benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L grup de laour à enjigné ca l sboz per l statut
scrit ai 26 October 2006 da les 17:24:24 da noeles

Politica

 

"Lia di Comuns Ladins": l statut ruva ti conseis

Encuei à Urtijei dé pro, en venders bele a Ciampedel - Propostes di LADINS - Senta dla Lia sarà Corvara - Desciarié l sboz - Dert de veto

 COMENTAR                        

Does o trei cosses dà bendebot a uedl te chest statut: bele dantfora n referiment a la vedla partegnuda al Imper Austro-Ungarich, nia enultima na idea da souramont che vuel tré na lingia clera de confin devers i neo-ladins. 

L  statut per la conferenza di ombolc é enjigné ca y encuei él bele vegnù dé pro dai conseis de comun de Ciampedel y de Urtijei. L inom ofizial vegn a ester "Lia di Comuns Ladins". L statut contegn endut 24 articui y al mess vegnì aprové sen da duc i comuns y dedò dai respetifs conseis provinziai dles trei provinzies de Bulsan, de Belun y de Trent per jì en doura. Tres chest organism saràl meso de podei pié do i finanziamenc vedus dantfora da la lege nazionala 489/99 y d'autres leges, sce ala va de uega. Entratant n iade él demé na verscion taliana dl statut.

I ombolc entant la ultima enduneda a Corvara pro chela che al fova vegnù metù en pe l grup de laour per l statut.


 

..........

Ironia dla storia: rodunt sot al Imper Austro-Ungarich y sot a Tirol fova i ladins classifichés ofizialmenter de etnia taliana y sotmetus a na politica de assimilisazion tres plu agressiva da pert todescia. I ladins é ruvés pro la Talia desche talians con nia: degun reconesciment desche grup etnich, deguna autonomia culturala, deguna unité aministrativa, deguna grafia unificheda, degun lingaz  te scola. En curt: ai fova metus en past ai nazionalisms todesc y talians che se stritova enlaouta per l teritore.
Demarevueia ence chel dert de veto per valeda contra deliberazions toutes a maioranza: clermenter antidemocratich y n segn de deguna creta  y de pesima sun ciugn fins che an vuel arjonje deberieda. N dert de veto àn tl Consei de Segurté a livel internazional pro la ONU, ma nia te grems de chesta sort. Les finalités statutares é efetivamenter tegnudes scialdi sun l general. Al mancia vigni referiment a valch simbol deberieda: a na bandiera ladina, al lingaz ladin o a na politica linguistica ladina. An se posizioneia sun l general: carateristiches culturales y linguistiches. Ma al ne fala nia valch segn tla dreta direzion: an se tol empò dant de mantegnì y de renforzé la coscienza de partegnuda a na soula entité sozio-culturala. Dut cie che ne é nia ciamò pò vegnì, díjen, dantaldut sen che al é n forum istituzional per chestes chestions. I ston a vedei cie projec che ala met sun meisa.
     
     
      Dla "Lia di Comuns ladins" pòl fé pert i 18 comuns dles 5 valedes ladines y l comun de Ciastel con les frazions ladines te Gherdeina. L statut veid dantfora la prozedura per tó su sozes nuefs. La senta dla "Lia di comuns ladins" é aldò dl statut Corvara. I organs soziai vedus dantfora dal statut é: la enduneda generala di comuns sozes, la jonta, l president y i revisours di conc.
 
Les finalités statutares:
1. La lia é apartitica y ne à degunes finalités de davagn;
2. Ala se tol dant de mantegnì y de renforzé les relazions aministratives anter i comuns dl raion ladin dolomitan entourn l Sela che é liés adum storicamenter, linguisticamenter y culturalmenter tres sia vedla partegnuda al Imper Austro-Ungarich;
 
3. I fins particolars dla lia é:
a) mantegnì y renforzé i liams anter i comuns ladins y porté pro a na gestion coordineda y deberieda di servisc y dles ativités de competenza di comuns;
b) sconé, svilupé y renforzé l patrimone cultural y linguistich che ai à deberieda y valorisé les carateristiches ladines en general;
c) mantegnì y renforzé la coscienza de partegnuda a na soula entité sozio-culturala y renforzé i liams anter les comunités ladines entourn l Sela.
 
4. Per arjonje chisc fins,  tl respet dles leges, se tol dant la lia de desplié tres si organs dutes les ativités che ala ratarà d'utl y adatedes.
5. Per ademplì i fins statutars arà la lia na ampla autonomia, tres tl respet de chest ordinament statutar, y dles prerogatives dles corporazions locales assoziedes.
6. La lia pò ester strument operatif di enc locai per ademplì projec aladò dla lege 482/99 y d'autres leges tl davegnì, a ben dles mendranzes linguistiches.
7. La assoziazion reconesc la emportanza dla gliejia catolica romana, ajache ala é dassen lieda a les tradizions storiches y culturales locales.
 

