benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referndum a souramont: i amisc y i nemisc
scrit ai 17 April 2007 da les 19:53:29 da noeles

Politica

 

Referendum: i amisc y i nemisc

Critica: movitazions economiches  Chestes reverda dantaldut i ladins de Bulsan che se tem de perde valch fregola

La cossa sarà dessegur ria da realisé, ma entratant àn dé n segnal de volonté y de direzion. Les Unions culturales di ladins de Fodom, de Col y de Ampez à tout na dezijion autonoma. Ales fej pert dla Consulta da Souramont che tol ite ence i conseis de comun di trei comuns. Chestes trei Unions à abù l’intuizion de daurì n dialogh con la politica dl post, de ejaminé deberieda la situazion politica, culturala y storica dl raion ch’ales tol ite, de conscidré plu avisa i vejins da una y da l’autra pert. Chisc vejins n’é nia dagnora jent valenta, no da una y no da l’autra pert.

Referendum

Zent Ladina
L spirit erd

Can pa endò adum?
100 agn Union Ladina
 
Les Unions

 

 



 

 

 

 

Chisc vejins n’é nia dagnora jent valenta, no da l’una y no da l’autra pert. An podessa anuzé les paroles che l scritour todesch Gatterer adora per descrive l cheder de Sudtirol: “De biei paisc, ma de ria jent”. La vera che chi da Souramont à bele da agn con i neo-ladins de Belun y les paroles contrares lascedes audì i dis passés da esponenc dla Svp “ladina”, a mete man dal assessour a la cultura ladina de Bulsan Florian Mussner, desmostra cler te cie situazion che i ladins da Souramont é obliés a vive.
 

I articui de lege
L articul 132, dla Costituzion dij: “Al pò vegnì dé pro con l consens dla maioranza dles popolazions dla provinzia o dles provinzies enteressedes y dl comun o di comuns enteressés, enrescì tres n referendum y con lege dla republica, audis i conseis regionai, che provinzies y comuns vegne destachés...”.

L majer rem fova la lege n. 352/70 che contemplova al art. 42 desche “popolazions enteressedes” les popolazions entieres dles regions tochedes da la mudazion teritoriala, nia demé chela dl ent proponent. Empermò tres la lege de reforma dla costituzion dl 2001 y definitivamenter tres la sentenza dla Court Costituzionala n. 334/04 él vegnù tout demez chela pert dl art. 42 che pretenova desche condizion per n referendum: “Sce la ghiranza de destach vuel arjonje na agregazion de provinzies o de comuns a na autra region, méssel vegnì enjonté a la ghiranza les deliberazions identiches, respetivamenter de tant de conseis provinziai o de tant de conseis comunai che raprejenteie almanco n terz dla popolazion dla region a chela che an vuel jì permez y da chela che an vuel demez”. Chest iter raidous spliga ciuldiche degun comun ne se à mai embasté l am de envié via n tel referendum enfin al ann 2004. Al fova fora de uega che i enc dla region da chela che an vuel jí demez sostegne na tel ghiranza. A tré su la chestion de legitimité él sté l Ofize Zentral per referendums pro la Court de Cassazion. N rem é dutaorela chel dl quorum dret aut. La lege 352/70, art. 45, coma secont dij: “La proposta sotmetuda a referendum vegn declareda aproveda tl caje che la cumpeida de oujes atribuides a la resposta afermativa a la domanda ne é nia plu bassa dla maioranza di litadours scric ite tles listes litales di comuns te chi che al vegn endit l referendum; zenza végnela declareda refudeda” (quorum di scì = mesité plu 1 di litadours).
La aprovazion dla domanda sotmetuda a referendum ne é nia ciamò na garanzia per l destach-agregazion, ma raprejenteia plutost n prum lintrin fondamental y basilar a na moda che l iter raidous ne se archiete nia via: dedò ruva la chestion tl parlament che mess tó na dezijion sun la mudazion di confins do avei trat ite l arat consultif, ma nia lient, dles regions tochedes. I ultims doi comesc dl art. 45 dla lege 352/70 dij: “Tl caje de aprovazion dla domanda referendara, ti prejenteia l Minister ai Interns anter 60 dis da la publicazion sun la Gaseta Ofiziala al Parlament n dessegn de lege desche vedù dantfora dal art. 132 dla Costituzion”.
 L’aprovazion de na tel lege da pert dl parlament va do al iter dles leges costituzionales, vuel dì la lege mess vegnì deda pro da na maioranza de 2/3 da tramesdoes les assemblees parlamentares, ciamena y senat. (si)

Chesta situazion à chi da Souramont bele da agn vedù ite: entournvia n’él nia paravisc naturai, ma persones che pensa dantaldut a se enstesses, a si enteresc. An se tem de messei dé ju valch fregola de tourta a autri. Plu de un di ombolc de Gherdeina à dit plu iadesc de ne volei nia che chi da Souramont vegne con Bulsan, ajache a chesta moda messéssei renunzié a na fregola di contribuc che vegn da la Provinzia de Bulsan per i lascé jí ai colegs nuefs de mendranza. L vedl ombolt de Urtijei, Konrad Piazza, ova dit en gaujion dla festa di 50 dla Cesa di Ladins: “Reston vignun te sie post”, teoria touta su dal assessour Mussner. Sentimenc y minonghes te chesta direzion en él cotanc encantourn. La vueia de scioldi che ti vegn trata dant a chi da Souramont vel depierpul dantaldut per i ladins da Bulsan. Perchel volei splighé la motivazion dl referendum demé con enteresc economics é na gran fauzité, na baujia, ajache i plu tachés ai scioldi é propi chi da Bulsan. Per fortuna nia duc. Al é ence truepes persones che conscidreia i abitanc de Fodom, Col y Ampez desche fredesc, ladins da vedlamenter encà, comunités che fej pert dla mendranza ladina dles Dolomites. L’articul dessoura desmostra che i gragn protagonisc’ dla abineda de “Zent ladina Dolomites” sun l jouf dl Sela é propi stés i ampezans y i fascians. La critica dles motivazions economiches fej desmentié cheles storiches. Te chest vers se desmostra i todesc de Sudtirol plu daverc, plu a una con chi da Souramont che no i ladins che vuel ester todesc o che se tem de perde valch euro. L president Durnwalder, i parlamentars Brugger y Zeller, l’ombolt de Toblach y autri se desmostra otimistics y se aoda che la cossa garete. Al jirà via bendebot de temp denant che la speranza devente realté, ma la semenza é bele te tera. Dutes les persones de bona vueia, che crei tla mendranza ladina dles Dolomites pò demé ester a una y ligres de vedei i ladins da Souramont tl raion Trentin-Sudtirol y perchel n consei a chi da Souramont: jide inant, tegnide adum y ne stede a ves sperde dai scrais de n valgugn corfs arfamés. (ji)

 

N valgugn liams a d'autri articui sun chest tema giàten sun chest sit:

http://www.listaperasiago.it/public/07_stampa/cortina.htm#45


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referndum a souramont: i amisc y i nemisc (ponc: 1)
da travers ai 17 April 2007 da les 10:59:28
(Infos sun l utilisadour | Ti mané n messaje privat)
La tema de perde valch fregola economica è una na rejon o miec vertola per tegnì fora Ampez y Fodom, l'autra, chela che an ne dij nia publicamenter ma ben en privat (be politically correct!) è che an ne vuel nia "chi talians" te Südtirol.
I dinés ti fej samben gola a duc, te Gherdeina sciche en Ampez, ma l'ideologia o fondamentalism antitalian é ciamò plu fort te cerc ambienc "ladins".


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.371 seconc