benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Referendum per passé da na region a l'autra: i varesc
scrit ai 11 April 2007 da les 22:30:46 da noeles

Politica

 

Referendum teritorial: encuei plu saurì y plu realistich

Tres la revijion dla costituzion n. 3/01 y tres la sentenza dla Court Costituzionala n. 334/04 é la prozedura de mudazion de region vegnuda saurideda y aplaneda

Les regions é i enc teritoriai plu "nuefs" tla Talia. Ales é vegnudes metudes su empermò da l'assemblea costituenta dl 1948, aclapan chi bele dant man da vedlamenter, vuel dí les provinzies y i comuns. Per tarmené les regions se ova l'assemblea costituenta basé sun rejonamenc statistics, geografics y storics da enlaouta, ne sclujan nia fora la poscibelté de na mudazion.

Revendicazions storiches, culturales, politiches y economiches se encrouja tla chestion dl referendum

 

 


 



"La Republica, una y indivisibla, reconesc y promuev les autonomies locales; ala atueia tres i servisc che depen dal Stat l plu ampl dezentrament aministratif; ala apasseneia i prinzips y les metodes de sia legislazion a les esigenzes dl'autonomia y dl dezentrament". Chest é n scliguc dl articul 5 dla costituzion. Te chest paragraf ne végnel nia dit clermenter che al é na poscibelté de mudazion  di confins regionai, ma al é empò sotentenù tla intenzion dla assemblea costituenta de valorisé les autonomies locales.


 

Liams a la union di comuns talians che vuel mudé ju provinzia

Plu tl menù va ite l articul 132 sot al titul V dla Costituzion che contempleia al secont coma les modalités de mudazion desche la lege de revijion costituzionala n. 3 dl 2001 à desclarì plu avisa: "An pò dé pro con l'aprovazion dla maioranza dles popolazions dla provinzia o dles provinzies enteressedes y dl comun o di comuns enteressés, enrescida tres n referendum y deda pro con lege dla Republica, audis i conseis regionai, che provinzies y comuns vegne destachés da una na region y vegne metus permez a na autra". La reforma costituzionala dl 2001 à splighé miec cie che al vegn vedù dantfora da la formulazion dl articul zité dant: "An pò arjonje tres n referendum y na lege dla Republica, audis i conseis regionai, che provinzies y comuns vegne destachés da na region y metus permez a na autra". Al se trata de na definizion plutost tourbla per ne dì nia ermetica:  "an pò, tres referendum..., audis..., dé pro..." . 

 

