benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La scolina de Ciampedel
scrit ai 29 December 2006 da les 18:28:23 da noeles

Fascia

 

La scolina deida mete les prumes raijes dla vita

Prejenté chisc dis n codejel sun la storia y les finalités dla scolina a Ciampedel

N bel grum de genitours à tout pert l'autra seira a la prejentazion dl pice codejel sun la storia y sun les finalités educatives dla scolina de Ciampedel. Chest é n vare bendebot emportant per via che l'educazion di mutons é de gran emportanza per l convive zivil. Les maestres dla scolina enstesses à prejenté chest projet pedagogich che fej da referiment per la scolina, per les maestres, per i mutons y per l comité de gestion dla scolina. 

Emparé a cresce su te na comunanza che à na storia, na cultura y n lingaz particolar. N bez de Ciampedel vistì con l guant da Carnescé.



N pice codejel, talian y ladin, che met dant atira l fat che la scolina se troa te tera ladina y che ala mess se paredlé demeztroi con na realté de mendranza. La scolina de Ciampedel é gnuda metuda su tl 1909 per endrez de don Giovanni Deluca che ova ai temps compré la ciasa dant a la gliejia de San Filip y Iacun. Te chi temps fova la scolina daverta demé d'isté. Da recordé él che la pruma maestra fova Caterina Bernard Matela. Ti prums agn trenta ova la scolina  saré su sie servisc y é resteda scluta enfin al 1957 canche ala à ponté via da nuef. Samben che da enlaouta la scolina à mudé truepes de sies prospetives. Al resta endere fon y valif l laour al servisc dles families y dla educazion di pici bec. L projet educatif mané fora vuel tò su desche sia carateristica particolara de educazion chi obietifs che reverda l svilup dla personalité dl mut tolan ite aspec afetifs-emotifs, soziai y morai, etics y religiousc. Te chest végnel sorissé che cis la scolina é dret emportanta per la sozialisazion. La scolina vuel avei n liam fon y strent tamben con la comunanza soziala y culturala entournvia. Dut adum n projet educatif che ti dà a l'educazion infantila na gran valuta y che deida fé pié raijes per cresce su  te na comunanza che à na storia, na cultura y n lingaz particolar. (dv)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.387 seconc