benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I extracomunitars ruva ence adalerch ajache al é trueps contribuc da pié do
scrit ai 20 March 2007 da les 19:12:51 da noeles

Politica

 

N 30% di contribuc per l fit ti vegn paiés fora a folestiers

I Freiheitliche/Liberai ghira na mudazion "sen y atira" y che an ti dae plu arta a la jent aciaseda

I Liberai / Freiheitlichen de Sudtirol ti à fat na domanda al assessour competent per enrescì coche i contribuc per fité ciasa vegn partis su tla provinzia de Bulsan. La resposta: 37,88% ti vegn partis su a les persones de lingaz todesch, 26,33% a les persones de lingaz talian, 0,78% ai ladins y 35,11% a jent che vegn da foradecà. L contibut plu aut che vegn paié fora vigni meis ruva a 1.068,22 euro, chel plu bas amonta fora a 5,19 euro.


"Cie che al suzed te nosta provinzia é da daudé", miena i Liberai / Freiheitliche ti cialan a chestes zifres. "An ne deida nia plu nosta jent, ma an ciala da fé fora de Südtirol na provinzia di folestiers. An tira adalerch n grum de persones che n’à nia da fé con nos y con nostes usanzes de vive. Y la jent da chilò vegn a tré a la curta. Chi laora pa via per l dì, da doman enfin a da seira tert? Chi se scintra pa ju per cialé che i onse valch da vive, che i sonse bogn da paié les coutes y dut cie che é zenza ciamò da paié? Chi ne scona pa nia fadies per tré su nosc mutons y nostes generazions da endoman? Chi lita pa nosc politics? Chi vuel pa avei duta chesta jent? Olá sonse pa ruvés?"
 
I Liberai ghira mudazions: "sen y atira", constatan che "an é n pue massa de mania lergia con folestiers, depierpul che an se desmentia de nosta jent. Nosta jent pèrel che ne sie demé plu drec can che ala va da tré ite les coutes. Cie fej pa la SVP sen ju a Roma, deurela les portes empontaut a dutes chestes persones da foradecà o éla decontra?" "Spene passa n terz per tré adalerch duta chesta jent é ben massa na sterscia. Fosc ti val su na lum tl sotletet a nost govern provinzial", se aoda Pius Leitner, conseier di Freiheitlichen/Liberai.
 
Domandes che é vegnudes fates al istitut per l fabriché :
 
Todesc
3.899
39,42%
Talians
2.899
29,31%
Ladins
75
0,75%
Folestiers–extracomunitars
3.019
30,52%
Endut
9.892
100%
 
Contribuc paiés fora dal istitut per l fabriché:
 
Todesc
10.081.430,20
37,88%
Talians
6.980.911,88
26%
Ladins
210.115,79
0,78%
Folestiers-extracomunitars
9.345.163,04
35,11%
Endut
26.617.620,91
100%
 
 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: I extracomunitars ruva ence adalerch ajache al é trueps contribuc da pié do (ponc: 1)
da Jandaniel ai 20 March 2007 da les 20:19:01
(Infos sun l utilisadour | Ti mané n messaje privat)
I ne son nia contra i extra-comunitars o foresc' che va dessegur debujegn. Ma una na cossa che dà a uedl él ben che tla Ciasa di Ladins a Bulsan (fata su con n bonus di ladins dl frabiché per ti dé alberch a studenc y laoranc laidns a Bulsan), é oramai deplù cuartiers fités via a extra-comunitars, bonamenter ajache i ladins che ova fat domanda à n enrediment massa aut y ne vegn nia touc su tla graduatoria. Chilò ne messàssel perdret nia valei n tet mascim de enrediment.



Re: I extracomunitars ruva ence adalerch ajache al é trueps contribuc da pié do (ponc: 1)
da travers ai 20 March 2007 da les 21:37:29
(Infos sun l utilisadour | Ti mané n messaje privat)
Che i Freiheitliche/Liberai criticheie l govern provinzial fej pert dl juech politich y an pò ence ester a una sun un o l auter pont, ma denant che ti dé ressonaza a sie vangele paiàssel la mueia de ti cialé a sia cherta d'identité.
I Freiheitliche ne à puech y nia da en fé con l moviment liberal dla tradizion politica europeica ma é n fenomen populist che é vegnù dassen marscé da la ideologia de J. Haider. Fora dl'Austria se à fat chesta persona n inom dantaldut con toutes de posizion filonazistes ("les Waffen SS merita onour y respet"), antieuropeiches (al fova contra l'adejion dl' Austria a l' UE) y xenofobes (contra i foresc'). Haider ne fej nia plu pert dla FPÖ ma certes idees y tematiches viv inant tamben tl'Austria che te Sudtirol. L'imigrazion o prejenza di foresc' te nosta sozieté porta adalerch n grum de problems, al é veira, ma al ne basta nia de scraié contra chi che mangia nost pan zenza propone soluzions. Te vigni bar o restautant encònten personal forest ajache nosta jent é massa bela per fé cerc laours. Cie propon pa nosc Liberai, scluje les ostaries, i hotei y l turism?



Re: I extracomunitars ruva ence adalerch ajache al é trueps contribuc da pié do (ponc: 1)
da giatfosch ai 20 March 2007 da les 21:56:53
(Infos sun l utilisadour | Ti mané n messaje privat)
la xenofogia dai "Freiheitliche" ne mo va nia! tan de südtiroleisc y ince ladins é pa emigrês y vî danlò desco düc i atri.

MO:

La ciasa alberch é n ejempl sciöche al é gnü metü rams tles rodes da pert dla provinzia!
plülere lascion ite extracomunitars co fasciagn, ci che la dij lungia lungia ... y plülere lascion ite n extracomunitar co fà criters iüsc por i ladins. la dij ince lungia, der lungia.



Re: I extracomunitars ruva ence adalerch ajache al é trueps contribuc da pié do (ponc: 1)
da Claudio ai 21 March 2007 da les 07:58:49
(Infos sun l utilisadour | Ti mané n messaje privat)
Al tira vent de lites y al pèr che vigni meso sie dret per tré oujes, ma i ne rate nia dret dramé ju per i folestiers-extracomunitars y crié na sort de "Sündenbock/capo espiatorio" per dut. Ne vegn chisc nia adalerch a fé i laours plu burc y basc che degugn ne fej plu? Y ai vegn gonot ence sfrutés y paiés mel.

N auter capitul é i Freiheitlichen de Haider tla Austria a chi che chi de Sudtirol fej referiment. Haider fej da agn ciacia ai slovens dla Ciarencia. Bele per chest motif messéssen se tegní dalonc da la ideologia de n tel partí.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.352 seconc