benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N vedl pregiudize
scrit ai 23 October 2006 da les 14:56:33 da noeles

Politica

 

Pregiudizes primitifs

Pro i todesc ròdel tres ciamò n vedl pregiudize, chel che i gherdeines y plu en general i ladins sie fora sun i scioldi

La Zett n'é nia n foliet de aut livel, al contrar. Ma tant bas che zachei pò se plazé méssen constaté con l'ultima edizion, chela da enier, olache al vegn mostré n vedl pregiudize de livel da ostaria y ciamò piec. Chel di gherdeines y di scioldi. I gherdeines é fora sun i scioldi - chest n pregiudize che roda dassen anter la populazion todescia de Sudtirol che se damana con gran paroles che i talians n'ae degugn pregiudizes sun i todesc, ma che coltiveia dassen si pregiudizes contra d'autri.

La ZETT, foliet dla domenia todesch de Sudtirol, atacheia tres endò negativamenter i ladins.



      Ben, sun la Zett da enier é l pice grup de politics SVP, anter chisc ence Florian Mussner che dij presciapuech enscí: "Nos gherdeines savon pa ben olà tó ca i scioldi". L pregiudize vegn metù al zenter de na cossa che vegn rateda da la redazion poester "satira", ma che é primitivism che arenta tl razism. Al é n edemanal todesch che á tres endò fotografies de politics con dialogs inventés che vegn metus permez. Untergeschoben, enscì l titul dla satira, che á n bon livel. Ma la medema "satira" dl foliet edemanal "Zett" sclopeta ben dlongia via dassen; ala confermeia ence tant sot che l pregiudize che i ladins y i gherdeines en particolar sie duc rics y fora sun i scioldi à sies raijes pro nosc vejins. N foliet endere ne dess nia tizé te chisc pregiudizes che arjonj ence n livel de razism.
     Empò vegn chest pregiudize tres endò trat ca da jornalisc' todesc. Enscí dant da valch meisc n foliet che dijova, do les lites parlamentares: ai ladins ti en él unfat che l tacuin é de man dreta o de man ciancia. Chesta n'alujion puech eleganta al fat che Corvara y Selva ova abú na procentuala dorata auta de litadours de Forza Italia. Ma de cie vàla pa pro trueps che lita SVP - sce nia dl tacuin, dles truepes sovenzions che ti regor permez, nia per ultim ai imprenditours todesc. Ma an sá pu, fora sun i scioldi é pu demé i ladins - almanco a d'audí les rudlades de ostaria de nosc vejins todesc - rudlades che giata lerch ence ti foliec.  Per l jornalism te Sudtirol endò na prova de mancianza de coscienza zivila. (mt)

 

L despet envers i ladins giata ti media todesc dagnora na plataforma, ai và ti cenc. Ai ne vegn nia dagnora rebatus o critichés.

 La Tageszeitung: n livel da daudé
 Dolomiten: rejons di ladins é -Nörgeleien-

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N vedl pregiudize (ponc: 1)
da MateoTaibon ai 24 October 2006 da les 09:04:11
(Infos sun l utilisadour | Ti mané n messaje privat)
Sciuré na moneida via per tera
Da enjonté él che ai é pa duc unfat. Chest iade él la Zett, ma dant da puech á la Tageszeitung metù sun la pruma plata l term ofensif "Krautwalsche". Y dant da valch agn ova chest medem foliet ence ofenù i ladins. Pro la prozescion de Jevun fòvel sté n pice problem. La prozescion volova endò jì a ciasa, ma puech dancialà dla gliejia de Cluses fova i pelegrins vegnus tignus su dai Carabiniers. Na gara dla roda messova passé. Do valch discuscion, te chela che ence Sig. Merch se ova mescedé ite energicamenter, é spo i pelegrins endà piés via, y bun. I Carabiniers ova pa propi n pue de spavent, cie ch'ai i dijova tres radiotrasmiscion a si colegs fova desche na notizia de na catastrofa: i ne son nia bogn de i tegnì su, ai é mile.
Ben, l comentar dla Laubensassa. "Co féjen da fé sté chiec 700 ladins?" (chesta na pruma stima dl numer di pelegrins, ester en fòvel mile, sciche ie ove ence scrit tl articul)? "Sciuré na moneida via per tera ... "

Le medem jornalist pel che sie ence responsabel dai "Krautwalsche".


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.409 seconc