Formazion politica
scrit ai 04 November 2006 da les 19:21:50 da noeles |
|
Al vegn fat truepa formazion, ma puecia formazion politica
La formazion politica sta a la basa de vigni politica de na mendranza - De chela en él endere puecia
 De formazion végnel rejoné truep aldidancuei. Na sort de formazion olache la jent ne s' enfida endere nia ciamò cis permez, é l setour dla formazion politica. An sta ciamò dassen dalonc da chesta sort de formazion. Chesta formazion dess vegnì svilupeda y potenzieda. La jent vegn plu y plu confronteda vigni dì ence con les tematiches dla politica. I fruc de na tel formazion é na mioura conescenza de nosta situazion culturala y politica, che é la condizion per podei tò les dretes dezijions.
Simpose dla Lista Ladins ai 30 de setember a Colfosch.
Y al é dret. Sciche i savon é la formazion dla persona, dlongia a la sanité, la pruma cossa che i adoron. Sce nos scialon tles revistes, sce nos audion l radio, la televijion, végnel ofrì truepes ocajions de formazion, olache vigni persona à spo dret na gran varieté da podei se chirì fora. Enscì ti végnel dé a duc la poscibelté de se istruì inant te vigni setour.
La formazion a livel politich à metù man da pert dl Moviment Politich Ladins con na meisa torona sun la comunicazion a La Ila tl 2005 y con l Di de formazion politica-simpose, metù a jì ai 30 de setember a Calfosch. A la formazion politica ne désson mai ti scluje la porta, ma an dess lascé dutes les stredes davertes. Na politica autonoma ladina é na sterscia motivazion per se istruì te chest ciamp dla formazion. rt
|
| |
Cumpeida mesana de oujes: 5
Oujes: 1
|
|
