benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Museum de Gherdeina: di dla porta daverta chest fin de edema
scrit ai 14 May 2007 da les 19:25:22 da noeles

Gherdeina

 

Pavei, uciei y ciuities al "Dí dla porta daverta tl museum de Gherdeina"

al zenter la sezion naturalistica dl museum con uciei, pavei y dantaldut la vita dles ciuites

L museum de Gherdeina à enjigné ca n program bendebot rich  sun l mond di pavei y di uciei te Gherdeina en gaujion dl dí dla porta daverta en sabeda y en domenia, ai 19 y 20 de mei 2007. En sabeda ai 19 de mei  saràl Marco Obletter ornitologh de Urtijei  che tegn da les 20.30 tla Cesa di Ladins na conferenza dal titul: "13 agn con la buba te Gherdeina". En domenia ai 20 de mei da les 7 a les 12, él l grup per la defendura di uciei che met su a Runcadic pro l  zenter dal tennis na stazion olàche al ti vegnirà metù l anel ai uciei.



 Duc pò cialé pro, osservé y conscidré deplù sortes de uciei da plu da davejin. L grup é spo ence dantmesdì da les 10 a les 12 a desposizion tl museum con informazions y spligazions de enteres sun l mond di uciei te nost raion. Domesdì,  da les 14 a les 17 sarál for tla sezion naturalistica dl Museum Igor Peristi che prejenteia la colezion nueva de  pavei y conta valch deplù sun la evoluzion, la storia, la vita y duc i autri aspec di pavei. An pò ence cialé pro coche n tel pitl pavel vegn fora dl cocon.
Da les 14 a les 17  pò duc chi che à vueia  ence depenje y pastelné n pavel do sia fantasia. N quiz particolar vegn ejigné ca dal Istitu Ladin "Micurà de Rü". Vignun pò mete a la prova sie savei y an pò ence  vence n bel liber. Ence les biblioteches  de Gherdeina fej pera pro chesta scomenciadiva metan fora per n'edema a la longia na meisa de libri sun l argoment: "I uciei, i pavei y i autri tiers de nost raion". L di dla porta daverta vegn metù a jì en colaborazion con l "grup per la defendura di uciei", les biblioteches de Gherdeina y l Istitut Ladin "Micurà de Rü". L'entreda per vijité l museum é per duc debant coche ence per fé pera pro les ativités.

"Tredesc agn con la buba" (Raufußkauz )
19.05.07  Museum de Urtijei, da les 20.30: Marco Obletter conta coche ala se sta en cont dles ciuites te nosta valeda . Al mostrarà chedri a colours de chisc ultims 13 agn de stude y esperienzes sun les ciuites fates sibe de nuet che ence via per l di tla natura. Osservé l comportament de chest ucel de nuet é deventé sia gran pascion. Tl 1993 àl scomencé a studié les ciuites jan ti bosc de nosc raions y scrivan su dut cie che al audiva y vedova. Les problematiches per podei studié la buba fova zenzauter l scur, l freit y la neif, ma al à volù ester dantaldut na gran pazienza. Marco conta coche al é tl bosch danterores y de nuet, dormian  davejin a les coes. Sté de nuet tl  bosch porta pro a situazions particolares coche temes, ma ence ligrezes. El spliga plu avisa la maniera de cianté de chesta ciuita che é una dles plu beles anter i uciei noturns.

L museum de Gherdeina fej al savei che al é endò davert da en domenia 20 de mei inant.
Orars de daurida:
20.05.07 - 31.10.07: dal lunesc al vender, da les 10 a les 12 y da les 14 a les 18.
De messel y de aost  él ence davert de sabeda y domenia da les 14 a les 18.
 

 
Liams emparentés
· Deplú sun l tema Gherdeina
· Chier te noeles


L articul plu liet te chest tema Gherdeina:
Na festa per n fin de ben


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.345 seconc