L

 Ampez: Storia di una utopia

majer rem che ova tant che aridlé pro bele da pié via l troi de na tel prozedura fova endere la norma aplicativa a la Costituzion: la lege n. 352 di 25 mei 1970 che contemplova desche "popolazions enteressedes" les popolazions entieres dles regions tochedes da la mudazion teritoriala de destach-agregazion, nia demé chela dl ent proponent. Chesta lege à defat aridlé 30 agn a la longia la prozedura enfin a la sentenza dla Court Costituzionala n. 334 dl 2004 che à tout demez na pert dl art.  42) chela pert a revert l arjonjiment de na mudazion da region a region tres referendum che dijova: "A la ghiranza de referendum per l destach da na region de una o deplù provinzies oben de un o deplù comuns per crié na region nueva méssel vegnì enjonté les deliberazions identiches, respetivamenter di conseis provinziai y di conseis comunai dles provinzies y di comuns de chi che al vegn proponù l destach desche tamben de tant de conseis provinziai o conseis comunai che raprejenteie almanco n terz dla popolazion dla region da chela che al vegn proponù l destach dles provinzies o di comuns souranominés. Sce la ghiranza de destach é entenuda da lié permez provinzies o comuns a na autra region, messaràl en plu vegnì enjonté les deliberazions identiches, respetivamenter de tant de conseis provinziai o de tant de conseis comunai che raprejenteie almanco n terz dla popolazion dla region a chela che an vuel che les provinzies o i comuns vegne metus permez". Chest iter raidous spliga ciuldiche degun comun ne se à mai embasté l am de pié via con na ghiranza de referendum enfin al ann 2004.  Al fova dastramp rie, sce nia fora de uega che i enc dla region da chela che an vuel jí demez sostegne na tel ghiranza, ti dàn souraprò sia soponta che va debujegn tres deliberazions per jí inant con l iter.
A ti sourandé n rodul clef a les "popolazions" che ne é nia diretamenter tochedes da la prozedura de destach-agregazion pro la promozion de scomenciadives referendares fova la lege 352/70, clermenter en contrast con la formulazion nueva dl art. 132 dla costituzion, sibe con chela vedla y tant deplù con chela nueva. Chest é l arat dla Court Costituzionala metù ju tla sentenza n. 334 di 10 de november 2004 che à declaré la ilegitimité costituzionala dl articul 42 dla lege 352/70 te chela pert olàche ala scriv dant che a la ghiranza de referendum per l destach da na provinzia o de n comun da na region y la agregazion a na autra region méssel vegní enjonté les deliberazions de sostegn souranominedes. Chest é n estrat dla sentenza n. 334/04 dla Court Costituzionala: "La grovaria prozedurala porteda ite da la norma de lege atuativa é fora de uega (ajache ala ne và nia debujegn) respet a la determinazion che an liej tla previjion costituzionala nueva (art. 132). Ala comportassa n niament dl dert de autodeterminazion dles autonomies locales che vegn depierpul tendenzialmenter azentué da la reforma costituzionala dl 2001. Ajache l referendum vedù dantfora da les desposizions costituzionales atualmenter en doura vuel verifiché sce la maioranza dles popolazions dl ent o di enc enteressés aproveia la ghiranza de destach-agregazion, méssen coerentementer deduje che la legitimazion de promueve na consultazion referendara ti speta demé a chisc enc y nia a d'autri enc de popolazions nia enteressedes. Defat, la reforma tla pert nomineda, à cialé de evité che les maioranzes nia diretamenter enteressedes da la mudazion de provinzia posse aridlé y anulé les determinazions iniziales (nience ruvedes a scemples ghiranzes) de coletivités che vuel se fé autonomes o mudé ju sia partegnenza regionala-provinziala".
A tré su la chestion de legitimité él sté l Ofize Zentral per referendums pro la Court de Cassazion, clamé a se pronunzié sun la ghiranza dl referendum de destach dl comun de San Michele al Tagliamento (furlan: San Micjel al Taiament) da la region Venet per jí pro la region Friul-Venezia-Giulia. Per merit de chesta sentenza costituzionala, él sté l comun de San Micjel l prum tla Talia che à envié via n referendum en basa al articul 132 dla Costituzion.
N rem dutaorela festidious per duc i enc che se à damané y à giaté enfin a sen n referendum é chel dl quorum dret aut stabilì per chesta sort de consultazions referendares. Ence te chest caje végnel fat referiment a la lege 352/70, art. 45, coma secont: "La proposta sotmetuda a referendum vegn declareda aproveda tl caje che la cumpeida de oujes atribuides a la resposta afermativa a la domanda ne sie nia plu bassa dla maioranza di litadours scric ite tles listes litales di comuns te chi che al vegn endit l referendum; zenza végnela declareda refudeda". Per entene miec n referendum de chest tip, végnel desclarì les carateristiches de duc trei i referendums prevedus da la Cherta costituzionala:
1. Art. 138- referendum costituzional (de conferma de na mudazion costituzionala y per chest clamé "confermatif") pro chel che la proposta vegn rateda azeteda scemplamenter sce i "scí" é plu di "no" (al ne é nia n quorum no de afluenza no de zedoles afermatives);
2. Art. 75 - referendum abrogatif pro chel che la proposta vegn rateda azeteda sce la maioranza de chi che à l dert de lité va a lité (quorum dla mesité plu 1 di litadours scric ite) y sce i "scí" sourapassa i "no".
3. Art. 132 - referendum teritorial pro chel che la proposta de mudazion vegn rateda azeteda sce i "scì" arjonj la maioranza di scric ite a les listes litales (quorum di scì = mesité plu 1 di litadours scric ite); al ne va nia debujegn de cumpedé chi che liteia no y chi che pò ence sté a ciasa).
N ejempl ipotetich podessa sauridé da entene chesta norma apeina ziteda. Cialon l caje de n comun ipotetich de 2 mile litadours: a na moda che la proposta sotmetuda a referendum vegne aproveda, ne él nia bastan, sciche al suzed pro i referendums abrogatifs, che plu de mec di litadours vae a lité, ma che plu dla mesité di litadours scric ite tles listes litales lite de scí. Te n comun con 2000 litadours mess perchel lité de "scì" almanco 1001 litadours.
Co vàla pa endere inant? La aprovazion dla domanda sotmetuda a referendum ne é nia ciamò na garanzia per l destach-agregazion, ma raprejenteia plutost n prum lintrin fondamental y basilar a na moda che l iter raidous ne se archiete nia via: dedò végnel la debata, desche vedù dantfora dal art. 132 dla costituzion, che messessa passé positivamenter al parlament, clamé a tó na dezijion sun la mudazion di confins do avei trat ite l arat oblient, ma nia lient, dles regions. I ultims doi comesc dl art. 45 dla lege 352/70 dij: "Tl caje de aprovazion dla domanda de referendum, ti prejenteia l Minister ai Interns al Parlament, anter 60 dis da la publicazion tla Gaseta Ofiziala, n dessegn de lege costituzionala o ordinara desche vedú dantfora dal art. 132 dla Costituzion. Sce la proposta de mudazion ne vegn nia aproveda, pòla empermò vegnì porteda dant danuef do da 5 agn".

