benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Aiut Alpin Anpezo: Granmarcé de cuer a Ra Regoles
scrit ai 25 April 2007 da les 22:48:36 da noeles

Ampez

 

Granmarcé a Ra Regoles, sen aronse tost n fabricat nuef

Dal 1992 é l Aiut Alpin de Anpezo a l'archirida de n fabricat, olà podei mete les massaries a sosta y locai de entrategn

Al fova ora! Do de avei damané agn a la longia na luegia ben logheda y souraldut dlvers per l socours de Anpezo, valch un me à scuté su, me à capì y me à daidé. Al é Ra Regoles y i Regoliers che tla Foula Granda di 15 de auril à dit de scì per fé su n fabricat olà podei mete, sotatera, la gip y les motoslites y dessoura per se ciaté anter de nos y mete adassosta les massaries.

Paolo Bellodis Smalzo, capostazion dl Aiut Alpin de Anpezo y meinacrep.

Na fotografia fej la roda dl mond
Na gigantografia dl Aiut Alpin Dolomites pro la maioura fiera dla fotografia dl mond: la Photokina a Köln, ma ence tla Corea y a Madrid.

Les tecniches de intervent dl joler dl Aiut Alpin Dolomites: vigni imprezijion pò ester fatala

 

 

 

 



Te chesta ocajion volessi dì valch dla storia de chest fabricat dl 1982, canche i son vegnù tout ite ence ie tl socours. Enlaouta fòven loghés tl stadion, te n magazin comot y apede l paisc, ma al manciova n plazal per l elicoter. Dl 1999 canche ai à scomencé i laours per cuerje l stadion, onse abù da s'en jì. Dl 1992, canche visavì l hangar dl aeroport a Fiames ài fat su n fabricat per tó su l film "Cliffhanger" con Stallone, Modesto Alverà - che fova capostazion dl socours - ti ova damané al Comun de l avei per l socours. Cie él pa vegnù di enlaoutat? Ai l à peté ju! Do de avei abù da s'en jì dal stadion, nes à dé alose l comun ilò dai magazins dla SASPI al Morin Maderla, olàche i son ades; i on na ciamena per mete les massaries y na garaje per la gip y i ciaretins con les motoslites, ma i on da sté adum con i mesi dla GIS, che vegn normalmenter lascés dant i nosc, enscí che canche al é debujegn de mueve él dut n resier. Dl 2001 sonsi vegnù nominé capostazion dl socours y con i vizecapesc Mauro Dapoz y Roberto Santuz, nes onse atira dé da fé. I nes on ciaté plu de na outa col capocomun per avei alose daite dal aeroport, olache la EliFriulia ova damané de projeté n hangar nuef y plu comot y olàche a nos nes éssei dé ca n local per nes ciaté, n magazin per les massaries y na garaje per les machines. Al somiova la outa bona, i fòven duc contenc, ai me ova empermetù che al jiva demé debujegn de valch meisc o n ann al plu y che i ne òven bria da spene nia. Y spo? L hangar nuef ne àn nia ciamò vedù! I ne me recorde nia plu de cie ann che al fova, fosc dl 2002, canche i ti on damané a Enrico Valle, president dl comité per la Copa dl Mond, sce al me emprestova doi containers, chi che ai adora i cronometrisc' judapé dla pista dla Copa, che enlaouta òvei loghé ite a Fiames, per mete via valch massaries davejin dl hangar y avei doi sic per se ciaté y mueve. Ai me é vegnus emprestés per n ann, ma i ne on no forza eletrica no servisc, y i ne podon nience nes lavé les mans y nience ciarié les bateries di radio. Dl 2005 onse prové a vedei sce ai me dajova la ciaseta de legn di ofizes dla Aeralpi, olàche al à vivù agn a la longia Diego Beco: ai me à dit de scì, ma demé per les massaries. Canche i on damané de peté ju n parei a nord y fé su na porta per avei plu lerch per mete ite les machines, ài dit che la ciaseta ne podonse nia toché, percie che te puech temp òvei da la peté ju. Ala é ciamò enlò, y chi sà tant de temp …! Dl 2006, do de avei dit danuef la nosta, l capocomun me à empemetù valch ju dai Lesie apede "l porteà", ma gauja l sit y l fat che ilò apede ne fòvel nia garajes, onse lascé via. Atira dapò me ài proponù n local sun stazion, do chel dl curling, ma ence ilò ne éssen nia abù n plazal per les machines y per l elicoter. Pensede, ruvé de agost sun Stazion? Olà metonse la auto, sce i plazai é semper plens afolés? Do de avei dret zurloné, onse pensé al plazal dl Codivilla. I ti on damané danuef al comun che me à proponù la vedla lesciera dl ospedal, ma a vedei te cie stat che al é onse pensé che al essa volù ester plu scioldi da la comedé che no a la peté ju y en fé su na nueva. I patrons, che fossa la ULSS, me à dit de no, che per chela ciasa ài autri projec. I on prové puech plu enjù, apede l plazal dl elicoter. I patrons dl terac, tres la ULSS, me à dit atira de scì, nos ti l on dit al capocomun y i son stés su a vedei col geom. De Rocco dl socours de Belun y chi de comun. Al somiova che dut jissa inant polit, i son contenc, canche i à fermé dut percie che l primar dl SUEM à abù dit che, canche ai metarà a jì i elicoters de nuet, entourn al plazal ne podaràl ester nia, percie che l elicoter pode mueve y ouje segur. Enlaouta, stanc y stufs de petlé, nes onse dit: Ciugn é pa i patrons di teraces entourn l plazal dl elicoter? Ra Regoles. Cie dijeise, sce i ti damanon de me daidé? Dit y fat … l rest é roba de chisc dis. Granmarcé de cuer, Regoliers, i son orgolious y content de vosautri.

Paolo Bellodis Smalzo - Ernesto Majoni Coleto


 
Liams emparentés
· Deplú sun l tema Ampez
· Chier te noeles


L articul plu liet te chest tema Ampez:
Aiut Alpin Anpezo: Granmarcé de cuer a Ra Regoles


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc