benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum a souramont: 'Al é na ocajion che an ne pò nia se lascé sciampé'
scrit ai 24 April 2007 da les 19:00:00 da noeles

Politica

 

Referendum: i volon la reunificazion di ladins

Sen ruva la chestion a la Court de Cassazion che fissarà la data dl referendum, bonamenter da d'auton 2007

Giacomo GiacobbiPaolo FrenaGianni PezzeiEnce Fodom y Col à dit de sci al referendum per passé con la Region Trentin/Sudtirol. I doi conseis de comun à voté enchestadì, a l’unanimité, la medema delibera aproveda da Cortina ai 5 de auril 2007. Sen vegnirà i trei documenc portés a Roma dai raprejentanc nominés da les trei aministrazions, l vizecapocomun d’Ampez Bruno Dimai y l coordinadour dla Consulta Ladina Siro Bigontina. Ala ti tocarà a la canzelaria dla Court de Cassazion de declaré la legitimité di documenc che passarà spo al Minister ai Interns per la definizion dla data dl referendum.

I trei ombolc: Giacomo Giaccobbi (Ampez), Paolo Frena (Col) y Gianni Pezzei (Fodom).



Ta Fodom é la discuscion steda curta; puech plu de vint menuc. L capocomun Gianni Pezzei à daurì la senteda dijan che chesta é na ocajion storica che vegn do plu de trenta agn da canche, tl 1973, l enlaouta capocomun Bruno Trebo ova scomencé a dé i medems varesc adum con Ampez per ruvé a n referendum. Tl 1992 fova ju l prereferenum a sbuja per chi che essa volù vedei tourné adum Fodom con l Adesc Aut. "Ma la chestion ti ultims agn s’à endò empié" à dit Pezzei. L capocomun a la veia dla votazion ova anunzié de ti avei lascé liberté de coscienza a si aconsiadours. "Ma i nes on empò ciaté, ence sce i ne on nia na mendranza y i son sté content a vedei che i on na unité de intenzions." Pezzei à recordé n valgugn avenimenc che à porté a chesta votazion. Desche la nasciuda dla Consulta Ladina y la domanda ofiziala dles trei Unions ladines de fé l referendum, prejenteda ai 9 de fauré 2007. "I l raton n segn de democrazia de ti dé la poscibelté a la jent de dì sce ala vuel la reunificazion di ladins" à afermé Pezzei. "Per chest l envit che ie ti feje a la popolazion é chel de dí foradret sia opinion en plena liberté. Al sarà valgamia rie che n doman se reprejenteiel n tel moment. "Chesta é na ocajion fora dl normal" à dit te sie entervent enveze l assessour a la cultura Teresa Pezzei."I on dut l temp per valuté les oportunités che se deura per nos. I pense en particolar a la cultura ladina y a les raijes storiches y culturales de Fodom. I on na chance, penson do! " Plu articoleda y longia depierpul la discuscion via Col. L capocomun Paolo Frena à daurì la discuscion con rengrazié Siro Bigontina Titoto, enstes prejent a la senteda, "per l gran laour de documentazion storica. "Al é l segn che al vuel ester a na moda che les robes vegne fates endretura, sun la basa de documenc storics daspes desmentiés o lascés da na pert." Al à sotrissé spo che l’aprovazion dla domanda dles trei Unions Ladines da pert dl consei comunal é n at de democrazia y al à recordé desche propi a Col tl 1991, con enlaouta l capocomun Leopoldo Lezuo, fòvel pié via na medema scomenciadiva referendara. Entervent scialdi plu critich chel dla mendranza che à empò voté a favour dla delibera. "I trei comuns à dessegur dutes les peculiarités aldessoura de vigni sospet per damané de tourné adum a les comunités ladines dl Adesc Aut per les motivazions storiches y culturales che nos duc conescion. Ma i me damane sce duc i vantajes che ai à sapù da se manejé a dret a Trent y a Bulsan, ae ciamò motivazions de esiste y souradut sce al à n sens che te chest stat siebel fis y fiastri", à dit te sie entervent l capogrup Marco Crepaz. Nia manco dur l aconsiadour y ex capocomun Leopoldo Lezuo: "Chest é n at politich y ai é stés puech scers i capicomuns de Fodom y de Ampez a dì che al é demé n at de democrazia."

Lorenzo Soratroi

N valgugn liams a d'autri articui sun chest tema giàten sun chest sit:

http://www.listaperasiago.it/public/07_stampa/cortina.htm

 

Noté su  per Vos

 
 Referendum a souramont: consciderazions de Carlo Willeit
 Reinhold Messner: i esse plu gen inom Troi desche mie neine ladin
 Referndum a souramont: i amisc y i nemisc
 Referendum per passé da na region a l'autra: i varesc
 Referendum a souramont: trueps dij benvegnus!
 Les rejons storiches per n referendum
 Referendum a souramont: les posizions nia da creie dla SVP de Gherdeina
 Referendum a souramont: Ampez peia via
 Moviment Politich Ladins veid referendum dassen positif
 Referendum a souramont: scí de Durnwalder y Dellai, no de Mussner
 Referendum a souramont: les unions di ladins sburla
 Referendum a souramont per gní permez a la provinzia de Bulsan
 Referendum - Luigi Chiocchetti: Lamon à gaujes economiches, Souramont à gaujes storiches
 Fodom: na valeda lasceda die sun na pert
 Lamon vuel vegnì con Trent, ma encuei apeina Souramont y Fascia con Bulsan
 Prospetives per n referendum: sen nia l dret moment
 Referendum: Lamon vuel jì con Trent
 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.375 seconc