benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Trent: sostegns finanziars a les families
scrit ai 16 March 2007 da les 20:04:13 da noeles

Fascia

 

Te Fascia él truep benester, ma nia te dutes les ciasedes

La provinzia de Trent à dé pro n pachet familiar per ti sté permez dantaldut a les families con trueps mutons

La novela é de chisc dis: mesures a ben dles families, sostegns economics, tarifes plu basses pro i servijes y cotant laprò. Dut chest tol ite l plan familiar dl Trentin.  L president dla jonta Lorenzo Dellai à prejenté n jop de scomenciadives per ti sté permez concretamenter a les families. 

Ence Fascia dess tost giaté na cuna per fantolins (asilo nido).

 



Samben reverda chestes mesures tamben la Val de Fascia olàche apede a n benester economich se àl ence deslarié fora situazions de dejaje economich y sozial che an ne veid fosc nia a pruma odleda ma che esisteia empò. Te Fascia él deplù assoziazions Onlus che deida fora jent y families ruvedes tl debujegn. Bonamenter en él deplù de co che an miene. Plu avisa veid dantfora l pachet familia de enjigné ca enfin al ann 2008 ben 15 lueges per fantolins (asili nido),  una de chestes vegnirà ence metuda su te Fascia olàche la situazion é de chest vers bendebot incompra, condut che l servisc dla Tagesmutter à dessegur - en pert - daidé troé envalgó na soluzion per chest problem tres plu sentù da les families. Per cie che reverda les tarifes vuel la provinzia de Trent introduje reduzions de carater economich aladò dl numer di mutons con n arbas che pò jí dal 10 % enfin al 60 % per families con 5 mutons. Souraprò veid dantfora l plan familiar sostegns finanziars a ben dles families joenes per la pruma ciasa. Tl bien 2006-2007 preveiden de spene enfin a 13 milions de euro de sostegns finanziars. Dassen atual él che chisc sostegns ti vegn paiés fora a dutes les families sibe a cheles con matrimone ofizial (aldò dl art. 29 dla costituzion) che a cheles de fat. Chest con n fruz de contradizion da pert dl president Lorenzo Dellai che ova declaré te na intervista sun l sfuei catolich "L'Avvenire" che i sostegns ti vegniva demé conzedus a les families fondedes sun l matrimone y nia a cheles anagrafiches. Domenico Volcan.

 

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.421 seconc