benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La roda dl temp - Molins tla val da Lungiarü
scrit ai 19 February 2003 da les 16:48:46 da noeles

Cultura

 

Does publicazions che coltiveia y conserveia i valours ladins

Enier dasseira (18.02.2003) él vegnù prejenté tl salf Josef tla Ciasa Kolping a Bulsan sun envit dla Comunanza Ladina y dla Cosulta Ladina a Bulsan i doi libri "Dolomites, Pizes Magiches" de Giovanni Pescoller y Alfred Erardi y "La Roda dl Temp" de Mischì Giovanni (test) y Mario Clara (fotos). Trami libri contegn truepes fotografies y enscì é la prejentazion vegnuda fata con na proiezion de dias con damprovia na spligazion di autours enstesc y danterite valch ciantia dl grup "A per Sorëdl". Paroles de salut é vegnudes portedes dantfora da la conseiera tl comun da Bulsan, Dolores Dariz y dal vize-president provinzial dr. Willeit Carlo. N salut ence dal raprejentant dla Union di Ladins Val Badia, Tone Gasser. Na seira garateda. Sun l retrat: l liber "La Roda dl Temp". L liber "Dolomites: Pizes Magiches" é baudi bele venù fora. Trami i autours é dla vila de Miscì a Lungiarü.



Willeit à abù paroles de laut y à dé esprescion a sie plajei che al vegn tresfora fat valch per conservé y coltivé inant i valours ladins tl ciamp cultural ladin. I doi libri, enscì Willeit, é endò n segn y na esprescion de chest amour per la patria. L trio "A per sorëdl" dla Val Badia sot la direzion de Rosamunde Videsott (San Martin), Craffonara Elisabeth (San Martin), Monica Konrater (La Pli) à porté dant desvalives cianties, en pert ence toc nuefs, poesies de autours dla Val Badia adatedes musicalmenter per abelì l tema dla seira: les montes dles Dolomites te si milesc colours y marevueies y la vita scempla da paur tla Val da Lungiarü olache les rodes ti molins se archieta via. 9 molins sun passa 40 é vegnus derturés su ti ultims agn per mantegnì inant la recordanza.

 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.375 seconc