benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Na letra de Christian Ferdigg: stimés amisc dla cultura
scrit ai 25 May 2007 da les 19:40:04 da noeles

Cultura

Divert a globalisé la cultura! 

... VOLONSE UNIFORMÉ DUT, DUT DL MEDEM COLOUR, DUT DA LA MEDEMA SAOUR?

Tl mond economicamenter tres deplù globalisé 2007..., cie ti romàgnel pa ciamò a la persona de uman, genuin y culturalmenter de valuta, sce nia vigni manifestazion culturala, umana y soziala.


 



Divert a globalisé la cultura!

Desche la Ladinia Dolomitica é da valorisé te n contest europeich, enscì à ence vigni plu picera manifestazion culturala l dert (y l dovei) de vegnì valoriseda, ence l mareo, dantadut da persones che se declareia de cultura o politica de cultura o culturala.

Les particolarités fej fora la cultura, i colours, la mujiga, vigni persona é autramenter y particolara. L abitat natural y cultural é n dert y n dovei, dantadut per jent che ti vuel ben a la cultura. La scienza deida spo lié adum les persones, desche n lingaz standard!

Preibel dondeti na chanche, na poscibelté a dutes les particolarités culturales y linguistiches, tla Europa y tl mond.

O volonse uniformé dut? Dut dl medem colour? Dut dla medema saour? L sforz cultural paia la mueia, dantadut per ti dé plu anima a la economoia globaliseda che an podessa enscì poester n pue arferé!

De biei saluc

Prof. Christian Ferdigg

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 2.2
Oujes: 10


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Na letra de Christian Ferdigg: stimés amisc dla cultura (ponc: 1)
da Jandaniel ai 25 May 2007 da les 14:55:19
(Infos sun l utilisadour | Ti mané n messaje privat)
Ie confermeie deplen cie che Claudio à scrit y enjonte: él tant genuin canche an auda chi mendri dla scolina dijan, "Tante", "Danke" y les omes "Bitti, bitti", "Waschmaschine" o canche an auda i maroi tla televijion batolan de "Turismuswirtschoft", l "Kronplotz", la "Aufstieganloge" y e.i.i. Él chesta la "saour particolara"? Tres chest él duc i todesc y talians che se la ri sotman. La Ladinia à debujegn de n cheder linguistich nuef deberieda per ti dé credibelté ence deforavia che an é na mendranza che varieia con i temps y datant da tó su les endesfides. Samben ne podonse nia nes paradlé con l Friul o la Catalugna, olàche sot a normalisazion linguistica capéscen propi chest. Chesta valorisazion de sot-sot-sot-idioms ne é nia auter che n folclorism linguistich che ne conduj inió.
Dut l vocabolar tradizional dl marou à lerch tl standard y deida enrichì l ladin en general, chesta é la vijion.



Re: Na letra de Christian Ferdigg: stimés amisc dla cultura (ponc: 1)
da corn ai 25 May 2007 da les 16:46:34
(Infos sun l utilisadour | Ti mané n messaje privat)
iu mo damani sce le comune de Mareo ne n' ess nia d' atri problems da traté te ches sontades de comun vigne dui mensc co döra spo trei, cater ores? ne podessai nia ti dé plü emportanza ala cultura y ala scora te na manira che le lingaz marô ciafi sö valûr?



Re: Na letra de Christian Ferdigg: stimés amisc dla cultura (ponc: 1)
da Claudio ai 25 May 2007 da les 14:39:30
(Infos sun l utilisadour | Ti mané n messaje privat)
Dut tla derta mesura y tl dert sprit! Mareo va ben te valch liber dles poejies, ma desche lingaz aministratif déssen ruvé a na union, tamben ti media y tla leteteratura. Y nia scrive dant n sot-idiom o n sot-sot-idiom desche oblient te n cert contest o n idiom de valeda, desche Mussner à fat. Chest se ghira i temps y chest se ghira la scempla logica. Sce vigni comun ladin va do sie troi, spo ruvonse al spidiciament y a n svilup daldut contrar a cie che p.ej. Micurà de Rü se imaginova. Ladin standard é dantadut na forma de scrive ladin y nia n lingaz nuef, chest él trueps che ne vuel nia vedei ite. Tla forma él conzepí enscì che duc pò plu o manco l pronunzié do sie idiom, zenza de gran dificoltés, samben con n pue de volonté. Da scrive él te vigni caje plu saurì, ajache al toma demez n grum de segns diacritics, propi per lascé ledia la pronunzia aldò di idioms. Chilò ne se tràtel daldut nia de "uniformé valch", chesta é na acusa, che chi dla Regula de Gherdeina tirova entres fora per laoré contra l LS, che ne sta nia en pe. Preibel ne varié nia tles medemes pedies y tl medem fal ideologich.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.364 seconc