benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Senteda generala dl Istitut Majon di Fascegn
scrit ai 12 December 2006 da les 18:31:00 da noeles

Fascia

 

La Majon: ciunes les rejons de ester

Sun cie trois jì inant - Da la senteda generala dl Istitut Majon di Fascegn

Dr. Fabio Chiocchetti

COMENTAR

Te chest articul él vegnù scrit dla enduneda generala dl Istitut Ladin Majon di Fascegn. Desche an veid él sté valgamia de scassarot, dantaldut da pert dl diretour dr. Fabio Chiocchetti, che se damana diretives concretes y sostegn aladò da la politica. Al à fat conesce francamenter sia minonga. 

Poester mai desche chest ann é steda la senteda anuala dl Istitut Majon di Fascegn tant emportanta, emplida de debates y plena de chestions emportantes portedes dant a na maniera pizochenta. Ala à fat bendebot de colp sun duta la jent ruveda adalerch. Desche al é tradizion végnel fat n bilanz di laours portés inant via per l ann y cialé dantfora al ann che vegn.

L diretour dl Istitut Majon di Fascegn, dr. Fabio Chiocchetti.



Al à fat conesce francamenter sia minonga. Dassen costrutifs i intervenc de n valgunes personalités.
Suzedéssel pu ence valch de tel tl Istitut Micurà de Rü a San Martin.
De debates o de endunedes ne auden da agn nia y ciamò demanco de valch contraposizions programatiches. Da pert dl diretour auden mindicé sies minonghes politiches, ma d’inrer valch sun la ativité dl Istitut. Per cie che reverda la colaborazion anter i istituc ladins, dantaldut pro l projet de standardisazion dl ladin scrit pèrel che al ne se mueve da agn plu net nia. Rodunt te chest setour fóssel endere l majer debujegn, ence per svilupé n program cultural-linguistich plu ampl che é l dovier prinzipal dl Istitut, ma an ne auda nia. (ji)
 La presidenta prof. Mirella Florian à rejoné dl laour porté inant entant l ann 2006 y di projec vedus dantfora.
 Con sie intervent à l diretour dl Istitut, dr. Fabio Chiocchetti, provoché la jent te sala y defat duta la jent de Fascia, per giaté na resposta sun ciunes che à da ester les rejons de esistenza de n Istitut Ladin te Fascia, sun cie troi che al dess jì inant: sun chel dla identité, sun chel dla cultura, sun chel dla memoria, sun chel dles relazions nazionales y internazionales y sce dantaldut l lingaz ladin à demé da vegní conscidré n dialet y nia n lingaz che mess vegnì reconesciù y codifiché. Al se à traté de n intervent che lasciarà si segns.
 Al é ence na conseguenza dles polemiches vegnudes fora tla senteda dl Comprensore de Fascia C11 entourn a la manifestazion fata via per l’isté 2006 “Carnascér - da les Alpes al Mer Neigher: a les raijes dl Carnascé”.
 Endana na senteda dl C11 ova n conseier comprensorial de Poza trat fora la chestion dles speises dla manifestazion metudes en relazion al enteres publich per chest event.  Na manifestazion de aut livel che an volessa perauter sourantó tl Tirol dl Nord.
 Les polemiches à delout n grum de reazions. L Istitut se damana legitimazion per l davegní y sce al dess jí inant sun l troi dles enrescides, dl laour scientifich y ti dé dignité a n lingaz y a na cultura. Entratant la senteda él vegnù sotrissé clermenter y da plu pertes l debujegn de jì inant sun chest troi che ti á dé truep ai ladins de Fascia y à auzé sie reconesciment deforavia.
 L president dl C11, Leonardo Bernard, à aprijé l laour prezious dl Istitut y à encorajé de varié inant sun chest troi. Paroles de sostegn é tamben vegnudes da Alfredo Weiss, da Cristina Donei, da Mariano Lollo y autres che à stimé autamenter l laour dl Istitut. I programs vedus dantfora per l’ann 2007 vegn a ester ciamò na outa rics de de vigni sort de ativités che se enjonta ai 30 agn de laour al servisc dla comunanza fasciana y ladina en general.


Domenico Volcan


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Senteda generala dl Istitut Majon di Fascegn (ponc: 1)
da travers ai 12 December 2006 da les 15:42:22
(Infos sun l utilisadour | Ti mané n messaje privat)
Lijan l articul de D. Volcan ne pòn nia fé amanco de paridlé la politica dl istitut cultural de Fascia con chela dl istitut Micurà de Rü.
Te Fascia damànen a la jent de porté dant idees y propostes per na strategia culturala (rejons d'ester dl istitut cultural), a San Martin végnel metù sun meisa n program prefabriché metù adum dal diretour y aprové dal consei d'istitut zenza consulté dantfora la jent. Te Fascia "provocheia" l diretour na discuscion ampla (y samben ence critiches) anter la jent , a San Martin pluevel l program dal aut sciche na scincunda da Nadel. La vertola che tl consei d'istitut é raprejentedes ence les unions culturales ne sta nia empé. La maioranza é tles mans dles istituzions che vegn controledes dirtetamenter o indiretamenter da BZ , alias da la SVP: comuns y scoles. L president enstes é de fat n raprejentanc dl govern de BZ.
Tla sostanza ciala fora l program dl istitut Micura de Rü sciche na lista dles speises: i scioldi vegn despartis fora "a pluevia" per contenté n puech du canc , zenza definì dantfora na strategia culturala organica per l davegnì dla Ladinia. Les relazions d'ativité per l'ann passé ciala fora umfat: ales mostra, o lauda, tant che al é vegnù fat y no cie che al é vegnù arjont. La jent ne vegn nia damaneda cie che ala en pensa, ala à demé bria de ti dì dilan a les autorités per la grazia tomeda dal ciel.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc