benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Chestion di neo-ladins: na cossa enfleda su d'ofize
scrit ai 27 March 2007 da les 18:00:00 da noeles

Politica

 

Chela delibera mess vegnì touta demez!

Chest se ghira don Floriano Pellegrini en cont dla delibera provinziala de Belun che à declaré d'ofize 32 comuns sciche ladins

COMENTAR

La chestion legala lieda a n conzet storich-linguistich y nia demé linguistich dl term ladin, trata su da don Floriano Pellegrini, se merita che an ti dae arta.

"Anulede chela delibera! Ala ne à degun fondament storich!" Chesta é la ghiranza corajousa che don Floriano Pellegrini ti à fat al assessour a les mendranzes dla Provinzia de Belun Daniela Larese Filon.



 

 

Al ne fossa nia demé na bisinela sce la lege 482/99, constaté che cheles osservazions à n fondament giuridich, messessa vegnì reveduda. Dessegur fajéssen giustizia te na chestion a dì puech scandalousa.
Al ne esisteia defat degun stat dl'Union Europea olàche na comunité vegn declareda mendranza "de ofize", souraprò zenza tó en consciderazion duc i aspec che la carateriseia, te nost caje chi storics. Al é da moié che per chestes sies posizions don Floriano messe patì a desvalifs liviei politics y culturai na sort de zensura y de ijolament. Na condizion che podessa depierpul vegnì rosededa da la Generela y tres l'apoi di ladins dl Sela.

Lorenzo Soratroi

"Ence ie", díjel, "son tomé tl fal de conscideré la ladinité demé dal pont de veduda linguistich. Al é endere da tegnì cont ence dla storia y les soules comunités che pò se definì ladines é cheles dl Sela." La delibera dl consei Provinzial de Belun a chela che al fej referiment don Floriano é chela di 27 de otober dl 2001.

 

Tres chel document, conseguent a la lege nazionala 482/99 sun les mendranzes, vegnível declaré ladins ben 39 comuns te duta la provinzia. Na proliferazion che ova vedù anter i protagonisc' ence don Pellegrini che dà pro sen l fal. "I son sté anter i fondadours dl grup ladin de Zoldo y i é publiché ence n liber dal titul "Lo spirito ladino di Zoldo". I son n studious y desche tal éssel messù ester plu rie che i me fale. Ma ence ie son sté n fruz pié dal orgoi y i ne me feje nia demarevueia che ence n consei provinzial ae podù falé ju la prospetiva da olà ti cialé a la chestion
ladina. Per splighé mia posizion nueva messi pié via da n scrit dla prof. Laura Vannelli, esperta linguista, da olàche i é capì che l term "ladin" dal pont de veduda linguistich à contegnus plutost tourbli. Al à giaté confins plu definis, sce an pò dì enscì, demé per na posizion personala dl prof. Ascoli a la fin dl 1800. Ma dant Ascoli, bele tl 1833, ova l term sourantout n segnificat avisa y autramenter. Al indicheia les comunités ladines dl Sela y si idioms. Al resta da enrescì percie che l Ascoli s'ae autorisé da ne tegnì nia cont de chesta aplicazion dl term, enlaouta bele en doura. Enscì ti él vegnù dé a la parola dut n auter segnificat, resté demé sun la cherta, enfin a che dant n vint agn, en basa al segnificat dl Ascoli y nia de auter (y en contrast con l'aplicazion storica de ladin, con chel che an miena dutaorela encuei les comunités dl Sela, sclut ite Ampez, Fodom y Col tl Beluneis) él vegnù fat su n ciastel de deduzions pratiches, daldut infondedes. A renforzé mia segureza che tla provinzia de Belun ne eisteiel deguna autra mendranza linguistica ladina che chela di trei comuns zités é sté ence l tò at de d'autres does consciderazions: la lege dl 1999 sun les mendranzes ne podessa dessegur nia adoré l term "ladin" en contrast con autres leges dl stat en doura y en contrast enchinamai con leges costituzionales dl 1948, fondament dles provinzies autonomes de Bulsan y de Trent, olàche al é vegnù adoré l term "ladin"con segnificat generich, ma con ciamp de aplicazion strent, da podei slarié al plu a la comunité storica dl Sela. La seconda consciderazion é chela che la delibera dl consei provinzial de Belun se en poia demé sun studes linguistics y raida entournvia a chi che al rie da nié, ma che à tamben, sce nia n maiour peis, percie che ai é plu lerc, chi storics. "Al é debujegn", sera ite don Floriano, "che la materia vegne reveduda daldut con l anulament de chela delibera."

Lorenzo Soratroi


 

 Istitut Cesa de Jan: strit con Borcia per la grafia
 Souramont: strit anter ladins-storics y neo-ladins
 La Rocia: Ladinia brixino-tiroleisa
 La Generela: i neo-ladins ne plej nia cis
 Na strutura de referiment nueva per i neo-ladins tl Beluneis
 I neo-Ladins tl Beluneis se organiseia
 I Ladins sot Belun: relazions nia saurides con i neo-ladins
 L strit danter ladins storics y neo-ladins
 Pseudo-ladins de Belum vegnus a lum per i scioldi
 Certes unions tla Val de Non reclama ladinité
 

 

 

 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Chestion di neo-ladins: na cossa enfleda su d'ofize (ponc: 1)
da amich_dl_dolomitan ai 27 March 2007 da les 11:58:08
(Infos sun l utilisadour | Ti mané n messaje privat)
Ie savess ciamó na delibera che messessa atira vegnì touta demez...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.396 seconc