benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Vich de Fascia: Transdolomites 2006
scrit ai 25 October 2006 da les 18:41:32 da noeles

Fascia

 

"Transdolomites" propon mesi alternatifs

Convegn sun l trafich tegnù ai 20 de otober a Vich de Fascia - Esposizion: Glaciers sot a viere - Deplù servisc de trasport publics

Che l trafich motorisé tles Dolomites, sun joufs y sa mont en general sibe n problem valgamia sentì ne é nia valch da nuef:  la nueva é chela che an vuel chirì soluzions al problem. De chisc argomenc se festidieia da n valgugn agn ence n clap de persones con a cef Massimo Girardi de Vich/Fascia. Ai se dà ju tres  sia scomenciadiva "Transdolomites" con i problems dl trafich y per na mioura cualité de vive.



      Per endrez de cotantes assoziazions y enc publics él vegnù tegnù a Vich l  convegn "Transdolomites 2006" ruvé a la 4. edizion y desche les autres outes  con al zenter  desche tema i problems de transiament, dla mobilté, dla energia y dl ambient. L convegn dl 2006 à dantaldut trat na soma dl convegn da dant dl 2005. An à lascé al savei cie che é vegnù fat y cie projec che an se tol dant dl davegnì. Tl convegn 2006  él vegnù porté dant plutost propostes, do che agn a la longia él vegnù analisé  i problems liés al trafich y al turism. Endana l convegn à rejoné Marianna Elmi dl Ökoinstitut de Sudtirol che à porté dant na sintesa di resultac dla dombrazion dl trafich tla val y sun i joufs fascians fata dl 2006. Chisc dac ne é nia na scempla elencazion de numers ma n muet per conesce miec les dinamiches dl trafich y de vedei ciunes che podessa ester les mioures soluzions aldò dl stude. L resultat final dla enrescida vegnirà prejenté plu inant endana na giorneda aposta dedicheda demé a chest stude. 
     

Letura dret aconsieda

a pert plu concreta y pratica é a poura nia  steda chela dla prejentazion di auti ecologics  teconologicamenter avanzés. Ai podessa ciaté n adatament per vegnì dorés tles valedes de Flem y de Fascia. A tegnì les relazions sun chest tema él sté i reladours dr. Enrico Durelli y dr. Giorgio Mantovani dla firma Altra - trasporc alternatifs. Ai à rejoné de auti ecologics a d'auta  capazité de trasport. Duc se aoda che ai posse vegnì dorés plu aslum che ala va. Fosc podéssel garaté valch de chest vers sun prescions da pert de desvalifs grups y enc bele con pié via dal 2007 inant. A la fin àn podù  vedei duc i mesi proponus: anter chisc n pulmin eletrich con na autonomia de 80-100 km, soluzions pratiches de n laour che vuel arjonje, do a la teoria y i studes  aprofondis entourn al problem mobilté, finalmenter soluzions concretes y realisables.

      Da recordé él ence la volonté di promotours dl convegn de vegnì liés ite te n projet europeich de mobilté y de savei desche  l'Union Europeica (UE) vuel se mueve sun chest ciamp. Te chest spirit de colaborazion à rejoné Massimo Marchesi dla Comiscion Europeica dl ofize de Milan.
      Dut adum na giorneda ricia de enrescides, de studes y de propostes che se à sclut ju con la enaudazion dla mostra "Ghiacciai in serra / Glaciers sot a viere" che resta daverta enfin ai 26 de otober tl Museum Ladin de Fascia. La mostra tol ite 28 de gran tofles olàche an veid desche i glacions se deleiga y smendresc tres deplù ti ultims agn.
      Co-organisadours y co-sostegnidours dl convegn é stés: la assoziazion Transdolomites, i comprensores de Fascia y de Flem, la Apt de Fascia y Flem, la Provinzia de Trent, la Comiscion Europeica, l Parlament Europeich, la Antenne Europe Direct, l Comun de Poza de Fascia, l Consorz Eletrich Pozza, la Fassa Coop center, Trentino Trasporti y l Istitut Cultural Ladin. (dv)

 

 

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 4.25
Oujes: 16


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.397 seconc