benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: zirconvalazions di paisc
scrit ai 19 April 2007 da les 18:04:16 da noeles

Fascia

 

Zirconvalazions: Moena dl 2009, a Ciampedel y Cianacei empermò en projet

I doi comuns dl'auta val de Fascia se é vegnus de fé passé l sviament sun la mandreta tres na galaria

La chestion dles stredes nueves per tó demez l trafich dai zentres di paisc é un di ponc plu debatus sibe tles aministrazions comunales che ence anter la jent. Da agn él te Fascia atif l projet Transdolomites che é a l'archirida dles mioures soluzions a chisc problems. L majer projet te Fascia é encuei chel dla zirconvalazion de Moena che vegnirà ruvé te valch ann, avisa ne sàn nia, ma al vegn rejoné dl 2009.

Moena.

 



Endana él sauté fora valch problems de carater idrogeologich che arfera bendebot i laours. Canche dut é sclut ju sarà Moena ledia dal transiament y al podessa deventé n paisc plu plajoul y bel da vive, con na calité dessegur mioura. Chesta é almanco la aodanza di sentadins y di ghesc', ajache Moena vegn realmenter sofoieda dal transiament motorisé. Depierpul che a Moena desliaràn te valch ann chest problem, resta l transiament dutaorela na plaia daverta per i autri paisc de Fascia, cis per Ciampedel y Cianacei. Tl passé ova chisc doi comuns vedudes valgamia desvalives che à porté a stritaries fortes y che à arferé ju l iter de chisc projec de zirconvalazion. La nueva de chestes edemes passedes é che endana na enconteda a Trent anter l capocomun de Ciampedel, Leonardo Bernard, chel de Cianacei, Fernando Riz, deberieda con i responsabli tecnics dl servisc de transiament y de urbanistica provinziai Raffaele De Col y Giuseppe Sevignani, someiel che anter i doi comuns él endò saren y na acordanza sun l projet dla zirconvalazion. Al se trata de n projet che cognessa pié via dant Ciampedel y passé via tres na galaria l paisc y daldò ruvé sun la man dreta enfin ta Cianacei. Dant la acordanza ova l'aministrazion videda da Bernard a Ciampedel palesé na varianta de galaria a mont dl ruf Duron, ma daldò fova chesta soluzion vegnuda desbuteda da la Provinzia per rejons de costiment. Sen someiel che i doi paijes dl'auta Fascia ae finalmenter arjont l'acordanza sun chest projet emportant, ence sce ala resta ciamò daverta la chestion dla bourcia de Ischia dlongia a la fornadoia dl Rodela. (dv)


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.527 seconc