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Referendum per passé da na region a l'autra: i varesc (ponc: 1)
da Alex_Girardi ai 12 April 2007 da les 13:29:21
(Infos sun l utilisadour | Ti mané n messaje privat)
Fora dl Statut di Scizeri:

§ 2
Zweck des Bundes und der ihm angeschlossenen Schützenkompanien sowie Schützenkapellen ist:

Die Treue zu Gott, Festhalten am christlichen Glauben – überlieferter Väterglaube – und am geistig- kulturellen Erbe der Vorfahren
Der Schutz der Heimat und der Tiroler Lebens- und Wesensart
Die Einheit des Landes Tirol, die beispielgebende Ausübung der Rechte und Pflichten der Südtiroler zur Erhaltung der Tiroler Wesensart und zur Existenzsicherung der deutschen und ladinischen Volksgruppe in der angestammten Heimat
Die Freiheit und Würde des Menschen
Die Pflege des Tiroler Schützenbrauchs, der heimatlichen Trachten und der heimatlichen Landschaft und Natur
Diese Grundsätze zu wahren ist oberste Verpflichtung der Tiroler Schützen. Der Verein ist gemeinnützig.

Sen pò i scizeri desmostré che chest statut vel l papier, sun chel che al é scrit: al é n comun dl vedl Tirol (Ampez) che vuel vegnì zeruch propi pro chest Tirol (Die Einheit des Landes Tirol!). Scizeri, menede fora comunicac y sostegnide chesta causa ladina y tiroleisa!




Re: Referendum per passé da na region a l'autra: i varesc (ponc: 1)
da Jandaniel ai 12 April 2007 da les 18:24:30
(Infos sun l utilisadour | Ti mané n messaje privat)
Demarevueia, ma chest la dij longia: la novela ne é nience vegnuda deda tres sun www.schuetzen.com o www.schuetzen-groeden.com, zenza reporteiei vigni schit nazionalistich.



Re: Referendum per passé da na region a l'autra: i varesc (ponc: 1)
da Claudio ai 13 April 2007 da les 09:38:49
(Infos sun l utilisadour | Ti mané n messaje privat)
Endò na proa che i scizeri ne tegn net nia sun na unité de Tirol, ma demé sun l nazionalism todesch, de chel che i savon cie che al à gaujé dal 1933 al 1945.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.401 seconc