Decret Bersani: tais a la lege 482/99
scrit ai 01 November 2006 da les 17:53:38 da noeles |
|
Tais de speisa ence pro la lege 482/99
Tres l decret Bersani déssel vegnì taié ence te chest capitul de speisa - mendranzes al sut
 De scletes notizies da Roma. L decret Bersani (messel 2006) veid dantfora tl art. 25 bendebot de tais de speisa tl trien 2007-2009 pro n grum de leges, anter chestes ence pro la lege n. 482/99, enfin al 2009 n tai de soura le 50%. La "Lia di comuns ladins" vegn propi metuda su aladò dla lege 482/99 per podei pié do chisc finanziamenc. Dret tochés sarà i ladins da souramont, sce chest decret deventa lege o sce al ne vegn nia fat comedures tres la lege finanziara.
Cie che Berlusconi ne à nia fat, él sen l govern de zenter man ciancia (Prodi e Bersani) che fej: ressané l bilanz statal, arbassan les alogazions (stanziamenc) sun la lege 482/99.
-
A
tualmenter végnel aloghé 10 milions de euro per 13 grups de mendranza reconescius tla Talia. Chest finanziament dess vegnì scurté enfin al 2009 a 4,5 milions de euro. La soma é enscì cotant mendra y mess vegní partida su sun les medemes mendranzes. Contra chestes previjions se para samben les mendranzes che veid metus al pericul duc si projec finanziés tres chesta lege; al se trata dla pruma y soula lege a sconanza dles mendranzes tla Talia.Tó demez l 50% de finanziament vuel dí ti tó la sostanza a la lege y chel propi da pert de n govern de zenter-man ciancia. Sce al ne vegn derzé fora nia pro la lege finanziara, saràl rodunt les mendranzes à en paié soura, n fat scandalous desche raprejentanc de organisazions de mendranza à dit.
|
| |
Cumpeida mesana de oujes: 0
Oujes: 0
|
|
