benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: manifestazions per daidé n projet de na scola tl Nepal
scrit ai 09 July 2006 da les 19:19:39 da noeles

Fascia

 

Encontedes con i alpinisc' temerars: Pederiva, Valeruz y Martini

Lignola de manifestazions per sostegnì n projet per na scola tl Nepal

L comité dles manifestazions de Vich y l mond dl alpinism sostegn deberieda na bela scomenciadiva de carater umanitar a ben dla popolazion dl Nepal y plu avisa per la realisazion de na scola per mutons.  Al se trata de n projet che vegn porté inant en pruma persona da n gran conescidour dl Himalaya, enstes om dles montes, Fausto de Stefani da la Lombardia, da trueps agn particolarmenter interessé a la cultura y a la souravivenza di popui che viv tl Nepal.



      L comité de manifestazions de Vich ti à dé atira sie plen sostegn a chest projet. Te desvalives iniziatives che arà regneda via per  i meisc de messel y de aost podaràn enconté en pruma persona a Vich i miours alpinisc' a livel local y nazional, arpizadours che à scrit storia dl alpinism ti ultims trenta agn. La scomenciadiva se clama "scontreda con i protagonisc´- projet de solidarieté alpina per na scola tl Nepal" y piarà via en lunesc, ai 10 de messel a Vich ilò da la paladina dles manifestazions con l alpinist fascian Bruno Pederiva, n alpinist che é sté bon da capì ti agn '80 i svilups nuefs dla arpizeda y da arjonje resultac reconescius internazionalmenter. Bruno Pederiva é ju pera con i miours alpinisc´, scomencian da Mariacher, auter protagonist dl alpinism ti ultims 30 agn. Ai 31 de messel ti végnel dé l benvegnù al alpinist fascian Tone Valeruz, l schiadour temerar, n atlet y n om da mont te chel che al ne se à dutaorela nia destudé via la pascion per schiedes vaghedes ju dai creps. Ai 7 de aost , tres da les nuef da seira, urteda con l'alpinist da Rorei Sergio Martini  che à arpizé duc i 14 ot mile dl mond:  n alpinist de gran renom, ma ence n om scempl y a la bona che rejona con duc.
      Enultima, ai 17 de aost, urteda con l promotour de chesta scomenciadiva per na scola tl Nepal enstes, Fausto de Stefani, conescidour dl Himalaya y empegné per la jent che viv ilò y che à dassen debujegn de mioré sie livel sozial, da a mete man con strutures desche scoles (sit internet: http://digilander.libero.it/faustodestefani/). Chest sie projet vegn ence soponté dal Comun de Vich y da la Crousc Cuecena de Vich. N bel projet natura umanitara che ti dà tl medem temp ai fascians y a si sciors la poscibelté de conesce plu damprò n valgugn di miours alpinisc' dl mond. De maioures informazions pòn cherdé ju dal sit internet www.entornvich.com . Domenico Volcan 

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.390 seconc