benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Consei de Comun de Urtijei
scrit ai 19 December 2006 da les 20:11:49 da noeles

Gherdeina

 

Puera rejoneda de Gherdeina, sce chisc é ti avocac!

L ombolt Ewald Moroder (SVP) y l conseier y diretour dl Istitut Ladin Leander Moroder (Lista Urtijei) defen l comandant di destudafuech de Gherdeina che fej rejoné per todesch tles comunicazions dedes tres radio-trasmetitours (funk) 

Ai 14 de dezember fòvel da dé pro  te comun de Urtijei l bilanz de previjion per l ann 2007 di destudafuech de Urtijei. L sotscrit conseier de comun ti à damané al comandant di destudafuech Stefan Fill  ciugn che é i motifs per chi  che i oms di destudafuech de dut Gherdeina  mess rejoné todesch ti “radio-trasmetitours”  pro na prova  o  pro i entervenc de meldefuech o autri caji.
La zentrala radio-trasmitenta di destudafuech de Urtijei: i destudafuech  po demé rejoné todesch tl "funk" (radio-trasmetitours). 


Ne fóssel pa nia plu natural che nos de Gherdeina adorassan nosta rejoneda o ne fej pa nosta rejoneda nia l fat pro i destudafuech?
Samben che sce l comandant mess radio-trasmete con la zentrala a Bulsan pona rejonarál todesch, chest veid duc ite.
Ma ie ne veide nia ite ciuldí che passa 100 oms coche ai fova can che al à brujé sa Tiscion,  che ai fova dessegur stanc da la fadia y n pue ”scassés su”  dessessa rejoné todesch tla radiotrasmitenta can che dut  jissa pu dret tant sauri o ciamò plu saurí per gherdeina. I é for miné che vigni mendranza de rejoneda te nosta provinzia   po doré sia rejoneda for y dlonch. 
 
L comandant Fill me à dé na resposta te n ladin perfet, complimenc a pensé che el á duc doi i genitours de Laion, rejonessa pu duc chi de Gherdeina n tel bel ladin, ciamò n iade bravo a Stefan Fill.
Ma sen végnel l plu bel. Do che ie é ciamó fat n valgunes consciderazions, per ejempl,  che  i destudafuech de Sudtirol  ne volessa, con rejon,  a deguna maniera messei  rejoné talian ti radio-trasmetitours, demé ajache i talians vuel entene cie che ei dij.  I é ence damané co che ala é via i badioc, mess pa ei ence rejoné todesch ti “radio-trasmetitours”?
A mi me savéssel na grana sce ala fossa enscí. L comandant Fill dij che el ne sá nia da me respone.
Sun chesta tol la parola l ombolt Moroder Ewald  y prest do l assessour Moroder Leander. Tramidoi me tira les oredles per chel che ie ove damané con bela maniera. Ei se destanzieia, a na maniera sciorfa y agressiva, da cie che ie é damané ai destudafuech. Al somiassa ades che ie i esse ofenus tres na tel domanda, i ove pa demé damané ciuldi che ai ne rejona nia ladin ti radio-trasmetitours y nia auter.
Él pa chest l gran sentiment ladin che la SVP y la lista Urtijei dij de avei y che ti sta a cuer y che ai s’empegneia a stravardé?
Sce ala é tant inant con la democrazia chilò te Gherdeina che ne te pos nience te enfidé de fé de tel domandes  te sala de comun zenza che te ne vegnes nia coiené y musciaté fora ence da valch un che ne é nience conseier de comun ma che fova  te chel moment te sala de comun y che te ne vegnes craugné publicamenter per avei fat na tel domanda tant scandalousa, pona  “Gnade uns Gott “ (Sie misericordious Die!) dijessa i todesc.
Puera rejoneda de Gherdeina sce chisc é ti avocac!
 
Moroder Georg,  conseier dla Lista Ladins
 
 
 
 

 
Liams emparentés
· Deplú sun l tema Gherdeina
· Chier te noeles


L articul plu liet te chest tema Gherdeina:
Na festa per n fin de ben


Valutazion dl articul
Cumpeida mesana de oujes: 3.64
Oujes: 25


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.380 seconc