benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Letra a la jent ladina
scrit ai 20 August 2006 da les 19:31:31 da noeles

Politica ghest scriv "

 

Avei enstesc n cef da pensé

En ocajion dl di dla unité ladina me éi pensé de scrive na letra a la jent ladina. Un di plu gragn problems di ladins encer l Sela é sia despartizion, la mancianza de na sterscia unité, y chest a vigni livel: sozial, cultural, economich y dant daldut politich.  Y con chest fat taca adum na posizion de debleza, na mentalité da fanc, da dependenc, de frunt a les popolazions vejines y sies forzes politiches. Ma tl temp che i vivon aldidancuei é truep mudé:
1) La jent se sta ben, ala ne à nia de gran problems de se tré l vive.
2) Les poscibeltés de se enconté é majeres y mioures; al é ence plu saurì a comuniché tres i mesi moderns di mass media, tres internet.
3) L livel de istruzion dla jent é truep plu aut che dant da 50 agn.



Te chesta nueva situazion él vegnù l moment de realisé chisc doi traverc:
Na majera unité anter i ladins dles Dolomites.
Na organisazion politica autonoma dla Ladinia.
Per l moment onse does forzes politiches autonomes y independentes tles valedes ladines: l Moviment Politich LADINS per i ladins tla provinzia de Bulsan y la UAL per i ladins de Fascia. Ma cie che al mancia é na bona colaborazion anter chestes does forzes. Chi che à a cuer la Ladinia mess laoré per na majera y mioura coordinazion de dutes sies azions politiches. Na tel coordinazion ti dess a nosta jent ence plu credibelté, plu convinzion de tegnì adum per arjonje traverc emportanc.
Provon de pensé con nosc cefs y de tò te nostes mans nost destin.
Cherdon de plu te nost Moviment Politich LADINS y tla UAL! Cherdon te na colaborazion sozio-politica anter i ladins de Fodom, Ampez, Col Santa Lizia, la Val de Fascia, Gherdeina y la Val Badia!
Enscì sonse segurs che i son bogn de crié na realté, na situazion, olà che duc i ladins dles 5 valedes dolomitiches se sent da ciasa, y pò renforzé y vive sia identité.
N bel ejempl de unité nes dà Noeles.net, che con adoré n lingaz scrit unifiché contribuesc a fé cresce adum la popolazion ladina, per se sentì plu davejina, per se daurì n puech y azeté plu saurì i ladins dles valedes vejines.
La scola ladina ne dess nia cialé demez da chesta forma de unité linguistica, che porta dessegur a na majera identité, dantdaldut anter i joegn. I son otimisc' y i cherdon che chisc sarà te chest vers plu daverc, plu desponibli a tò su formes nueves che renforzeia la identité y la union di ladins.
Roland Thaler
Lois Castlunger
"

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 3.211 seconc