benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: tradizions y usanzes
scrit ai 20 January 2007 da les 20:21:39 da noeles

Fascia

 

Tiesce ite tradizions y usanzes ladines tl turism

Chesta é la strategia dl Comité dles manifestazions de Fascia - De messel dl 2007 vegniràl metù a jì l'Edema dla arpejon da mont

L comité dles manifestazions de Cianacei à lité sie president nuef tla persona de Silvano Parmesani, assessour al turism y joen bendebot enteressé a la vita soziala y culturala dla comunanza. Na enciaria emportanta. Silvano Parmesani tol su la arpejon de Mariano Cloch, agn a la longia president dl comité y tamben assessour de comun de Cianacei con enciaries desvalives.

 



Per muet dl comité àn endrezé via n zacotantes scomenciadives con l'obietif de ti fé conesce ai ghesc' les raijes ladines. An vuel fé empera promozion sun n marcé turistich tres plu ghirent y olàche al é rie de vene sies propostes y tré l'uedl dla clientela. Dantaldut endana la sajon da d'isté é l laour valgamia gran con scomenciadives desche la festa "Te Anter i Tobié" y la "Gran Festa da d'isté" olàche les tradizions ladines fej da tradl promozional, con sporje scliguc (momenc, atims) de nosta storia y de nosta cultura. Per cie che reverda la festa "Te Anter i Tobié" y la "Gran Festa da d'isté" é l suzes talmenter gran che da agn rùvel adalerch jent demé per fé pera pro chestes festes che é entratant na ercia preziousa per duta la comunanza metuda adum da cultura y tradizions. La nueva dl ann 2007 sarà la "Edema dla arpejon da mont" che vegnirà endrezeda via dai 20 ai 27 de messel. Les plazes de Cianacei se tramudarà te laboratores di creps, de alpinism, de storia y de geologia dles Dolomites. An portarà dant i laours da zacan y d'auter. Endana chesta edema vegniràl metù su tla plaza tedant comun n parei de arpizeda olàche gragn y pici podarà se tripé. Apede a chestes trei manifestazions vegniràl endrezé via n grum de scomenciadives en gré de ester de enteres per i ghesc'. Ales va da la mujiga de gliejia ai cors da mont, dai buratins per i bec ai grups folcloristics, enfin a les seires de educazion ambientala.Per l comité de manifestazions de Cianacei vuel  promozion dl turism dì ester a fon capazesc de ester n vedl popul dles Dolomites che à fat storia anter chestes montes. An vuel la porté dant la storia y la fé conesce. An é convencius che ti agn da vegnì saràl semper plu emportant l binom "cultura y promozion" te Fascia. An é segurs de ester sun la dreta streda, ofrian ativités liedes al turism. Ales ne destrabonesc nia la identité, ma la valoriseia. (dv)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.392 seconc