Chesta politica nes à asseguré a nos ladins nosta cultura y nosta raprejentanza politica, plena ocupazion y benester. La Svp y l govern provinzial se à sfadié de arjonje a livel local, nazional, ma ence a livel internazional na sconanza dles mendranzes, ajache demé chesta sconanza permet na floridura ledia dles particolarités culturales. Per i ladins él vegnù dé ti ultims agn trueps varesc emportanc. Sia sconanza y sie reconesciment é vegnus ampliés bendebot. La Svp à dessegné la storia de suzes di ladins y i à sostegnus te duc si dejiers y te dutes sies ghiranzes. L model de autonomia de Sudtirol vegn vedù internazionalmenter desche n ejempl. Perchel se muev sen i fodoms y i ampezans, ajache ai veid ite che la Svp y l govern provinzial à laoré ti ultims 60 dassen y con gran suzes per nos ladins y per i sudtiroleisc".

 

 
 Referendums tl Venet: al se deura scenars nuefs
 Lia di comuns ladins: les enciaries
 Lia di comuns ladins: ultims svilups
 Lia di comuns ladins: la jonta se abina endoman
 Lia di Comuns Ladins: senteda costituenta a Corvara
 N comentar a les chestions entourn al referendum
 Referendum a souramont: 'Al é na ocajion che an ne pò nia se lascé sciampé'
 Referendum a souramont: trueps dij benvegnus
 Referendum a souramont: consciderazions de Carlo Willeit
 Reinhold Messner: i esse plu gen inom Troi desche mie neine ladin
 Referndum a souramont: i amisc y i nemisc
 Referendum per passé da na region a l'autra: i varesc
 Les rejons storiches per n referendum
 Referendum a souramont: les posizions nia da creie dla SVP de Gherdeina
 Referendum a souramont: Ampez peia via
 Moviment Politich Ladins veid referendum dassen positif
 NOLES.NET - 1300eisem articul - Referendum a souramont
 Referendum a souramont
 Luigi Chiocchetti enconta i ladins da Souramont
 Comentar: statut dla Lia di comuns ladins: n vare emportant
 Lia di comuns ladins: al ti mancia ciamò l dret floch
 La Lia di comuns ladins: l element sterch é sia strutura istituzionala
 L grup de laour à enjigné ca l sboz per l statut
 Decret Bersani: tais a la lege 482/99
 Letura dret aconsieda
 Ombolc:  n comentar 
 La lege 482/99 - Contegnus
 
 Ladinia: enconteda di ombolc ai 27 de messel 206

 Enconteda di ombolc de messel o da d'auton

 Comentar sun n referendum y la lege 482/99
 L ombolt de Col Santa Lizia peia via
 La lege 482/99 - Contegnus
 La posizion de Bepe Detomas sun la lege 482/99 *** letura dret aconsieda
 Devers l organism de coordinament 482/99: propostes da Trent
 Letra daverta dl president dla Comunanza Ladina a Bulsan
 Comunicat stampa dl ofize stampa de Bulsan: conferenza di ombolc
 Union Generela di Ladins dles Dolomites saluda con plajei i ombolc
 La GJ dla SVP de Urtijei tol posizion
 Enconteda di ombolc ladins y di sourastanc dles provinzies
 Lites de comun 2005: i ombolc mess declaré sies intenzions
 Lege 482/99 - La Generala se muev
 Union Generela: stop a Bulsan  con test integral dla lege 482/99
 Generela: enconteda con les autorités provinziales de Belun
 Abineda di ombolc ladins d'otober 2004
 La lege 482: an s'entardiveia
 Pensiers soura l'assemblea dla Generela
 Union di Ladins de Fascia: touta de posizion
 L apel dl ombolt de Col Santa Lizia
 Comité interregional ladin - n comentar
 Intervista al ombolt de Col de Santa Lizia Paolo Frena
 Consei di ombolc: intervista al ombolt de Santa Cristina, Bruno Senoner
 Intervista al ombolt de Fodom Gianni Pezzei
 Comentar: poester renunzieien enfinamai a la 482/99
 I ombolc de Cianacei y de Moena respon

 Les respostes dl ombolt de Badia

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 2
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Svp ladina: scì al rerendum da souramont (ponc: 1)
da marco ai 26 May 2007 da les 12:56:55
(Infos sun l utilisadour | Ti mané n messaje privat)
Ester cuntra le referendum ô di aprijé la politica dai fascisc, che dô la pröma vera á orü la tripartiziun dai ladins "divide et impera".
La SVP (ince ladina) á odü ete cösc.
La unité dla Ladinia é in gran davagn sot l´aspet economich, sozial y cultural nia mat por nos Ladins mo ince por döt Südtirol.



Re: Svp ladina: scì al rerendum da souramont (ponc: 1)
da Claudio ai 26 May 2007 da les 16:01:46
(Infos sun l utilisadour | Ti mané n messaje privat)
Cie cretes che certa jent à, en verité él demé la vueia sota sota de audì laprò, de ester na sort de "todesc ...."
Cie à pa fat la SVP per i ladins de particolar: NIA. Ma de sia jent, chela todescia àla cialé cotant.
Meton man con l 1948, do la vera, depierpul che ai todesc ti vegnível conzedù na ampla autonomia , ne vegniva i ladins nience nominés, piec, ai é vegnus scarzés endalauter, con l consens dla SVP. Raions de confin todesc desche Laurein y Proveis àn trat ite te Sudtirol, i comuns ladins àn lascé ester. La SVP à damané con insistenza la scola todescia per les valedes ladines enfin a na plura dant da la Costituzion che ti à dé tort a la Svp dl 1977.
Dl 1964 àn destaché ence i comuns de Ampez y de Souramont da la diozeja, zenza nience ti l dì dantfora ai plovans de Ampez y Fodom. L éssei mo fat, sce al fossa sté comuns todesc, danz nia!!
Dl 1973 àn marciadé l secont statut de autonomia sun les sciables di "fascians", desche F. Chiocchetti à scrit, che an à lascé ester per se la fé fora con i Trentins.
L secont statut de autonomia. Al ne contegn nia truep per i ladins, al contrar la proporzionala i penaliseia cotant ajache ai vegn scluc fora da n grum de comiscions y enciaries plu autes. Lois Trebo à splundré agn alalongia decontra, i todesc: oredles sourdes.
An mess dé pro, con Hugo Valentin desche assessour se àla n sich mudé en miec, ma al messova tegnì cont dassen di fanaticons todesc tla Svp de Gherdeina. Ma do el, cie meda Bioc ne dij nia, él pa sté 2 legislatures con l MPL y Carlo Willeit che ai à astilé fora dlonch, ence con de burc trics che ne essa perdret nia lerch te n stat de dert, p.ej. desche l assessour cherdé da defora (sen ne él degugn che rejona plu de chel). Dl 1998 volova la Svp introduje na lege litala con n lim lital dret aut a na moda de impedì i l MPL. La Court Costituzionala, al é dret LA COURT COSTITUZIONALA, la à anuleda, ajache ala jiva contra i derc di ladins.
Y al fossa ciamò n grum de autres cosses, penson demé a la chestion dl ladin standard, a la aplicazion dl ladin tla provinzia (praticamenter zero) y e.i.
Ma plu che chestes "cosses storiches" me pèrel emportant encuei arjonje na unité tla MEDEMA REGION AMINISTRATIVA, che Ampez y Fodom ruve tla provinzia de Bulsan o de Trent nes pò ence ester dret. Desche spidicés linguisticamenter ne é nia dret, ne é tamben nia dret n spidiciament aministratif y politich.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.379 seconc