Desciarié l statut te format *.pdf

Statut dla Lia di comuns ladins 

Organs: la enduneda generala tol ite duc i comuns assoziés che mana 1 n raprejentant per comun, l ombolt enstes o l vize-ombolt o n sie deleghé cernù anter si aconsiadours de comun.  La enduneda generala mess vegní cherdeda ite almanco 2 iadesc al ann per aprové l preventif  y per dé pro l decont final.  N valgunes de sies funzions plu emportantes: la enduneda nomineia i members dla jonta y lita l president anter i members dla jonta. Ala nomineia ence i revisours di conc.  Les deliberazions dla enduneda generala vegn toutes a maioranza di prejenc. Vigni raprejentant à demé una na ousc. Vigni valeda à n dert de "veto". Sce duc i raprejentanc de na valeda dij no a na deliberazion ne éla nia valoula.  Les valedes é partides su per chesta rejon enscì: Val Badia, Fascia, Gherdeina (con frazions ladines de Ciastel) y Souramont (Fodom y Ampez adum).
      La jonta é metuda adum da 4 members, un per valeda, nominés dai respetifs raprejentanc de valeda. Ala se abina vigni iade che l president o almanco 2 members se l damana, te vigni caje 2 iadesc al ann, per ti mete dant a la enduneda generala l preventif y l decont final. L secreter vegn nominé dal president tla pruma senteda dla jonta y pò vegní cherdé da foradecà. L secreter sourantol l laour de destrighé via duc i laours aministratifs. Al ne à degun dert de ousc. Les enciaries é onorares y al é demé prevedù de ti rete les speises vives.

      Encuei domesdì à l Consei de comun de Urtijei dé pro con 19 sun 19 oujes l statut dla "Lia di comuns Ladins". La Lista Ladins tl consei (Demetz Heinrich, Moroder Georg, Großrubatscher Raimund y Goller Ulrica) se ova damané chesta enjonta pro les finalités:  promueve les scomenciadives che va debujegn per arjonje na unité aministrativa tla Region Trentino-Südtirol. La proposta ne é nia gnuda azeteda con l argoment o la vertola che duc i comuns essa spo ence messù mudé l test prejenté. La lista fova ence contra n "dert de veto" per valeda.

 

 Letura dret aconsieda
 
 Ombolc:  n comentar 
 La lege 482/99 - Contegnus

 
 Ladinia: enconteda di ombolc ai 27 de messel 2006

 Enconteda di ombolc de messel o da d'auton

 Comentar sun n referendum y la lege 482/99
 L ombolt de Col Santa Lizia peia via
 La lege 482/99 - Contegnus
 La posizion de Bepe Detomas sun la lege 482/99 *** letura dret aconsieda
 Devers l organism de coordinament 482/99: propostes da Trent
 Letra daverta dl president dla Comunanza Ladina a Bulsan
 Comunicat stampa dl ofize stampa de Bulsan: conferenza di ombolc
 Union Generela di Ladins dles Dolomites saluda con plajei i ombolc
 La GJ dla SVP de Urtijei tol posizion
 Enconteda di ombolc ladins y di sourastanc dles provinzies
 Lites de comun 2005: i ombolc mess declaré sies intenzions
 Lege 482/99 - La Generala se muev
 Union Generela: stop a Bulsan  con test integral dla lege 482/99
 Generela: enconteda con les autorités provinziales de Belun
 Abineda di ombolc ladins d'otober 2004
 La lege 482: an s'entardiveia
 Pensiers soura l'assemblea dla Generela
 Union di Ladins de Fascia: touta de posizion
 L apel dl ombolt de Col Santa Lizia
 Comité interregional ladin - n comentar
 Intervista al ombolt de Col de Santa Lizia Paolo Frena
 Consei di ombolc: intervista al ombolt de Santa Cristina, Bruno Senoner
 Intervista al ombolt de Fodom Gianni Pezzei
 Comentar: poester renunzieien enfinamai a la 482/99
 I ombolc de Cianacei y de Moena respon

 Les respostes dl ombolt de Badia

 

 

 

 

 La lege 482/99 y i ladins tla provinzia de Bulsan
 Ressoluzion dla Union Generela di Ladins dles Dolomites

 Enconteda anter Union Generela di Ladins dles Dolomites y Durnwalder

 La tripartizion, l'arpejon de Benito Mussolini: Bulsan, la lege 482/99 y l organism de coordinament
 Lege 482/99 - I ombolc ne se á mai tout la bria
 Enconteda Durnwalder-Generela: la verscion ofiziala
 Lege 482/99 - Trent meina do - Bulsan arfera
 L consei di ombolc - enfin a sen deguna convocazion ciamò
 Comité interregional ladin - n comentar -  *** letura dret aconsieda 
 Lege 482/99 - I ombolc ne se á mai tout la bria
 Intervista a Pepi Dejaco: n organism interregional: manco ombolc y plu esperc y dialetica
 Di dla Unité Ladina: unité combatuda
 Cianacei: Di dla Unité Ladina - La fana é sun l fuech
 Di dla Unité Ladina: les prumes imprescions
 La relazion de Bepe Detomas
 Durnwalder á enconté dantenier l president De Bona de Belun
 
 Intervista al President dla Generela Nani Pellegrini
 
 
 
 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.8
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L grup de laour à enjigné ca l sboz per l statut (ponc: 1)
da giatfosch ai 26 October 2006 da les 18:00:09
(Infos sun l utilisadour | Ti mané n messaje privat)
sce sce, pur tignì daverta la porta ai sabotadus.



Re: L grup de laour à enjigné ca l sboz per l statut (ponc: 1)
da MateoTaibon ai 27 October 2006 da les 21:26:12
(Infos sun l utilisadour | Ti mané n messaje privat)
la coienada é ben ch'al é sen na "Lia". Mo na lia é ince la Generela. Deache an n'á degün certl lital ladin y i ombolc é litês por aministré i comuns, n'ái degüna competenza y degüna legitimaziun por cuestiuns co reverda l'unité ladina.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.421 seconc