Joufs dolomitans: deguna scluta y degun daz
scrit ai 15 November 2006 da les 19:02:40 da noeles
Joufs dolomitans daverc dut l ann y zenza daz
Entourn a la protesta contra na scluta o n pedaje sun i joufs se àl formé n comité interladin che abina adum ostiers, boteghiers y eserzizes turistics de dutes les cinch valedes
La oposizion contra la scluta di joufs dolomitans se desleria fora. Enier se à abiné sun Pordoi endò l comité contra la scluta di joufs entourn al Sela. Meina-protesta é l ostier fascian Osvald Finazzer de Cianacei che à abiné adum te chest comité 74 eserzizes turistics che laoura sun i joufs o sun les stredes che conduj su. Na iniziativa interladina che auza la ousc contra chi che se mesceida ite da foradecà y vuel deté les condizions. L comité ti à dé plenpodei al diretif de daurí ence batalies legales, sce ala mess ester. Ti ultims agns él tres endò vegnù saré i joufs per chesta o chela gauja, dantaldut per les rodes. Y propi chestes tira adalerch n trafich mat tles valedes. Al deventa n raion da fé la "bleita con la roda". Na fuera che ne plej nia é chela di motors che rondenesc ti creps.
Ma nia duc ne va con la roda y nia a duc ne ti pléjel chest sport. Ti ciarié su la grovaria a duc ne é nia dret. Rodunt perchel végnel fat trois aposta per les rodes. Gonot se tràtel de jent che roda zenza con de gran auti entourn, al basta ti cialé a chi che ruva per la Maratona dles Dolomites, y jola fora per dut l mond. Tles Dolomites déventei te n iade de gran "ambientalisc'".
La chestion dla scluta o de n daz sun i joufs se à valgamia apajé via ti ultims meisc . La Svp enstessa la à metuda te n piz y se à declaré decontra "enfin a che al ne vegn nia arjont na acordanza con dutes les trei provinzies a la pert, Bulsan, Trent y Belun". L slum de Mussner de mete su les stanges (con antines y stazions dl daz bele dl 2007) é vegnù arferé ju, desche el enstes à dé pro. Ma degugn ne sà tant die che chesta trieva durarà. L comité spizola les oredles , studieia les poscibeltés legales, se consieia pro avocac y sta de verdia. An chier colocues con i raprejentanc poltics y an vuel avei segurtés da Belun y da Trent. I politics da Belun, l president Sergio Reolon y l assessour Quinto Piol, ti à dé plen sostegn. L comité dij dampertfora de ester contra dutes les ordinanzes de scluta di joufs zenza consens dles 3 provinzies y contra dutes les ipoteses de valch sort de daz.
La oposizion contra la scluta di joufs dolomitans se desleria fora. Enier se à abiné sun Pordoi endò l comité contra la scluta di joufs entourn al Sela. Meina-protesta é l ostier fascian Osvald Finazzer de Cianacei che à abiné adum te chest comité 74 eserzizes turistics che laoura sun i joufs o sun les stredes che conduj su. Na iniziativa interladina che auza la ousc contra chi che se mesceida ite da foradecà y vuel deté les condizions. L comité ti à dé plenpodei al diretif de daurí ence batalies legales, sce ala mess ester. Ti ultims agns él tres endò vegnù saré i joufs per chesta o chela gauja, dantaldut per les rodes. Y propi chestes tira adalerch n trafich mat tles valedes. Al deventa n raion da fé la "bleita con la roda". Na fuera che ne plej nia é chela di motors che rondenesc ti creps.
