"Cie podonse y messonse pa fé per ti dé plu forza y plu convinzion a na politica ladina autonoma"

A chesta domanda cialarà da ti dé na resposta i reladours entant l Di de formazion politica, ai 30 de setember 2006, a Colfosch

L Moviment Politich Ladins (MPL) met a jì en sabeda, ai 30 de setember 2006, n "Di de formazion politica" a Colfosch tla Ciasa Tita Alton, da les 09.00 a les 13.00, con n program de relazions bendebot ampl y  con doprò na meisa torona con l titul sourascrit. L fin é chel de esploré la valuta de n partí politich organisé y de se enjigné ca per tó pert a les lites provinziales dl 2008. Tl aier él bele endò n projet dla SVP de mudé ju les regoles litales. Ma sen él ence na sentenza dla Court Costituzionala, la n. 356/1998 che ti à dé rejon al Moviment Politich Ladins che na lege sun les lites provinziales te Sudtirol ne pò nia contegnì n lim lital per i ladins. Chest pòn fé avalei sun troi giudiziar, sce ala mess ester.

1. Salut y introduzion: Roland Thaler
2. La politica al servisc dla sozieté y dl zitadin - Organisazion y funzion
di partis - N partì per la mendranza ladina: Carlo Willeit
3. Les unions ladines sciche fondamenta storica y culturala de na politica
ladina. Cristina De Grandi
4. Cie pò y dess pa fé l Comun per nosta comunité: Georg Moroder
5. La mendranza ladina: livel de sconanza y autonomia: Andrea Rizzi
6. I Ladins anter i popui manacés: Mateo Taibon
7. Esperienzes y prospetives de na politica autonoma ladina: Luigi
Chiocchetti
8. Meisa torona: "Cie podonse y messonse pa fé per ti dé plu forza, plu
convinzion, a na politica autonoma ladina?"

Moderadour dl simpose y infos pro: Lois Castlunger, tel. 0471847200
Entourn les 13.00: Marena tla Pension Vittoria, Calfosch, per l priesc de 16 Euro.