"Dolomit: poejies da la Dolomites"

Antologia ladina nueva metuda adum da Rut Bernardi

La consulta ladina dl Comun da Bulsan met a jì en vender che vegn, ai 25 de mei, da les 20.30, tl local "Circolo Cittadino" tla streda "Grappoli" nr.2, na seira dedicheda a la prejentazion dl liber "Dolomit - Poejies da la Dolomites" con la cornisc musicala de Raimond Irsara (chitara) y Viktor Canins (controbas).

Rut Bernardi.

Entreda samben debant. Paroles de salut dl president dr. Helmut Moroder; paroles en cont dl laour de redazion dla dr.a Rut Bernardi y paroles en cont dla lingia de antologies sun rejonedes de mendranza de duta l' Europa "Tl cuer d'Europa" (Im Herzen Europas) da pert dl diretour Gerald Kurdoglu Nitsche de Landeck.

An podarà audì lieje dant valch poesia da pert de: Ulrika Perathoner, Roland Verra, Ingrid Runggaldier, Roberta Dapunt, Mateo Taibon y Veronica Piccoliori. Duc é dret bel enviés a tó pert a la manifestazion.