benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Al basta che al sie nazionalism todesch, chel vegn esalté
scrit ai 26 August 2006 da les 20:25:41 da noeles

Politica

 

Canche l nazionalism todesch é arconcé ite ti cefs

Dret atual é endň n capitul dla storia de Südtirol, la politica damana la "grazia" per chi che ŕ fat atentac teroristics, ma i clama "ativisc´" o "Freiheitskämpfer"  

de Mateo Taibon

Les terminologies dij gonot deplú co che l’argumentazion enstessa ne vuel l dě. Les paroles ch’an tol per denominé valch dij deplú che chi che les adora ne l dije diretamenter, ence deplú co chi che les adora ne s’en lasce ite. Dret atual é endň chel capitul dla storia de Südtirol, olache al é gnú fat certes ativités. Chestes ativités fova mete bombes. Chi che á metú bombes, vegn enscí nominés „ativisc'" - da na gran pert dla politica de Südtirol y ence dai media che n’ejamineia nience n pue sia terminologia. Mete bombes é n’ativité, dessegur, chi che metova bombes é „ativisc'". Cie che al vegn dit con chestes paroles é che adoré la violenza sciche meso dla politica é legitim: la terminologia „ativist" legitimeia les bombes. Al ne vegn nience nia fat desvalivanzes. „Ativisc'" ti végnel dit a duc, ence a chi che á copé y daidé copé persones. Ma al sarŕ ben che sc’al vegn copé n talian vel chest demanco per certa jent - la parola „ativist" tol enscí ence ite na bona porzion de razism. Na testimonianza cruedia de chest é ence steda n’intervista sun la chestion de n talian copé. „Al ne dova nia jě dailň", chesta la posizion che ti dŕ la colpa a la vitima.

L "Freiheitskämpfer", Siegfried Steger. Da Tirol On-line http://www.tirol.com/politik/suedtirol/44076/index.do



 

„Santificazion" de dut cie che é todesch (ence les bombes); y criminalisazion de dut cie che é ladin. Can che le nazionalism todesch é arconcé ite ti cefs.

Ativist é un che va sun streda per demostrazions y che organiseia protestes, che scriv jolantins, comunicac stampa, che fej intervenc tl radio y enscí inant: chest é n ativist. Un che met bombes n’é nia n ativist. Ma per i todesc de Südtirol é dut legitim cie che vegn fat per i todesc de Südtirol, y enscí vegn ence chi che ŕ metú bombes, o che ŕ daidé chi che les metova, nominés „ativisc'" o enfinamai „Freiheitskämpfer". Dí i messéssen a vigni moda „Attentäter" - chesta l’unica terminologia neutrala. L terminus „terorist", che vegn adoré gonot da pert taliana n’é nience nia neutral, sceben che per valgugn fóssel plu che giustifiché.

Mete bombes per i todesc é dret: chest l messaje che vegn dé con la terminologia. „Ativisc'", al é n abeliment. Almanco „Attentäter" messéssen ti dí. Ma cotanc i dij enfinamai „Freiheitskämpfer". Chisc ne giustificheia nia demé, chisc glorificheia enscí la violenza. An ne se dŕ te Südtirol nience ju - nience n pue - con l’ideologia de na pert de chesta jent. Anter i „ativisc'" fňvel ence personajes che é de man dreta estrema. Ma fascism desturba pu demé sc’al é talian - can che al é todesch, végnel bagatelisé, giustifiché, glorifiché.

La gran contradizion vegn fora tl contest de d’autres mendranzes. Sciche i ladins, mendranza vejina ai todesc che vegn endere la maiour pert desmentieda, sburleda da na pert.

I ladins n’ŕ mai metů bombes, ai n’ŕ mai fat atentac o adoré d’autres formes de violenza per damané sies rejons - ma ŕ dagnora adoré les formes democratiches plu legitimes, fondamentales. Ma can che i ladins se damana rejons fondamentales che i todesc ova bele dant mete bombes, spo ti sauten ados con na ligna de criminalisazions. Ai vegn metus fora sciche criminai, assassins de massa, metus empčr ai maiours terorisc' de nosc temps. Tratant che i todesc é "ativisc'" o "Freiheitskämpfer" can che ai met bombes (ence can che al vegn copé persones), vegn i ladins metus empčr a criminai can che ai damana - zenza violenza, sfrutan porě les rejons democratiches plu fondamentales - plu che demé una o does de lingaz dla oma te scora, can che ai se damana l’aplicazion de sie lingaz (can che al fala l todesch végnel ben atira rejoné de "fascism"), o can che ai damana ence na forma scrita unitara dl lingaz.

Viadň chesta desvalianza de valutazion stal n’ideologia nazionalista, n’ideologia che valuteia dut cie che é todesch cotant plu aut che dut l’auter y che valuteia les rejons de na mendranza sciche chela ladina tant basses che demé les damané vegn vedů sciche at criminal. Chilň viadedň stal mentalités, idees, ideologies de stamp clermenter nazionalist, razist. Rodunt i esponenc de chestes ideologies ti tira tres dant l nazionalism y fascism ai talians. Ma ei é spo ciamň plu prepotenc y despetousc con les mendranzes. Empede cospeté persoura i nazionalisc' talians podéssei cialé te spiedl. Ai vedessa ence nazionalisc'. Ma l nazionalism plej pu sc’al é todesch.

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3.93
Oujes: 33


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Al basta che al sie nazionalism todesch, chel vegn esalté (ponc: 1)
da Janpire ai 29 August 2006 da les 16:31:14
(Infos sun l utilisadour | Ti mané n messaje privat)
" ladins n’ŕ mai metů bombes, ai n’ŕ mai fat atentac o adoré d’autres formes de violenza per damané sies rejons - ma ŕ dagnora adoré les formes democratiches plu legitimes, fondamentales. Ma can che i ladins se damana rejons fondamentales che i todesc ova bele dant mete bombes, spo ti sauten ados con na ligna de criminalisazions. Ai vegn metus fora sciche criminai, assassins de massa, metus empčr ai maiours terorisc' de nosc temps".

Poste fé preibel valch ejempl, olache chest suzed?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.382 seconc