benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ence Asiago à fat l referendum
scrit ai 09 May 2007 da les 19:16:43 da noeles

Politica

 

Asiago y d'autri 7 comuns dl Altiplan dij de scì

de jì demez dal Venet y de vegnì anetus a la region Trentin-Sudtirol - Sen va la prozedura inant con lege

Do i comuns de Sovramonte y Lamon à en domenia, ai 6 de mei 2007, ence 7 di 8 comuns sun l Altiplan de Asiago, tres tla provinzia de Vicenza, dit de scì con l 94,09% de oujes a favour de damané de jì demez dal Venet per jì permez a la region Trentin-Sudtirol. Al referendum à tout pert l 63,19% di litadours scric ite a les listes litales.



Tecnicamenter él vegnù arjont l quorum ghiré per chesta sort de referendums:  l 63,19% de chi che fova scric ite a les listes litales à tout pert, 13.183 litadours. La percentuala plu auta de litadours é jus a lité a Asiago con 70,83%, la plu bassa a Enego con 45,70% che é l soul comun che ne à nia arjont l quorum. Ben l 37% de chi che à l dert de lita (2.544) te chest comun é scric ite a la assoziazion taliana di aciasés al ester, con dopla zitadinanza en 924. Nia duc ne à perdut o ne à ciafié de vegnì a lité.
I litadours enterssés a la consultazion fova 20.880 (de chisc fova 3.500 aciasés foradecà). A Asiago fòvel 5.845 litadours. La proposta referendara aladò dl art. 45 dla lege 345/70 vegn conscidereda aproveda sce la cumpeida dles oujes atribuides a la resposta afermativa dl referendum ne é nia plu bassa dla maioranza di litadours scric ite a les listes litales. Aladò dl art. 132, secont coma, stabilesc la costituzion che la prozedura vae inant tres lege dla republica, audis i conseis regionai enteressés.

N valgugn liams a d'autri articui sun chest tema giàten sun chest sit:

http://www.listaperasiago.it/index.htm

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc