TERRA RETICA: la "Zivilté retica" tles Alpes
Convegn enaodal dla lia culturala nueva "Terra Retica" a Maran, en vender, ai 11 de mei, da les 20.00 a Maran
Cie popolazions vivova pa te nosc raions dant da nos? Cie lingaz rejonòvei pa? Ciuna fova pa sia religion? Co fòvei pa organisés. N grum de domandes a cheles che an ciafia dutaorela demé da ti dé spidic de respostes. Chi fova pa i Rec? An rata che chisc fova i prums sentadins te chestes teres. En vender, ai 11 de mei 2007, da les 20.00 végnel prejenté ofizialmenter a Maran la lia "Terra Retica". N clap de studiés y enteressés de reziologia à tout la dezijion de se mete adum y de ti jì do scientificamenter a sia pascion tres encontedes, convegns y publicazions cialan de viventé endò la discuscion entourn a la chestion "retica". Fusties y spidic é dant man. Al se trata de co i mete adum endretura.
La provinzia Romana "Rezia". I Rec, na sclata de veriers o de ciaciadours y paurs? Na pert dla Ladinia fajova ence pert dla provinzia Romana dl Noricum. I confins ne é nia dagnora clers.
L'assoziazion se dà ju dantaldut con studes sun i Rec y la zivilté retica, ma ciala ence de descuerje i liams con les popolazions celtiches, latines y germaniches che se à tamben lascé ju tl raoin alpin. I Rec y i Celtesc é vegnus glotis da la storia, ma sia arpejon viv a valga maniera dutaorela inant. Ence sce la lia é nasciuda tla provinzia de Bulsan dàla samben ence na odleda soura i confins fora, dantaldut a la provinzia de Trent, a la Lombardia, a la Svizra, al Tirol, al Venet y dantaldut a les valedes ladines olàche la cultura retica à tamben enraié.
L fin prinzipal dla assoziazion é studes dles tradizions, dl simbolism, studes etnografics y etnomusicologics y i liams anter la persona, l sacher y la natura y l stude dla spiritualité dl mond alpin. La lia TERRA RETICA metarà a jì tl davegnì convegns y studes sun chestes tematiches y organisarà ence vijites ai luesc archeologics.
Per cie che reverda l prum convegn ai 11 de mei a Maran, tratarà l sourastant ai Bens archeologics dla provinzia autonoma de Bulsan, dr. Lorenzo Dal Ri l tema "La zivilté retica a la lum de sies esperienzes desche archeologh"; Paolo Barchetti fajarà na descrizion dla enconteda/scontreda anter i Rec y i saudés romans; dr. Ermanno Visintainer spligarà chestions linguistiches, l retich dal pont de veduda filologich con l aiut di studes plu nuefs sun l lingaz basch y estruch y paridlarà chisc con l raion linguistich ugro-finich y altaich dl'Asia Zentrala. L convegn vegn sclut ju da Caterina Dominici che jirà ite sun tematiches dla arpejon retica tla Val de Non y tla chestion de sia "ladinité".
Prejentazion ofiziala dla lia culturala “ Terra Retica” y convegn sun "La Zivilité Retica"
Venders, 11 de mei 2007 da les 20.00 tla Ciasa dla Cultura, str. Cavour 1, Maran
Program: salut dl sourastant y dla sourastanza dla lia, salut da pert dles assoziazions (Centro Studi Vox Populi, Pergine Valsugana)
Reladours: dr. Lorenzo Dal Ri, cef-ofize di Bens Archeologics dla Provinzia Autonoma de Bulsan;
Dr. Ermanno Visintainer, spezialist te lingac altaics;
Paolo Barchetti, colaboradour pedagogich dla UPAD de Bulsan;
Dr. Caterina Dominici, aconsiadessa regionala (Trentino-Sudtirol) y presidenta dla lia culturala noneisa-ladina “Rezia”.
Terra Retica c/o Gregorio Bardini, via delle querce 15-39011 Lana (BZ)
