benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ladin banì dai radio-trasmetitours pro i destudafuech de Urtijei
scrit ai 15 January 2007 da les 22:21:46 da noeles

Gherdeina

 

Leander Moroder defen Fill: ladin ne uega nia  

Redont n Vert desche Leander Moroder messessa se destanzié da n regolament che proibesc o banesc de rejoné ladin te n paisc ladin 

L conseier dl comun de Urtijei y diretour dl Istitut Ladin, Leander Moroder, ti à responù sun la USC a la letra dl conseier Georg Moroder, defenan ciamò n iade l comandant di destudafuech de Urtijei Stephan Fill, che à comané che al pò demé vegnì rejoné todesch tles radio-trasmitentes di destudafuech. Demarevueia cie sensibeltés che al vegn a lum. A Georg Moroder ti él vegnù a oredla da valch oms di destudafuech o al é ence vegnù prié da valch de ti mete dant la chestion te Consei de comun al comandant: ciuldí mess pa i destudafuech rejoné todesch tres radio-trasmetitours? A na pert ne ti scùsel do l mote nia che ai ne daussa nia rejoné ladin-gherdeina.



Na domanda legitima, unfat olàche ala vegn fata, fosc miec te consei per tré su la problematica  publicamenter: al l'à fata con bela maniera, apriejan i servijes di studafuech y coche l comandant Fill sà da rejoné gherdeina, ma al vegn atira craugné ju  y ataché verbalmenter dal ombolt y dal conseier y diretour dl Istitut Ladin MdR Leander Moroder. Chest ultim dij tla letra a la USC che l comandant ne mess nia se giustifiché dant dal Consei de comun te cie lingaz che al vegn radio-trasmetú pro i destudafuech y che la critica de Georg Moroder ti à desturbé dassen. Al sburla l conseier Georg Moroder plu o manco tl cianton di "criticons" y ti dà souraprò a d'el la colpa (....con de tel critiches ne arjònjen dessegur nia che al vegne rejoné plu ladin ....). Na tatica conesciuda. Da l'autra pert deidel da sia pert da giustifiché l comandant - Fill enstes ne ova nia abù rejons plausibles aldò de Georg Moroder - dijan che i destudafuech mess rejoné todesch pro i cursc a Bulsan, che ai fej datrai proves con comapagnies todesces y che pro l 115 a Bulsan enténen demé todesch. En curt, al é oportun rejoné todesch ti radio-trasmetitours,     
 Consei de Comun: entervent de Georg Moroder
plu funzional. Al ti dà spraiza al comandant. N bel ejempl, sce la argomentazion dl conseier y diretour dl Istitut Ladin fej scola: adoranza dl lingaz aldò dl'oportunité. Al é  plu oportun rejoné y doré n auter lingaz che ladin ence olàche al ne é nia nezesciar, p.ej. pro i radio-trasmetitours pro entervenc te Gherdeina. Al é plu oportun, ajache trueps sà da scrive miec todesch o talian che ladin, ence sun www.manif.it (sit dl Istitut Micurà de Rü), olàche valch consei de formazion de Gherdeina se prejenteia demé per todesch y e.i. Perauter tegn i destudafuech de Urtijei ence sia plata internet per todesch,  bonamenter na chestion de oportunité, ajache ai ne se tol nia la bria de la mete ju per ladin. Per resté tl ciamp di destudafuech: l lingaz scrit y di ordens é a Urtijei - desche pro truepes compagnies di destudafuech ti paijes ladins - l todesch.
An se essa perdret plutost aspeté na autra sensibelté te na tel ocajion: p.ej. che al vegnissa cialé de capì l problem, cialé de ti pité ai destudafuech valch glossar con terms tecnics tipics dl laour di destudafuech y di ordens per ladin per mioré la comunicazion te sie lingaz empede lascé slizié dut tl todesch o che i destudafuech vegnissa daidés da mete ju sia plata internet per ladin gherdeina (http://www.destudafuech.com/lad/index.html), ajache an veid che da soui ne se embàstei nia l'am (na conseguenza dl ensegnament rer dl lingaz a scola). Na spraiza de chest vers, tegnì dal plu debel, te chest caje da chi che vuel doré l ladin y l veid traté publicamenter sciche "lingaz refodam". Al suzed endere redont l contrar. Al giustificheia con rejons de oportunité che al vegn rejoné todesch ti radio-trasmetitours y drama ju dut dessenous per l conseier Georg Moroder che à cialé de defene con na scempla domanda chi che volessa eventualmenter radio-trasmete per ladin y ne sent l todesch nia sciche lingaz spontan y natural te na union de n paisc ciamò tres a maioranza ladin.
Redont n Vert desche Leander Moroder ne pò nia defene n regolament che contegn na costrizion a rejoné n cert lingaz. Messei rejoné n cert lingaz vuel dí automaticamenter proibí n auter lingaz. N Vert messessa se destanzié da valch de tel.
* L dizionar gherdeina de Forni à bendebot de loces de chest vers. Al ne contegn endie ne nia duc i terms tecnics, p.ej. de massaries y de enjigns di destudafuech.

Ejempli che desmostra che an pò ence comuniché per ladin, tla Svizra:

Destudafuech da Mustér/Distentis o www.pumpiers.ch

(ciala ence: http://users.south-tyrolean.net/ff-badia/, n ejempl depierpul che desmostra che ala va ence per ladin àn pro l corp di destudafuech de Colfosch: http://ff-kolfuschg.it/start.php?page=benvenuto&lang=EN). 

 


 
Liams emparentés
· Deplú sun l tema Gherdeina
· Chier te noeles


L articul plu liet te chest tema Gherdeina:
Na festa per n fin de ben


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Ladin bandì dai radio-trasmetitours pro i destudafuech de Urtijei (ponc: 1)
da travers ai 16 January 2007 da les 11:22:45
(Infos sun l utilisadour | Ti mané n messaje privat)
L comandant Fill y l conseier L. Moroder podessa avei rejon, per rejons prartiches o de fonzionalité. L imperadour Carl V, che rejonova n grum de lingac, adorova l todesch per se fé capì dal cian, chi da Urtijei mina mefum che che l fuech capesc demé l todesch.



Re: Ladin bandì dai radio-trasmetitours pro i destudafuech de Urtijei (ponc: 1)
da Piere ai 26 January 2007 da les 11:37:55
(Infos sun l utilisadour | Ti mané n messaje privat)
Leander Moroder y chi che mesceida tla politica en general é conescius che ai la entorj en pue sciche ai vuel. Leander Moroder ti tira dant a Georg Moroder che al fej critiches publicamenter. Chilò me damani ben cie che i Verc fej auter che critica vigni di sun dut y de dut?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.376 seconc