200 eles sforzedes a la prostituzion sun les stredes
Al vegn chirí trois per desgatié chestes eles dal certl dla trica, tema y violenza
Te nosta provinzia iel ntëur 200 mutans y ëiles che vën dala Nigeria y dai paejes dl Ost,che ie n gran pert sfurzedes ala prostituzion. Trica, tëma y viulënza de Erica Senoner La cumiscion provinziela per la valivanza dla rejons dà ora cater iedesc al ann la zaita "Eres", ulache l vën tratei argumënc deferënc sun l'ëila.
Uni iede vëniel tëut ca n auter tema,p.ej. l'ëila y l retlam,l'ëila y l sport,l'ëila y la rujeneda,l'ëila y l lëur te cësa y ora de cësa,l'ëila y si corp,l'ëila y la politica y n. i. L'ultima "Eres" trata l tema dla prostituzion. L ie n fenomen che avanea for de plu,sun chël che i manëijes dla politica scumëncia a se fe pensieres y a crì soluzions. De lugio iel unì metù su na cumiscion provinziela che studieia y se da ju cun chësc problem. Te nosta sozietà dl consum y dl materialism vën batuda ite uni dì la minonga che dut ie da cumpré,nsci nce l corp dl'ëila. I tlienc dla prostituzion n ne uel nia me l corp ma dantaldut l pudëi sëura l'ëila. Te nosta provinzia iel ntëur 200 mutans y ëiles che vën dala Nigeria y dai paejes dl Ost,che ie n gran pert sfurzedes ala prostituzion y muessa dé ju l davani a si verdians,che les tën suvënz sciche stlaves. L fossa ëura de fé leges che juda a chësta ëiles a se desgatië da si meltra ,che ti juda a giaté n lëur rëidl y a ruvé ora de chësc cërtl periculëus,fat de trica, de tëma y de viulënza. Per i marcadënc de persones iel debujën de majera straufonghes y per la mutans che uel ruvé ora dla prostituzion n majer aiut,na majera prutezion y defendura.
