benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lia per i popui manacés: n standard scrit é na massaria de souravivenza
scrit ai 25 September 2006 da les 19:40:32 da noeles

Politica

 

Zenza n tet scrit unitar résten a livel de "folclor ladin"

La SVP impedesc n reconesciment plen dl grup ladin, laoran contra l ladin standard-dolomitan

Soura dut l mond se damana les mendranzes linguistiches che sie lingaz vegne metù ju y doré per scrit te na forma unitara. Demé a chesta vida pò n lingaz de mendranza vegnì doré tles scoles y tles istituzions. N lingaz scrit unitar che fej da tet ai idioms de n lingaz é na "conditio sine qua non". Zenza chest tet scrit resta na mendranza a livel de folclor y al ti vegn impedì de arjonje n reconesciment plen. La SVP ladina à sclut fora da l'aplicazion ofiziala, per gaujes che degugn ne capesc, na forma scrit unitara ladina. Empede n tet scrit unitar él gnù trat ca per i comuns y les scoles dla Val Badia y de Gherdeina i idioms de valeda. L lingaz ladin vegn a chesta maniera vedù desche grup de idioms spidicés y a livel de folclor.

Cuertl dl mini-dizionar ladin-todesch. N lingaz scrit unitar é n pont de referiment per duc i ladins, unfat de cie idiom y al ti dà al lingaz na majera valuta a livel regional.

 

 



     Trueps laours de traduzion vegn encuei fac dopli o enfinamai treidopli, n gran desfaziament de forzes y de finanzes, depierpul che l lingaz ladin ne vegn te trueps setours nia doré. Tres chest comportament impedesc la SVP n reconesciment plen dla mendranza ladina.

     Per i ladins dles Dolomites él gnù crié n lingaz scrit unitar - l ladin standard o dolomitan. Trueps linguisc' à laoré agn a la longia per enjigné ca la gramatica y l dizionar. Ai à limé pro chest lingaz scrit, arjonjan n resultat che se reveleia de gran utl pratich. L portal noeles.net scriv demé per ladin standard, la Consulta Ladina a Bulsan met ju documenc te ladin standard y ence la USC di Ladins publicheia tres endò articui te chesta forma scrita che lieia adum duc i idioms ladins.
Linguisc´ de renom desche Peter Nelde dl Zenter per plurilinguism dla Université Catolica de Bruxelles, un di autours dl stude de "Euromosaic", plaideia per na forma scrita unitara de duc i lingac minoritars. Mete ju n lingaz de mendranza te na forma scrita unitara deida modernisé n lingaz y ti dà tles mans a les mendranzes linguistiches na massaria de gran utl per l davegnì. Demé a chesta maniera pòn fé na planificazion per garantí la souravivenza de n lingaz.  Aladò de n stude de "Euromosaic" dla Comiscion Europeica dl 1996 é plu de 13 lingac minoritars tla Talia bele al pericul te sia sostanza: l lingaz albaneis y l grech (tla Pulia y tla Calabria), l catalan (tla Sardegna), l croat (tl Molise), l ozitan (tl Piemont) y l lingaz sard. Relativamenter al pericul vegn classifichés l furlan, l sloven y ence l ladin. Chest é na conseguenza dla mancianza de n tet scrit unitar doré dlonch publicamenter.
     A la medema conclujion ruva ence l linguist svizer Jean-Jacques Furer per cie che reverda l rumanc. Te sie ultim stude per l ofize de statistica dla Svizra scrìvel che l lingaz rumanc é dassen al pericul. La gauja é che la forma scrita unificheda, l Rumantsch Grischun (RG), vegn doré massa puech conseguentamenter. Demé la doura dl RG tles scoles y tles istituzions pò arferé ju la erojion linguistica.

      Chest vel ence per la Ladinia. Sce la SVP la miena senziera con la sconanza dles mendranzes y sce chest ne dess nia demé valei per i todesc, mess la proibizion de n lingaz scrit unitar tla aministrazion publica gnì touta demez. Proibizions de lingaz ne auda nia pro les mesures de sistems democratics. Rodunt te Sudtirol ne messéssen perdret nia avei bria de l recordé aposta.

Notes:

Ladin Dolomitan - Standard
Situazion atuala tla Svizra Rumancia

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.382 seconc