L MPL LADINS veid de bon uedl la Lia di Comuns Ladins
23 de auril 2007 desche i 25 de auril 1945, na data emportanta
I raton che l'istituzion dla "Lia di comuns ladins", firmeda da duc i ombolc dla Ladinia, dant da n notar a Corvara en lunesc, ai 23 de auril 2007, sie n di storich per la Ladinia, ciuldì che al é vegnù fat n vare emportant tla direzion de na mioura colaborazion y de na majera unité dla Ladinia.
La "Lia di comuns ladins" dess dantaldut ence daidé tò ju i confins psicologics ti cefs di ladins.
Al é ence enteressant che propi chisc dis che al vegn soura duta l'Europa festejé la liberazion dal fascism/nazism, ence la Ladinia à vedù nasce na istituzion che cherieia de mioures condizions per renforzé i raporc anter i comuns ladins (art. 3.3.a dl statut), per coltivé i valours dla cultura y dl lingaz ladin (art.3.3.b.), per mantegnì y renforzé la coscienza ladina (art. 3.3.c.).
Ie me aode samben che duta la jent de bona volonté sae da adoré chesta istituzion per l ben de duta la Ladinia.
Lois Castlunger, a inom dla Lista Ladins
Les rejons de na politica autonoma
