benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Urtijei: la chestion dla ICI sun l vert
scrit ai 27 January 2007 da les 12:50:45 da noeles

Fodom

 

Raté la ICI sun l vert entourn ciasa é fauz

Chest dij i conseiers di "LADINS" y se damana che ala vegne touta demez - Gran pert dles families ne à nia l muet de paié cenc o milesc de euro de ICI per avei n toch de vert entourn a ciasa via

Georg Moroder - conseier di LadinsTla Val Badia ne él nience una na comun che rata la couta ICI sun i teraces entourn a la ciasa via. Al é ben logich, zenza ne éssen te 30-50 agn nience plu una na ciasa con n pice verzon entournvia. L consei de comun pò deliberé de ne raté nia  la couta ICI sun chi teraces che é bele en pert sourafabrichés (pertes pertinentes). Urtijei é endere un di puec comuns che fej paié la ICI te chisc caji. Al vegn for dit che chest é vedú dantfora da la lege sun la ICI, ma sce ala fossa enscila, pona nes damanonse, ciuldì él pa la majera pert di comuns de Sudtirol che ne scod nia chesta couta sun la cubatura ciamò "vueta"?

Georg Moroder.



I on damané do te deplù comuns, p.ej. a Corvara, a Al Plan de Mareo, per tó ca doi comuns ladins con na strutura apresciapuech sciche chela de Urtijei, co che ala sta. I ombolc nes à dit che al ne ti tomessa nience ite tl som de raté na tel couta sun i "teraces de pertinenza" che an dij. Demé sce na comun mostra su n defizit de bilanza méssela cialé de tré ite dutes les coutes che ala pò. Chest se damana l stat, sce n comun vuel credic da la Cassa "Depositi e Prestiti". Enlò ti végnel cialé ai prums trei capitui dles entredes ordinares (per avei la garanzia che la comun é bona de despaié ju les rates dl credit che vegn eventualmenter conzedù).
Ciamò n iade dijonse cler a nosc zitadins: la comun de Urtijei pò zenz'auter renunzié a scodì la ICI sun teraces che é en pert bele sourafabrichés, ajache la comun ne à nia na bilanza negativa.
Nos on audì plu iadesc da nost ombolt Moroder Ewald y dal assessour Leander Moroder chestes paroles: "Seise pu contenc de avei ciamò n pue de terac y sce i ne voleis nia paié la ICI pona eise does poscibeltés:
- damané de tramudé te vert privat entourn ciasa via cheles pertes che é ciamò da frabiché fora;
- vene a zachei cheles pertes.
Ma cie suzédel pa sce al vegn venù? Al é ben cler che l compradour volarà pona frabiché fora duta la cubatura che al é meso.
La politica dla SVP y dla lista Urtijei porta a la longia avisa al resultat contrar de cie che al vegn tant dit y scrit tla Dolomiten da nosta aministrazion de comun sun la speculazion.
L ombolt Moroder Ewald scriv che la comiscion dl fabriché é dret restritiva, ma chest ne jova a net nia, i messon pié ite l problem tla raisc y tó demez i teraces, en pert bele fabrichés, dal cont dla ICI. Demé a chesta maniera aronse la speranza (nia la garanzia) che al reste chel che nos duc volon: che a Urtijei síbel ence tl davegnì ciamò n pue de vert y no che al vegne a somié na zité con les ciases tachedes una su per l’autra. Dut l rest é demé de beles paroles.
Sen ésen tl laour de laoré fora danuef l plan reguladour che valarà enfin al ann 2017. 
Duc chi che à ciamò terac y cubatura sourora y ne vuel nia fabriché fora, dess debota se damané che chest grunt vegne metù ite coche vert privat, demé a chesta maniera podaronse bonamenter ciamò se salvé dal messei fabriché fora dut "a ries".
Gran pert dles families da chilò ne à nia l muet de se tegnì n toch de vert entourn ciasa via, sce ai mess ti paié cenc, sce no milesc de euro de ICI al ann al comun.
I volon pa vedei cie che ai dijarà i urbanistics che é tl laour de revijion dl PRG can che al vegnirà plu domandes de porté ite vert cheles pertes ciamò nia frabichedes fora entourn ciasa via. Nos dla Lista Ladins nes bateron con dutes nostes forzes per arjonje chest. La SVP y la Lista Civica Urtijei messarà pona mostré sie colour (das wahre Gesicht zeigen).
 
Lista Ladins de Urtijei
Moroder Georg y Adi Demetz

 
Liams emparentés
· Deplú sun l tema Fodom
· Chier te noeles


L articul plu liet te chest tema Fodom:
Truep entusiasm per mete su na compagnia de scizeri


Valutazion dl articul
Cumpeida mesana de oujes: 4
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.434 seconc