benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Consulta Ladina a Bulsan: auter no a la delibera Istitut/Mussner
scrit ai 12 February 2003 da les 11:33:06 da noeles

Ladin Standard
 
Scì al standard, ence pro l'ejam de trilinguism
 
Les ones fates levé su da la esclujion dl standard con delibera dl assessorat ladin ne se apajeia nia plu via. Protestes da dutes les pertes: da l'Union Generela, da la Usc, da la Lista Ladins, da persones privates, da esperc de linguistica; n segn che al se trata de na chestion che an ne vuel nia glotì sciche inevitabla, davia che ala comporta ence na impostazion culturala de prinzip dles istituzions ladines che fossa perdret cherdedes a dezijions importantes. 
 


Na critica sterscia contra la delibera y l'impostazion dl Istitut Ladin vegn ence da la Consulta Ladina a Bulsan che abina adum ladins de dutes les valedes: badioc, maroi, gherdeines, fodoms y ampezans che viv a Bulsan y entournvia. Ala adora bele da giut l standard te sies deliberes dl comun de Bulsan y se damana ence che l ladin standard posse vegnì adorè dal ejam de trilinguism, olache an mess enchin a sen lité danter ladin dla V.B. y Gherdeina, sclujan fora duc i autri ladins aciasès tla provinzia cun n auter idiom.
Da la senteda dla Consulta per i problems Ladins dantenier, ai 10.02.03, él vegnù traté desche 3. pont dl orden dl di  da mené inant l projet ladin unifiché y a la conclujion ésen ruvés che al é gran interes da pert di ladins da Bulsan per chisc motifs:
  • la Consulta ladina per i problems ladins scriv dutes les comunicazions y i invic per ladin unifiché.
  • chiló a Bulsan vìvel y laorel ladins de de plu valedes, enscì pòdessei adoré per scrive l lingaz unifiché.
  • per l ejam scrit dl trilinguism fòssel da sé dejidré l ladin unifiché per i ladins dles valedes ladines fora dla provinzia de Bulsan che fossa per ei plu saurí.
  • per i cursc damanés da nia ladins fòssel plu saurí da lieje y scrive l ladin unifiché.

Per chestes motivazions se aoda la Consulta per i problems Ladins che l projet ladin unifiché vae inant.


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 4.42
Oujes: 7


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Consulta Ladina a Bulsan: auter no ala delibera Istitut/Mussner (ponc: 1)
da Dolasila ai 12 February 2003 da les 12:39:03
(Infos sun l utilisadour | Ti mané n messaje privat)
pur fà n confrunt leterar: Mussner me recorda l Don Abbondio di Promessi sposi ...



Re: Consulta Ladina a Bulsan: auter no a la delibera Istitut/Mussner (ponc: 1)
da giatfosch ai 12 February 2003 da les 18:35:10
(Infos sun l utilisadour | Ti mané n messaje privat)
ma cô... confrunc leterars, pro Mussner cun süa "competenza leterara" é vigni confrunt leterar "fuori luogo" ...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.428 seconc