benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L term scola ladina prova da ascone via l tentatif de assimilisazion
scrit ai 15 September 2006 da les 07:02:23 da noeles

Scola

 

La "scola ladina" ne esisteia nia

y ala ne é nience n ejempl o n model - La propaganda falsificheia ence fac fosch sun blanch

"La scola ladina" àn endò podù audì te chisc dis. La scola ladina dess ester n model.  Che al é n model, vedù che l lingaz dla oma n'é tant che nia prejent, é la pruma baujia. Fossa la SVP contenta con una o does ores de todesch te scola? Mai. I talians? Mai. Dutes les mendranzes dl mond, dutes les comunités de lingaz se damana la rejon de n ensegnament adegué dl lingaz dla oma. Y una o does ores a l'edema n'é nia adegué. Chel mostra ence l fat che l ladin vegn rejoné (y scrit) dret mel da dret trueps.  Al é n fat documenté che la SVP vuel abelì. "Wegreden", díjen per todesch. Ma i fac resta, fosch sun blanch, o ence acusticamenter.

Sie inom dret inom é "scuola delle località ladine/Schule der ladinischen Ortschaften/scola dles localités ladines" o "scola paritetica taliana-todescia".



     La pruma fauzité progangadista é chela dl terminus. Al n'esisteia deguna "scola ladina", desche trueps volessa nes fé creie. Al esisteia na scola todesch-taliana (o sc'an vuel, talian-todescia)  con na frizia de ladin laprò. Al é la "scola dles valedes ladines", ma nia la "scola ladina" - chest é n terminus de propaganda de partì. Al é enfin na baujia. Ence l jornalism à la tendenza da sourantó chesta terminologia che é de pert de sistem politich: l jornalism neutral messessa adoré la terminlogia neutrala.  La SVP á prové tl do-vera per trueps agn da germanisé la scola dles valedes  ladines. An fova apeina gnus fora da la esperienza fascista, olache l lingaz dla oma n'ova deguna lerch, ma imparé da chesta esperienza n'án nia: atira àn prové da ti tó ai ladins sie lingaz; chesta operazion de assimilazion gniva enfinamai metuda fora sciche salveza. Samben, sce i talians assimileia, él fascism, sce i todesc assimileia, él salveza - n segn n nazionalism todesch dret sterch,  che á abú anter si apostui plu fanatics ence jent de Badia y dantadut de Gherdeina. La terminologia de na "scola ladina" prova da scuté via chest tentatif de assimilazion.


      La scola todescia esisteia: almanco 25 ores a l'edema é per todesch. Al esisteia la scola taliana: almanco 25 ores a l'edema per talian y de talian. Ma na scola,  olache n lingaz tol fora una o al plu does ores de n lingaz, ne pòn dessegur nia nominé do chest lingaz. La scola dles valedes ladines, con una o does ores de lingaz ladin, n'é nia na "scola ladina". Al é na scola todesch-taliana. La scola todescia de Südtirol n'é nia na scola "taliana", ajache an à 6 ores de talian a l'edema. Tant manco é la scola dla Val Badia o de Gherdeina na "scola ladina" per les does (o una) ores de ladin a l'edema. La nominé empò enscì é n'operazion politica, n'operazion de falsificazion. Davia che al n'esisteia deguna  scola ladina, ma demé na scola dles valedes ladines. Al basta ti cialé al orar: al é na scola todesch-taliana con na frizia de ladin, ma al n'é nia na scola ladina. Chest é fosch sun blanch. L rest é baujia. (mt)

 

 L term scola ladina prova da ascone via l tentatif de assimilisazion
 Magnago: promotour de na scola todescia tles valedes ladines 
 L senn dla SVP al ladin te scola dal 1945 a encuei

 

  Sentenza dla Court Costituzionala sun la scola paritetica - l recurs a la Court Costituzionala fova gnù mené inant dl 1976 da la SVP per mete su scoles porì todesces tles localités ladines


 
Liams emparentés
· Deplú sun l tema Scola
· Chier te noeles


L articul plu liet te chest tema Scola:
Les graduatories per la scola ladina tla provinzia de Bulsan


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: L term scola ladina prova da ascone via l tentatif de assimilisazion (ponc: 1)
da Jepele ai 16 September 2006 da les 08:16:05
(Infos sun l utilisadour | Ti mané n messaje privat)
N iade na dreta constatazion con chesta inflazion de "scola ladina". Ajache al vegn ensegné una o does ores de ingleis te scola ne devéntela perchel nia na "scola ingleisa". An dess resté pro la verité. Demarevueia che al ti sta propi a cuer a la "nomenclatura" chest term che ai l adora fora de mesura sovenz. Ciuldí pa?



Re: L term scola ladina prova da ascone via l tentatif de assimilisazion (ponc: 1)
da MateoTaibon ai 16 September 2006 da les 09:48:44
(Infos sun l utilisadour | Ti mané n messaje privat)
desche iu à scrit: por ascogne ia la realté, por falsifiché la realté con na parora.

te
www.vejin.com

él da lì dô ince la storia dla scora, an po y dess ince lì le liber de Vittur.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.392 seconc